1 Juan 4:19 - Dios Rimashca Shimicunami

¹⁹ Ñucanchijca pairaj c'uyashcamantami, paitaca c'uyanchij.

Mushuj Testamento Diospaj Shimi

¹⁹ Diosraj ñucanchijta cʼuyashcamantami, Paitaca cʼuyanchij.

1 Juan 4:19 Iomraidhean Croise

Lucas 7:47

Chaimantami cantaca cashna nini: Paipaj achca juchacunata perdonashcata yachashpami, cai huarmica ñucataca achcata c'uyan. Ashalla juchacunata perdonashcacunaca ashallatami c'uyan– nirca.

Juan 15:16

Mana cancunachu ñucataca agllarcanguichij, ñucami cancunata agllarcani. Cancuna rishpa granota p'ucuchun, chai granoca cancunapi p'ucushpa caticuchunllami agllarcani. Chashna cashpa ñucamanta imatapish Yayata mañajpica, paica cungallami.

Juan 3:16

Taita Diosca, cai pachapi causajcunataca yallitaj c'uyashpami, paipaj shujlla Churita cacharca. Pipish paita crijca ama chingarishpa, ashtahuanpish huiñai causaita charichunmi cacharca.

Gálatas 5:22

Ashtahuanpish Espiritupaj granoca c'uyaimi, cushimi, sumaj causaimi, mana utca p'iñarinami, alli shungumi, alli cajmi, crijmi,

1 Juan 4:10

Mana ñucanchijchu Diostaca c'uyashcanchij, ashtahuanpish paimari ñucanchijta c'uyashpa ñucanchij juchacunamanta huañushpa juchacunata anchuchichun paipaj Churitaca cacharca. Chashnami pai c'uyashcataca ricuchishca.

1 Juan 4:20

Maijanpish: “Ñucaca Diostami c'uyani” nishpapish, paipaj huauquita p'iñajca llullami. Chaimanta maijanpish ricushca huauquita mana c'uyajca ¿ima shinataj mana ricushca Diostacarin c'uyangari?