1 Juan 5:1 - Dios Rimashca Shimicunami

¹ Jesustaca Cristo cashcata maijanpish crijca, Diosmanta huacharishcami. Diosta maijanpish c'uyajca, paipaj huahuacunatapish c'uyanmi.

Mushuj Testamento Diospaj Shimi

¹ Pipish Jesús Quishpichij Cristo cashcata crijca, Taita Diosmanta huacharishca huahuatajmi. Shinashpaca pipish yayata cʼuyashpaca, chai yayamanta huacharishca huahuatapish cʼuyanmi.

1 Juan 5:1 Iomraidhean Croise

Mateo 16:16

Simón Pedroca: –Canca causaj Diospaj Churi, Cristomari cangui– nirca.

Lucas 7:5

Paica ñucanchij judiocunata c'uyashpa shuj sinagogatami shayachirca– nircacunami.

Juan 1:3

Tucui imalla tiyajcunataca, paihuanmi rurarca. Tucui imatapish paillahuantajmi rurarca.

Juan 15:23

Maijanpish ñucata p'iñajca, ñuca Yayatapish p'iñanmi.

Juan 3:3

Chaimi Jesusca: –Pipish mana cutin huacharijca, Taita Dios mandacujpica mana ricungacunachu. Chashnatajmi canga– nircami.

Juan 6:69

Ñucanchijca cantaca causaj Taita Diospaj Churi cashcatami crinchij. Cristo cashcatapish yachanchijmi– nirca.

Juan 8:42

Chaimi Jesusca: –Cancunapaj Yaya, Taita Dios cajpica, ñucataca c'uyanguichijmanmi. Ñucaca, Taita Diospajmantami shamurcani. Mana ñuca yuyaillamantachu shamurcani. Paimari ñucataca cacharca.

Hechos 8:36

Parlanacuihuan ñanta ricushpaca yacu tiyan c'uchuta pasagrishpami eunuco runaca: –Caipica yacu tiyanmari. ¿Manachu ñucaca cunanllataj bautizari tucuni?– nijpi,

Hechos 8:37

Felipeca: –Tucui shungumanta crishpaca, ari pudinguimi– nijpi, paica: –Jesucristotaca, Taita Diospaj Churi cashcatami crini– nirca.

Santiago 1:18

Pai munashcamantami mana llulla shimimanta pai rurashcacunapaj punta p'ucushca grano shina cachun, ñucanchijtaca mushujyachirca.

1 Pedro 1:3

Ñucanchijta Mandaj Jesucristopaj Dios Yayataca, alli nishca cachun. Paica, ñucanchijta jatunta llaquij cashcamantami huañushcacunapaj chaupimanta Jesucristota causachishpa, huiñaita causagrina yuyailla cachun, ñucanchijtaca cutin huacharichirca.

1 Juan 2:10

Maijanpish paipaj huauquita c'uyajca, luzpimi causacun. Paipica maijanta imapi pandachinaca mana tiyanchu.

1 Juan 2:29

Cristoca Dios munashcata ruraj cashcataca yachanguichijmi. Chaimanta maijanpish Dios munashcata ruraj cajpica, Diosmanta huacharishca cashcata yachaichij.

1 Juan 3:14

Huauquicunata c'uyashpami, huañushca cashca cashpapish, causaiyuj tucushcata yachanchij. Maijanpish paipaj huauquita mana c'uyajca, huañushcallatajmi.

1 Juan 3:17

Ashtahuanpish cai pachapaj charinacunata charishpapish, maijan huauqui ima illajlla cajta ricushpapish, paipaj shungupi mitsashpa mana cujca, Diospaj c'uyaitaca mana charinchu.

1 Juan 3:9

Maijanpish Diosmanta huacharishca cajca, Diospaj mushuj causaita charishcamanta juchallishpallaca mana causai tucunchu. Diosmanta huacharishcataj cashcamantami juchallishpallaca mana causai tucun.

1 Juan 4:2

Diospaj Espirituhuan cajtaca caipi rijsichij: Jesucristoca runa aichayuj tucushpami shamushca nishpa huillajca, Diospaj Espirituhuanmi.

1 Juan 4:20

Maijanpish: “Ñucaca Diostami c'uyani” nishpapish, paipaj huauquita p'iñajca llullami. Chaimanta maijanpish ricushca huauquita mana c'uyajca ¿ima shinataj mana ricushca Diostacarin c'uyangari?

1 Juan 4:7

C'uyashcacuna, Dios c'uyaita cushcamanta caishuj chaishuj c'uyanacushunchij. Maijanpish c'uyajca Diosmanta huacharishcami, Diostapish rijsinmi.

1 Juan 5:18

Diosmanta maijanpish huacharishca cajca, juchata mana rurashpa catij cashcataca yachanchijmi. Paitaca Diospaj huahua cajpimi huaquichin. Diabloca paipica mana tuparinchu.

1 Juan 5:4

Diosmanta maijanpish huacharishca cajca, cai pachapi millaita ruranataca mishanmi. Cai pachapi millaita ruranataca, Jesusta crishcami mishachin.

1 Juan 5:5

¿Pitaj cai pachapi millaita ruranataca mishan? Jesusca Diospaj Churi cashcatataj crijmi mishan.