1 Juan 5:10 - Dios Rimashca Shimicunami

¹⁰ Diospaj Churipi maijanpish crijca, pai quiquinllapitajmi huillajtaca charin. Diosta maijanpish mana crijca, paitaca llullatami ruran. Paipaj Churimanta Dios huillashcatami mana crishca.

Mushuj Testamento Diospaj Shimi

¹⁰ Maijanpish Diospaj Churita crijca, Pai huillashcatami shungupi huaquichin. Diosta mana crijca, Paipaj Churimanta Taita Dios huillashcata mana crishpaca, Taita Diostaca llullatamari ruran.

1 Juan 5:10 Iomraidhean Croise

JOB 24:25

Mana chashna cana cajpica ¿pitaj ñucataca llullami ningacunari? Mana cashpaca ¿pitaj ñuca shimicunataca yangallami ningacunari? nircami.

SALMOS 25:14

Mandaj Diosca paita manchajcunahuanmi yallitaj apanacun. Paihuan ari ninacushcata pajtachinataca paicunamanmi yachachinga.

PROVERBIOS 3:32

Mandaj Diosca millaita rurajtaca, manataj ricunachinchu. Ashtahuanpish cashcata rurajcunahuanca, tandallami causan.

ISAÍAS 53:1

¿Ñucanchij huillashcataca pitaj crishcari? Mandaj Dios paipaj maquihuan imallata rurana cashcataca ¿pimantaj ricuchishcari?

JEREMÍAS 15:18

¿Imamantataj ñuca nanaica manataj anchurinchu imatagari? ¿Imamantataj ñuca chugrica ima jambihuan mana alliyashpa nanacunllachu imatagari? ¿Ñucapajca ima ricurishcahuan chingarijlla shina, llujshicushcahuan chaquirijlla yacu shinachu cagringui imatagari?

NÚMEROS 23:19

Taita Diosca mana runachu. Llullangapajca. Taita Diosca huañujlla runa shina pai rurasha nishcataca mana shujtajyachijchu. Pai rurasha nishcataca ¿manachari pajtachingari? Pai ari nishcataca ¿manachari pajtachingari?

Juan 3:16

Taita Diosca, cai pachapi causajcunataca yallitaj c'uyashpami, paipaj shujlla Churita cacharca. Pipish paita crijca ama chingarishpa, ashtahuanpish huiñai causaita charichunmi cacharca.

Juan 3:18

Taita Diospaj Churita crijtaca, jatun llaquiman rina nishcaca mana cangachu. Ashtahuanpish paipaj shujlla Churita mana crijtami jatun llaquiman rinatajmi can nishca.

Juan 3:33

Maijanpish pai ricushcata huillajpi chasquijca, Taita Diosca mana llulla cashcatami ricuchin.

Juan 5:38

Ñuca Yaya ñucata cachashcata mana crishcamantami, paipaj Shimicunapish cancunapaj shungupica mana saquirin.

Hechos 8:37

Felipeca: –Tucui shungumanta crishpaca, ari pudinguimi– nijpi, paica: –Jesucristotaca, Taita Diospaj Churi cashcatami crini– nirca.

Romanos 8:16

Chai Espiritullatajmi ñucanchij espiritumanca, Diospaj huahuacunami canguichij nishpa huillacun.

Gálatas 4:1

Caitapishmi nisha nini: Herenciata japij huahuaraj cashpaca, tucui charishcacunapaj dueño cashpapish, amopajta ruraj shinallatajmi.

Gálatas 4:6

Chaimantami paipaj huahuacuna canguichij. Diosca cancunapaj shungucunamanca paipaj Churipaj Espiritutami cacharca. Paimi: “¡Ñuca Yayitu!” nishpa caparicun.

Colosenses 3:3

Cristohuan huañushcami carcanguichij. Cancunapaj causaica, Cristohuanmi Diospi pacashca tiyacun.

Hebreos 3:12

Riquichij huauquicuna, cancunapurapica millai shungu tucushpa, mana crishpa, causaj Diosmanta anchurijcunaca amataj tiyachun.

2 Pedro 1:19

Chaicunataca profetacunaman Quillcachishcacunami chashnataj cashcata huillan. Chaicunataca amsata nina sindi achijyachijta alli ricuraj shina ricurashpaca, allitami ruranguichij. Pacari luzero punllayachij shina cancunapaj shunguta achijyachingacamami chashna rurana canguichij.

1 Juan 1:10

Mana juchallishcanchijchu nishpaca, Diostami llullata ruranchij. Diosta llullata rurajcuna cajpica, paipaj Shimica mana ñucanchijpichu.

1 Juan 5:1

Jesustaca Cristo cashcata maijanpish crijca, Diosmanta huacharishcami. Diosta maijanpish c'uyajca, paipaj huahuacunatapish c'uyanmi.

Apocalipsis 12:17

Chashna rurajpimi, dragonca chai huarmihuan ashtahuan p'iñarishpa chai huarmipaj saquirishca huahua huahuacunahuan jatunta macanacugrirca. Paicunaca, Dios mandashcata alli cazujcunami. Jesucristomanta huillashcatapish alli catijcunami.

Apocalipsis 2:17

Rinrinta charijca, tandanacushca crijcunaman Diospaj Espíritu huillashcata uyachun. Millaita mishajmanca, pacashca tiyacuj maná shuti micuitami carasha. Shinallataj shuj uchilla yuraj rumitami cusha, chaipica shuj mushuj shutita quillcashcami, chai shutitaca pi mana yachanchu, maijanpish chasquijllami yachanga nishpa quillcai” nircami.

Apocalipsis 2:28

Pacarinapaj llujshij luzerotapish paicunamanca cushami.