1 Juan 4:13 - Dios Rimashca Shimicunami

¹³ Paipaj Espirituta ñucanchijman cushcamantami, Diosca ñucanchijhuan, ñucanchijpish paihuan shujlla caticushcataca yachanchij.

Mushuj Testamento Diospaj Shimi

¹³ Diosca, Paipaj Espiritutami ñucanchijman cushca. Chaimantami, ñucanchijca Dios-huan cashcata, Diospish ñucanchijhuan cashcata yachanchij.

1 Juan 4:13 Iomraidhean Croise

1 Corintios 2:12

Ñucanchijca mana cai pachapaj espiritutachu chasquircanchij, ashtahuanpish Diosmanta shamuj Espiritutamari, Dios cushcacunata yachangapaj chasquircanchij.

1 Corintios 6:19

Jucha illaj Espiritupaj huasi cashcata, paica cancunapi causacushcatapish ¿manachu yachanguichij? Chaitaca Diosmanta chasquishca cashcamanta, mana cancunapajllatajchu canguichij.

1 Juan 2:3

Pai mandashcacunata cazushpami, paita rijsishpa causacushcata yachanchij.

1 Juan 2:5

Maijanpish paipaj Shimita cazushpaca, Dios c'uyaj cashca shinallatajmi ashtahuan c'uyaj tucun. Chashna c'uyaj cashpami Cristohuan shujlla cashcata yachanchij.

1 Juan 3:24

Dios mandashcacunata cazujca paihuanca shuj shinallami causan. Diospish paihuanca shuj shinallami. Chaitaca pai cushca Espíritu ñucanchijpi causacushcamantami yachanchij.