1 Juan 4:18 - Dios Rimashca Shimicunami

¹⁸ C'uyai tiyajpica, ima manchai mana tiyanchu. Ashtahuanpish c'uyaica manchaita anchuchijmi. Manchaica llaquipimi churan. Maijanpish manchajca, c'uyana cashca shinatajca manaraj c'uyanchu.

Mushuj Testamento Diospaj Shimi

¹⁸ Cʼuyana shinataj cʼuyajca, imamanta manchanata mana charinchu. Ima, llaquichipajta rurashca cashpallami manchan. Manchai tiyashpaca, manaraj alli cʼuyaj cashcatami ricuchin.

1 Juan 4:18 Iomraidhean Croise

JOB 15:21

Paipaj rinrincunapica c'ulun nishpa manchachijcunami uyarin. Pai charishcacunatapish shuhua shamushpaca, shuhuashpa ringallami.

SALMOS 119:120

Ñuca aichaca quiquinta manchashcamanta chujchucunmari. Quiquin mandashcacunataca manchacunimari.

SALMOS 73:19

Paicunataca cungaillapimi chingachinga. Jatun manchaihuanmi ñapish tucuchinga.

Mateo 9:34

Ashtahuanpish fariseocunaca: –Supaicunata mandajhuan cashpami, supaicunata llujshichin– nircacunami.

Romanos 8:15

Chaimanta manchaihuan cachunllataj huatashcata charij espiritutaca mana chasquircanguichijchu. Ashtahuanpish quiquin huahuata shina ruraj Espiritutamari chasquircanguichij. Paimantami: “¡Ñuca Yayitu!” nishpa caparicunchij.

2 Timoteo 1:7

Diosca ñucanchijmanca, manchana yuyaita cuj espiritutaca mana cushcachu. Ashtahuanpish poderta cuj, c'uyaita cuj, quiquinllataj jarcarij canata cuj espiritutami cushca.

Hebreos 12:28

Chashna cajpica Dios maipi Mandacun mana cuyuchipajta ñucanchij japishcamantaca, pagui nishunchij. Pai munashca shina manchaihuan tucui shunguhuan servishunchij.

Santiago 2:19

Shujlla Dios tiyashcata can crishpaca, allitamari rurangui. Supaicunapish crincunami, chujchuncunapishmi.

1 Juan 4:12

Diostaca manataj pi ricushcachu. Caishuj chaishuj c'uyanacushpami, Dios ñucanchijpi causacushcataca yachachij. Chashnami Diospaj c'uyai ñucanchijpi cashcataca ricuchinchij.