1 Juan 4:15 - Dios Rimashca Shimicunami

¹⁵ Dios paipi causacujpi paipish Diospi causacushpallami, Jesustaca Diospaj Churimi nishpami huillai tucun.

Mushuj Testamento Diospaj Shimi

¹⁵ Jesusta, ‘Diospaj Churitajmi’ nishpa huillajhuanmi, Taita Diosca causan. Paipish Taita Dios-huanmi causan.

1 Juan 4:15 Iomraidhean Croise

Mateo 10:32

Maijanpish ñucata catij cashcata runacunapaj ñaupajpi huillajpica, ñucapish jahua pachapi caj ñuca Yayapaj ñaupajpica paicunaca ñucapajmi nishami.

Lucas 12:8

Cancunaman huillanimi: Shujtajcunapaj ñaupajpi ñucata catij cashcata huillajpica, Runa Aichayuj ñucapish Taita Diospaj angelcunapaj ñaupajpica caicunaca ñucata catijcunami nishami.

Juan 6:56

Maijanpish ñuca aichata micujca, ñuca yahuarta ubyajca ñucahuanmi, ñucapish paihuanmi cani.

Hechos 8:37

Felipeca: –Tucui shungumanta crishpaca, ari pudinguimi– nijpi, paica: –Jesucristotaca, Taita Diospaj Churi cashcatami crini– nirca.

Romanos 10:9

Cambaj shimihuan Jesusca ñucata Mandajmi nishpa, huañushcacunapaj chaupimanta Taita Dios paita causachishcata cambaj shungupi crishpaca, quishpichishcami cangui.

Filipenses 2:11

Dios Yaya sumajyarichunca tucui c'allucunami Jesucristotaca Mandajmi nishpa huillangacuna.

1 Juan 2:23

Jesusca mana Cristochu nijca, Yayatapish mana charinchu. Jesusca Diospaj Churimi nishpa huillajmi Yayatapish charin.

1 Juan 2:24

Callarimanta imatami cancuna uyarcanguichij, chaica cancunapi catichun. Callarimanta uyashca cancunapi catijpica cancunapish Churihuan, Yayahuan shujllami canguichij.

1 Juan 3:23

Diosca: Paipaj Churi Jesucristopi crichun, ñucanchijpish pai mandashca shina caishuj chaishuj c'uyanacuchunmi mandarca.

1 Juan 3:24

Dios mandashcacunata cazujca paihuanca shuj shinallami causan. Diospish paihuanca shuj shinallami. Chaitaca pai cushca Espíritu ñucanchijpi causacushcamantami yachanchij.

1 Juan 4:12

Diostaca manataj pi ricushcachu. Caishuj chaishuj c'uyanacushpami, Dios ñucanchijpi causacushcataca yachachij. Chashnami Diospaj c'uyai ñucanchijpi cashcataca ricuchinchij.

1 Juan 4:2

Diospaj Espirituhuan cajtaca caipi rijsichij: Jesucristoca runa aichayuj tucushpami shamushca nishpa huillajca, Diospaj Espirituhuanmi.

1 Juan 5:1

Jesustaca Cristo cashcata maijanpish crijca, Diosmanta huacharishcami. Diosta maijanpish c'uyajca, paipaj huahuacunatapish c'uyanmi.

1 Juan 5:5

¿Pitaj cai pachapi millaita ruranataca mishan? Jesusca Diospaj Churi cashcatataj crijmi mishan.

2 Juan 1:7

Cai pachapica, achca umajcunami ricurishca. Paicunaca Jesucristoca aichayuj tucushpami shamurca nishpaca, mana huillancunachu. Chashna nijcunaca umajcunami, Cristota p'iñajcunami.