1 Juan 4:4 - Dios Rimashca Shimicunami

⁴ Huahuacuna, cancunaca Diospajmi canguichij. Cancunapi causacujca, cai pachapi cajta yallimi. Chaimantami paitaca ña mishashcanguichij.

Mushuj Testamento Diospaj Shimi

⁴ Cʼuyashca huahuacuna, cancunaca Diospajmi canguichij. Cancunapi causacujca, cai pachapaj cajcunapi causacujta yallimari. Chaimanta paicunataca, ñami mishashcanguichij.

1 Juan 4:4 Iomraidhean Croise

Juan 12:31

Cunanca cai pachapi causajcunaman, paicuna imalla rurashcata ricuchina punllami, cunanca cai pachapaj mandajta llujchichishpa shitana punllami.

Juan 14:30

Cai pachata mandajca ñamari shamucun. Cancunahuanca ña mana ashtahuan rimashachu. Pai shamushpapish ñucataca mana mishangachu.

Juan 16:11

Ima shina cashcata ricuchinaca, cai pachata mandajtaca jatun llaquiman rinapaj ña churashcami nisha ninmi.

Juan 17:23

Paicunaca pi mana juchachipaj shuj shinalla cachunmi, paicunahuan shujlla cani. Canhuan ñucahuanpish shujllami canchij. Chashna cajpimi cai pachapaj cajcunaca, ñucataca can cachashca cashcata yachangacuna. Ñucata ima shina c'uyaj shinallataj paicunatapish c'uyashcatami yachangacuna.

Romanos 8:31

Shina cajpica ¿imatataj caimantaca nishun? Dios ñucanchijhuan cajpica ¿pitaj ñucanchijtaca imata ni tucungari?

Romanos 8:37

Chashna cajpica cai tucui llaquicunataca, ñucanchijta c'uyaj Cristohuanca mishajcunatapish yalli jahualla mishajcunami canchij.

1 Corintios 2:12

Ñucanchijca mana cai pachapaj espiritutachu chasquircanchij, ashtahuanpish Diosmanta shamuj Espiritutamari, Dios cushcacunata yachangapaj chasquircanchij.

1 Corintios 6:13

Micunaca huijsapajmi, huijsaca micunapajmi. Chashna cajpipish Taita Diosca ishquindijtami chingachinga. Ashtahuanpish cuerpoca mana huainayanapajchu, Mandaj Jesuspajmi, Mandaj Jesuspish cuerpopajmi.

2 Corintios 4:4

Cristopaj sumaj alli huillai luz ama achijyachichunmi, cai pachapaj diosca mana crijcunapaj yuyaicunataca tapashca. Cristoca, Dios ima shina cajta ricuchijmi.

2 Corintios 6:16

Dios causana huasica, rurashcalla dioscunahuanca mana shuj shinalla cai tucunchu. Cancunamari causacuj Dios causana huasi canguichij. Diosllatajmi, cashna nirca: “Ñucaca paicunapurapimi causasha, purisha. Ñucaca paicunapaj Diosmi casha, paicunaca ñuca agllashcacunami cangacuna” nishcami.

Efesios 2:2

Ñaupa punllacunaca cai pacha munaicunata catishpami, huairapi mandaj munashcata rurashpa, chaipi purircanguichij. Cunanca mana cazujcunapimi, chai espirituca millaita rurachicun.

Efesios 3:17

Crishcamantaca cancunapaj shungucunapi Cristo causachun, c'uyaipi sapiyashpa sinchiyachun,

Efesios 6:10

Ñuca huauquicunalla caillahuanmi nisha nini, paipaj poderyuj fuerzahuan Mandaj Jesuspi sinchiyaichij.

1 Juan 2:1

Ñuca huahuacunalla, cancuna ama juchallichunmi caicunata quillcani. Shina cashpapish maijan juchallishpaca, ñucanchijmanta Yayahuan rimajtami charinchij. Paica cashcata ruraj Jesucristomi.

1 Juan 2:13

Yayacuna, callarinapaj ña tiyajta rijsijpimi, cancunamanca quillcani. Q'uipa huiñaicuna, diablota mishajcuna cajpimi, cancunamanca quillcani. Huahuacuna, Diosta rijsijcuna cajpimi, cancunamanca quillcani.

1 Juan 3:20

Ñucanchij shungullataj mana alli cashcata ricuchicujpica, Dioscarin ñucanchij shungutapish yalli tucuita yachajmari.

1 Juan 3:24

Dios mandashcacunata cazujca paihuanca shuj shinallami causan. Diospish paihuanca shuj shinallami. Chaitaca pai cushca Espíritu ñucanchijpi causacushcamantami yachanchij.

1 Juan 4:13

Paipaj Espirituta ñucanchijman cushcamantami, Diosca ñucanchijhuan, ñucanchijpish paihuan shujlla caticushcataca yachanchij.

1 Juan 4:16

Chaimantami Dios ñucanchijta c'uyashcataca yachanchij, crinchij. Diosca c'uyajmi. Maijanpish c'uyajca Dioshuan shujllami, Diospish paihuanca shujllami.

1 Juan 4:6

Ñucanchijca, Diospajmi canchij. Diosta rijsijmi, ñucanchijtaca uyan. Mana Diospaj cajca, ñucanchijtaca mana uyanchu. Chaipimi mana llulla Espirituhuan cashcata, mana cashpaca pandachij espirituhuan cashcatapish rijsinchij.

1 Juan 5:19

Ñucanchijca Diospaj huahuacuna cashcatami yachanchij. Cai pachapi millaita rurajcunaca diablopaj ucupimi.

1 Juan 5:4

Diosmanta maijanpish huacharishca cajca, cai pachapi millaita ruranataca mishanmi. Cai pachapi millaita ruranataca, Jesusta crishcami mishachin.

Apocalipsis 12:11

Chai huauquicunaca, Ovejapaj yahuarhuan, paipaj shimita huillashcahuanmi diablotaca misharcacuna. Quiquin causaita mana llaquishpami huañuchingacama huillarcacuna.