1 Juan 4:20 - Dios Rimashca Shimicunami

²⁰ Maijanpish: “Ñucaca Diostami c'uyani” nishpapish, paipaj huauquita p'iñajca llullami. Chaimanta maijanpish ricushca huauquita mana c'uyajca ¿ima shinataj mana ricushca Diostacarin c'uyangari?

Mushuj Testamento Diospaj Shimi

²⁰ Shina cajpica maijanpish: «Ñucaca, Taita Diosta cʼuyanimi» nishpapish, quiquin huauquita pʼiñajca, llullajmari. Ñahuihuan ricushca huauquita mana cʼuyashpaca, ¿ima shinataj mana ricushca Taita Diostacarin cʼuyangari?

1 Juan 4:20 Iomraidhean Croise

Juan 13:35

Chashna caishuj chaishuj c'uyanacujpimi, cancunataca ñuca yachacujcunataj cashcata tucuicuna rijsingacuna– nircami.

1 Pedro 1:8

Cancunaca mana ricushpapish, Jesucristotaca c'uyanguichijmi. Cunan mana ricushpapish paipi crishcamantami, mana huillai tucuipaj jatun sumaj cushicuihuan cancunaca cushicucunguichij.

1 Juan 1:6

Paihuan shujllami canchij nishpapish, amsapi puricushpaca llullanchijmi. Mana llulla Shimipi nishcataca mana ruranchijchu.

1 Juan 1:8

Mana juchata charinchijchu nishpaca, ñucanchijllatajmi umarinchij. Chashna nishpaca llullanchijmi.

1 Juan 2:11

Maijanpish paipaj huauquita p'iñajca, amsapirajmi, amsallapitajmi puricun. Chai amsa paipaj ñahuita mana ricujta rurajpimi, maiman ricushcatapish mana yachan.

1 Juan 2:4

Maijanpish: “Ñucaca Diosta rijsinimi” nishpapish, pai mandashcacunata mana cazushpaca, llullanllami. Mana llullajca paipica mana tiyanchu.

1 Juan 2:9

Maijanpish luzpimi cani nishpapish paipaj huauquita p'iñajca, amsapirajmi.

1 Juan 3:17

Ashtahuanpish cai pachapaj charinacunata charishpapish, maijan huauqui ima illajlla cajta ricushpapish, paipaj shungupi mitsashpa mana cujca, Diospaj c'uyaitaca mana charinchu.

1 Juan 4:12

Diostaca manataj pi ricushcachu. Caishuj chaishuj c'uyanacushpami, Dios ñucanchijpi causacushcataca yachachij. Chashnami Diospaj c'uyai ñucanchijpi cashcataca ricuchinchij.