1 Juan 4:6 - Dios Rimashca Shimicunami

⁶ Ñucanchijca, Diospajmi canchij. Diosta rijsijmi, ñucanchijtaca uyan. Mana Diospaj cajca, ñucanchijtaca mana uyanchu. Chaipimi mana llulla Espirituhuan cashcata, mana cashpaca pandachij espirituhuan cashcatapish rijsinchij.

Mushuj Testamento Diospaj Shimi

⁶ Ñucanchijca, Taita Diospajmari canchij. Taita Diospaj cajcunaca, ñucanchijtaca uyanllami. Mana Taita Diospaj cajcunaca, ñucanchijtaca mana uyanchu. Chashna cajta ricushpami, mana llullaj Diospaj Espirituhuan cajtapish, pandachijpaj espirituhuan cajtapish jahualla yachai tucunchij.

1 Juan 4:6 Iomraidhean Croise

2 CRÓNICAS 18:21

Shina nijpi chai espirituca: Ñuca rishpaca, tucui profetacunatami llullachishpa huillachigrini nijpimi Mandaj Diosca: Can nishca shinallataj rurashpa umagrilla. Paitaca umai tucunguimi nirca.

ISAÍAS 29:10

Mandaj Diosllatajmi cancunapaj jahuapica dorminaita cuj espirituta tallirca. Chaimi cancunapaj profetacunapaj ñahuicunatapish huichcarca. Chaimi Dios huillachishcata cancunaman huillajcunatapish linsohuan umata pilluchirca.

ISAÍAS 8:20

Mandashcapish, Dios ima shina cashca shina causachun nishcapish tiyanmi. Mandashcacunapi nishca shina mana nishpaca, paipica manaraj pacarishcachu.

OSEAS 4:12

Ñuca agllashcacunaca, paicunapaj caspi diostami imatapish tapuncuna. Paicunamanca caspimi imatapish cutichin. Paicunataca huainayana yuyailla canami pandachirca. Yallitaj aicha munaita mana jarcari tucushpami Taita Diosmantaca anchurircacuna.

MIQUEAS 2:11

Maijanpish llullachij espirituhuan cashpaca: “Ñucaca vinopish, sidrapish mana tucuringachu nishpami huillaj shamuni” ningami. Chaimi cai llajtapi causaj runacunapaj huillajca canga.

MIQUEAS 3:8

Ashtahuanpish ñucaca, Mandaj Diospaj Espirituhuan jundami cani. Paimi cashcata ruranatapish, fuerzatapish curca. Chaimantami Jacobpaj huahua huahua israelcuna mana cazushpa millaita rurashcamantaca, ñahui ñahui rimasha.

Lucas 10:22

Ñuca Yayaca tucuitami ñucamanca curca. Churi pi cashcatapish pi mana rijsinchu, Yayallami rijsin. Yaya pi cashcatapish pi mana rijsinchu, Churillami rijsin. Pi cashpapish Churi rijsichisha nishcacunallami, Yayataca rijsin– nircami.

Juan 10:16

Mana cai corralpi caj shujtaj ovejacunatapish charinimi. Paicunatapish pushamunami cani. Paicunapish ñuca rimaitami uyangacuna. Shuj canllallami tucunga, shuj michijllami tiyanga.

Juan 10:27

Ñuca ovejacunaca ñuca rimaitaca rijsinmi. Ñucapish paicunataca rijsinimi. Paicunaca ñucata catinllacunami.

Juan 10:3

Chai michijmanmi punguta cuidajca, punguta pascashpa ricuchin. Ovejacunaca michijpaj rimaitami uyan. Michijca paipaj ovejacunataca, shutipi cayashpami llujshichin.

Juan 13:20

Pipish ñuca cachashcata chasquijca, ñucatami chasquin. Pipish ñucata chasquijca, ñucata cachajtami chasquin. Chaica chashnatajmi– nircami.

Juan 14:17

Chai Espirituca imatapish chaitataj yachachijmi. Chai Espiritutaca cai pachapaj cajcunaca mana ricushcamanta, mana rijsishcamanta mana chasqui tucunchu. Ashtahuanpish cancunaca paitaca cancunapi causashcamanta rijsinguichijmi. Paica cancunapica causacungallami.

Juan 15:26

Ashtahuanpish ñuca yayapajmanta mana llullaj Espirituta cachajpi pai shamushpaca cushichingami. Paica imatapish cashcatataj nij Espiritumi. Paica Yayamanta shamushcamanta, ñuca ima shina cashcatami huillanga.

