1 Juan 4:17 - Dios Rimashca Shimicunami

¹⁷ Jesucristo cai pachapi causacushpa ima shina c'uyaj cashca shinallataj ñucanchijpish c'uyashpa causashpaca, imalla rurashcata Dios ricuchicui punllapica imata mana manchashunchu.

Mushuj Testamento Diospaj Shimi

¹⁷ Ñucanchijca, chashna alli cʼuyanacushpami, imalla rurashcata Dios ricuchi punllapica mana manchashun. Ñucanchijpish cai pachapica, Jesucristo causashca shinallatajmi causacunchij.

1 Juan 4:17 Iomraidhean Croise

Mateo 10:15

Mana chasquisha nij pueblocunapajca, imalla rurashcata Taita Dios ricuchi punllapica Sodoma, Gomorra llajtacunapi causajcunapajta yalli mana apaipaj llaquimi canga. Chashnatajmi canga.

Mateo 10:25

Yachacujpish paita yachachij shinallataj, amopajta rurajpish paipaj amo shinallataj tucushpaca, allimi canga. Yayatapish supaicunata mandaj nicujcunaca huahuacunatacarin ¡Imatapishchari ningacuna!

Mateo 11:22

Chaimantami cancunaman huillani: Imalla rurashcata Taita Dios ricuchi punllapica, cancunataca Tiropi, Sidonpi causajcunata yallimi jatunta llaquichinga.

Mateo 11:24

Chaimantami cancunaman huillani: Imalla rurashcata Taita Dios ricuchi punllapica, cancunataca Sodomapi causajcunata yallimi jatunta llaquichinga” nircami.

Mateo 12:36

Chashna cajpipish: Gentecunaca maipish cachun rimashcacunataca, imalla rurashcata Taita Dios tapucui punllapimi imamanta chashna rimashcataca paicunallataj huillacungacuna.

Juan 15:20

“Amopajta rurajca amotaca mana yallichu” nishpa ñuca huillashcataca yuyarichigari. Ima shinami ñucatapish llaquichina yuyailla llaquichirca chashnallatajmi cancunatapish llaquichingacuna. Ñuca huillashcata cazushpaca, cancuna huillashcatapish cazungacunami.

Juan 17:22

Ima shinami ñucanchij shujlla canchij, chashnallataj paicunapish shujlla cachunmi, can ñucaman cushca rurai tucunataca paicunamanpish curcani.

Romanos 8:29

Diosca pai agllasha nishcacunataca, paipaj Churiman rijchajta rurangapajmi ñaupaman ch'icanchirca. Achca huauquicunapurapi Cristoca, punta Churi cachunmi chashnaca rurarca.

Hebreos 9:27

Shinallatajmi gentecunatapish shuj cutinlla huañuchun churashca. Chai q'uipaca paicuna imalla rurashcata Dios ricuchina punllami canga.

Santiago 2:13

Imamantapish maijanta mana llaquishpa llaquichijtaca, paitapish mana llaquishpallataj llaquichishcami canga. Llaquij canaca, llaquichishca canatami mishan.

Santiago 2:22

Paica chashna rurashpami crishcataca ricuchishca. Pai crishcapish allicunata rurashcahuan tandalla cashpa ashtahuan alli tucushcataca ¿manachu ricungui?

2 Pedro 2:9

Tucui chaicunata rurashpaca, Jatun Diosca pai yuyailla cajcunataca llaquimanta quishpichij cashcata, shinallataj millaita rurajcunataca jatun llaquiman cachanapaj chai punllacama ch'icanchishpa charicuj cashcatami ricuchin.

2 Pedro 3:7

Chashna cajpipish cunan tiyaj jahua pachapish, cai pachapish Dios rimajllapitajmi, ninahuan rupachinapaj ch'icanchishca tiyacun. Diosta mana rijsijcunata imalla rurashcata ricuchishpa chingachina punllapimi, chashna chingachinga.

1 Juan 2:28

Cunanca huahuacuna, pai ricurijpi ama manchashpa ñahui ñahui ricuringapajca, paihuan shuj shinalla catichijlla.

1 Juan 2:5

Maijanpish paipaj Shimita cazushpaca, Dios c'uyaj cashca shinallatajmi ashtahuan c'uyaj tucun. Chashna c'uyaj cashpami Cristohuan shujlla cashcata yachanchij.

1 Juan 2:6

Maijanpish Dioshuan shujllami cani nijca, Jesucristo causashca shina causachun.

1 Juan 3:1

Dios ñucanchijta ima shina c'uyashcataca ricuichigari. Diospaj huahuacunami nishca cachunmi chashna c'uyashca. Chaimantami cai pachapi cajcunaca, Diosta mana rijsishcamanta ñucanchijtapish pipaj huahuacuna cashcata mana rijsincuna.

1 Juan 3:3

Jesús shina tucuna cashcamanta maijanpish chai yuyailla cajca, Jesús ima shinami chuya chai shinallataj chuya cangapajmi punllanta chuyayacun.

1 Juan 3:7

Huahuacuna, cancunataca pi ama umachun. Maijanpish cashcata rurajca, Cristo cashcata ruraj shinallataj cashcata rurajmi.

1 Juan 4:12

Diostaca manataj pi ricushcachu. Caishuj chaishuj c'uyanacushpami, Dios ñucanchijpi causacushcataca yachachij. Chashnami Diospaj c'uyai ñucanchijpi cashcataca ricuchinchij.