1 Juan 4:21 - Dios Rimashca Shimicunami

²¹ Ñucanchijca cashna mandashcatami, Jesucristomantaca charinchij: “Maijanpish Diosta c'uyajca, paipaj huauquitapish c'uyachun” ninmi.

Mushuj Testamento Diospaj Shimi

²¹ “Taita Diosta maijanpish cʼuyajca, paipaj huauquitapish cʼuyachun” nishpami, Cristoca ñucanchijta mandarca.

1 Juan 4:21 Iomraidhean Croise

LEVÍTICO 19:18

Cambaj llajtapi causajcunata canpish ama tigra llaquichinguichu, ama chai yuyailla puringuichu. Ashtahuanpish can quiquinta shinallataj shujtajcunatapish c'uyangui. Ñucami Mandaj Dios cani.

Mateo 5:43

Cancunaca: “Canhuan alli cajcunallata c'uyangui, p'iñajtaca p'iñangui” nishcatami uyarcanguichij.

Lucas 10:37

Mandashcacunata yachachijca: –Paita llaquishpa ayudaj runari– nijpi, Jesusca: –Canpish chashnallataj ruragri– nirca.

Juan 15:12

Caimi ñuca mandashcaca: Ima shinami ñuca cancunata c'uyarcani, chashnallataj cancunapish caishuj chaishuj c'uyanacuichij.

Gálatas 5:14

Tucui Mandashcami: “Quiquin c'uyarij shinallataj shujtajcunatapish c'uyangui” nishca shimipi pajtan.

Gálatas 5:6

Cristo Jesushuan shujlla tucushca cajpica, circuncisionta rurachishca cashpapish, mana rurachishca cashpapish ima mana canchu. Ashtahuanpish crishcamanta c'uyaihuan ruranami alli.

1 Tesalonicenses 4:9

Taita Dios yachachijpimi cancunallataj caishuj chaishuj c'uyanacunataca yacharcanguichij. Chaimi cancunamanca, huauquicunapura c'uyanacunami canguichij nishpaca mana quillcani.

1 Pedro 3:8

Tucuimanta yallica, tucuicuna chai shinallataj cashcata yuyaichij. Llaquilla cajcunahuanpish llaquirij caichij. Quiquin huauquindij shina c'uyanacuichij, llaquijcuna caichij, caishuj chaishujhuanpish apanacujcuna caichij.

1 Pedro 4:8

Tucuimanta yallica, cancunapurapi tucui shunguhuan c'uyaj caichij. C'uyaica, achca juchacunatapish perdonachijmi.

1 Juan 2:7

Huauquicuna, mana shujtaj mushuj mandashcatachu cancunamanca quillcani. Ashtahuanpish callarimanta cancuna charishca ñaupa mandashcallatatajmi quillcani. Chai mandashcatami callarimanta uyarcanguichij.

1 Juan 3:11

Cancunaman callarimanta huillashcacunaca caicunami: Caishujhuan chaishujhuan c'uyanacunami.

1 Juan 3:14

Huauquicunata c'uyashpami, huañushca cashca cashpapish, causaiyuj tucushcata yachanchij. Maijanpish paipaj huauquita mana c'uyajca, huañushcallatajmi.

1 Juan 3:18

Ñuca huahuacunalla, ama shimillahuan, c'allullahuan c'uyanimi nishunchij. Ashtahuanpish imatapish rurashpataj c'uyashcata ricuchishunchij.

1 Juan 3:23

Diosca: Paipaj Churi Jesucristopi crichun, ñucanchijpish pai mandashca shina caishuj chaishuj c'uyanacuchunmi mandarca.

1 Juan 4:11

C'uyashcacuna, Dios chashna c'uyashcamantaca ñucanchijpish caishuj chaishuj c'uyanacunamari canchij.