Juan 16:13

Imatapish chaitataj huillaj Taita Diospaj Espíritu shamushpami, cancunataca ima shina cashcatataj yachachinga. Paipaj quiquin yuyaimantaca mana rimangachu. Ashtahuanpish tucui imalla uyashcatami rimanga. Shamuj punllacunapi imalla tucuna cashcatapishmi yachachinga.

Juan 18:37

Chaimi Pilatoca: –Shinashpaca canca ¿jatun Mandajchu cangui?– nijpi, Jesusca: –Canllatajmari ñucataca jatun Mandaj ningui. Ñucaca chaipajllatajmi cai pachaman shamushpa huacharircani. Mana llullata huillangapajmi shamurcani. Ñuca huillashcataca mana llullapaj cajcunallami uyancuna– nirca.

Juan 20:21

Jesusca cutinllatajmi paicunataca: –¡Sumaj causai cancunahuan cachun! Ima shinami Yaya ñucata cacharca, chashnallatajmi ñucapish cancunataca cachani– nircami.

Juan 8:19

Chaimi paicunaca: –¿Maipitaj cambaj Yayaca?– nircacuna. Shina nijpi Jesusca: –Ñucatapish, ñuca Yayatapish mana rijsinguichijchu. Ñucata rijsishpaca, ñuca Yayatapish rijsinguichijmanmi– nirca.

Juan 8:23

Chaimi Jesusca: –Cancunaca cai jucha pachamantami canguichij, ñucaca jahua pachamantami cani. Cancunaca cai pachamantami canguichij, ñucaca mana cai pachamantachu cani.

Romanos 1:1

Jesucristopajta ruraj, apóstol cachun cayashca, Taita Diospaj alli huillaita huillachun ch'icanchishca Pablomi cani.

Romanos 11:8

Cashnami quillcashca tiyacun: “Dios, paicunaman ch'ahuanyachij espirituta cushcamantami, cunan punllacama mana ricuj ñahui, mana uyaj rinrin tucuncuna” ninmi.

1 Corintios 14:37

Maijanpish profetami cani nij cashpapish, mana cashpaca Taita Diospaj Espíritu yuyaita cujpi huillajmi cani nij cashpapish, cancunaman ñuca quillcashcacunaca, Mandaj Jesús mandashcacuna cashcata yachachun.

2 Corintios 10:7

Imatapish ñahui ricushcallatami ricunguichij. Maijanpish Cristopajmi cani nishpaca, pai Cristopaj cashca shinallataj ñucanchijtapish Cristopaj cashcata yuyachun.

2 Tesalonicenses 1:8

Paica lunyacuj ninapi shamushpami, Taita Diosta mana rijsijcunata, ñucanchijta Mandaj Jesucristomanta alli huillaita mana cazujcunatapish llaquichinga.

1 Timoteo 4:1

Ashtahuanpish Taita Diospaj Espirituca, allitajmi cashna huillan. Q'uipa punllacunapica, umaj espiritucunata, supaicunapaj yachachinacunata uyashpaca, taucacunami crishcataca yangallami cashca nishpa saquingacuna.

2 Pedro 3:2

Diospajlla caj profetacuna ñaupaman huillashcatapish Quishpichij Mandaj Jesús huillagri nishca apostolcuna cancunaman huillashcatapish alli yuyarichunmi quillcani.

1 Juan 4:1

C'uyashcacuna, cai pachapica achca llulla profetacunami ricurishca. Chaimanta ama tucui huillajcunata crichijllachu, Diospaj Espirituhuanchu nishpa alli ricuichij.

1 Juan 4:4

Huahuacuna, cancunaca Diospajmi canguichij. Cancunapi causacujca, cai pachapi cajta yallimi. Chaimantami paitaca ña mishashcanguichij.

1 Juan 4:8

Maijanpish mana c'uyajca, Diostaca manaraj rijsishcachu. Diosca c'uyajmari.

1 Juan 5:19

Ñucanchijca Diospaj huahuacuna cashcatami yachanchij. Cai pachapi millaita rurajcunaca diablopaj ucupimi.

Judas 1:17

Chaimanta c'uyashcacuna, apostolcuna ñucanchijta Mandaj Jesucristomanta ñaupaman imalla nishcacunata cancunaca yuyaipi canguichij.