1 Juan 4:9 - Dios Rimashca Shimicunami

⁹ Diosca paipaj shujlla Churimanta ñucanchij quishpirichunmi cai pachaman cacharca. Chashnami pai c'uyaj cashcataca ricuchirca.

Mushuj Testamento Diospaj Shimi

⁹ Taita Diosca, cai pachaman Paipaj shujlla Churitami ñucanchij Paimanta causachun cachashca. Chashnami ñucanchijta cʼuyashcataca ricuchirca.

1 Juan 4:9 Iomraidhean Croise

GÉNESIS 22:2

Chaipimi Taita Diosca Abrahamtaca: –Cunanca cambaj c'uyashca shujlla churi Isaacta pushashpa, Moriah llajtaman ri. Chaipi tiyaj urcucunamanta shuj urcutami canman ricuchisha. Chai urcupi Isaactaca ñucaman cushpa tucui rupachingui– nirca.

SALMOS 2:7

Mandaj Dios ñucaman ima nishcatami huillagrini: “Paica ñuca huahuami cangui, cunanmi canmanca causaita cuni.

Marcos 12:6

Tucui chaicunapaj q'uipaca, chagrayujca shujlla c'uyashca churitami: “Ñuca churitatajca cazungami” nishpa cacharca.

Lucas 4:18

“Jatun Diospaj Espirituca, ñuca jahuapimi. Ñucataca huajchacunaman alli huillaita huillachun, shungupi llaquirishpa huañucujcunata alliyachichun, prezupi cajcunata cacharichichun, mana ricujcunata ricujta rurachun, llaquichishca causacujcunata cacharichichunmi cacharca.

Juan 10:10

Shuhuaca, shuhuangapaj, huañuchingapaj, tucuchingapajllami shamun. Ñucaca causaita charichun, yallitaj charichunmi shamurcani.

Juan 14:6

Chaimi Jesusca: –Ñucamari ñan cani, mana llullapish, causaiyujpish cani. Yayapajmanca pi mana paillatajca chayai tucunchu. Ñucami Yayapajman chayachij ñan cani.

Juan 3:16

Taita Diosca, cai pachapi causajcunataca yallitaj c'uyashpami, paipaj shujlla Churita cacharca. Pipish paita crijca ama chingarishpa, ashtahuanpish huiñai causaita charichunmi cacharca.

Juan 3:18

Taita Diospaj Churita crijtaca, jatun llaquiman rina nishcaca mana cangachu. Ashtahuanpish paipaj shujlla Churita mana crijtami jatun llaquiman rinatajmi can nishca.

Juan 5:23

Tucuicuna Yayata jatunyachij shinallataj, paipaj Churita jatunyachichunmi paiman curca. Pipish paipaj Churita mana jatunyachijca, paita cachaj Yayatami mana jatunyachin.

Juan 6:29

Jesusca: –Runa Aichayujtaca Taita Dios cachashca cashcata crinami. Chaimi Taita Diospajta ruranaca– nirca.

Juan 6:51

Jahua pachamanta shamuj causaiyuj tandaca ñucami cani. Maijanpish cai tandata micujca huiñaitami causanga. Ñuca carana tandaca, ñuca aichami. Chaitaca cai pachapi causajcuna huiñai causaita charichunmi, ñucallataj curisha– nircami.

Juan 6:57

Ñucata cachaj Yayaca causaiyujmi. Paimantami ñucaca causani. Chashnallatajmi maijanpish ñuca aichata micujca, ñucamanta huiñai causaita charinga.

Juan 8:29

Ñucata cachaj Yayaca ñucahuanmi. Ñucaca pai munashcallatami rurani. Chaimantami ñucallataca mana saquin– nircami.

Juan 8:42

Chaimi Jesusca: –Cancunapaj Yaya, Taita Dios cajpica, ñucataca c'uyanguichijmanmi. Ñucaca, Taita Diospajmantami shamurcani. Mana ñuca yuyaillamantachu shamurcani. Paimari ñucataca cacharca.

Juan 9:3

Shina nijpi Jesusca: –Paipish, paipaj yaya mamapish mana juchallircachu. Ashtahuanpish Taita Diosca pai rurai tucushca cai runapi ricurichunmi chashnaca huacharirca.

Romanos 8:32

Diosca paipaj quiquin Churitapish mana mitsashpami, tucui ñucanchijmanta curca. ¿Manachu chashnallataj tucui imatapish paillahuantaj ñucanchijman cunga?

Hebreos 1:5

Diosca angelcunataca ni maijan angelta: “Canca ñuca Churimi cangui. Ñucaca cambaj yayami tucurcani” ninataca manataj nircachu. Shinallataj: Angelcunataca ni maijan angelta: “Ñucaca paipaj Yayami casha. Paica ñuca churimi canga” ninatapish manataj nircachu.

1 Juan 3:16

Ñucanchijmanta Cristo paipaj causaita cujpimi, c'uyai ima cashcataca rijsircanchij. Chai shinallatajmi huauquicunamantaca, ñucanchijpish causaita cuna canchij.

1 Juan 4:10

Mana ñucanchijchu Diostaca c'uyashcanchij, ashtahuanpish paimari ñucanchijta c'uyashpa ñucanchij juchacunamanta huañushpa juchacunata anchuchichun paipaj Churitaca cacharca. Chashnami pai c'uyashcataca ricuchishca.

1 Juan 4:16

Chaimantami Dios ñucanchijta c'uyashcataca yachanchij, crinchij. Diosca c'uyajmi. Maijanpish c'uyajca Dioshuan shujllami, Diospish paihuanca shujllami.

1 Juan 5:11

Chai huillashcacunaca caimi: Diosca ñucanchijmanca, huiñai causaitami cushca. Chai causaica, paipaj Churipimi.

1 Juan 5:13

Caicunataca Diospaj Churipi crishpa pai yuyailla cajcunaca huiñai causaita ña charishcata yachachunmi quillcani.