1 Juan 4:1 - Dios Rimashca Shimicunami

¹ C'uyashcacuna, cai pachapica achca llulla profetacunami ricurishca. Chaimanta ama tucui huillajcunata crichijllachu, Diospaj Espirituhuanchu nishpa alli ricuichij.

Mushuj Testamento Diospaj Shimi

¹ Cʼuyashca huauqui panicuna, ama tucui espiritucuna huillachishcata crichijllachu. Ñamari cai pachapica, achca llulla huillajcuna puricun. Chaimanta, maijan huillajpipish, ‘¿Diospaj Espíritu huillachijpitajchu huillacun, imamí?’ alli ricuichijraj.

1 Juan 4:1 Iomraidhean Croise

1 REYES 13:18

Chaimi chai runaca: –Ñucapish can shinallataj, profetami cani. Mandaj Dios cachashca shuj angelmi ñucataca: Chai runataca cambaj huasiman pushashpa micunatapish carai, yacutapish ubyachi nirca– nishpami llullarca.

PROVERBIOS 14:15

Yachai illaj runaca imata nijpipish, crishpa catinllami. Ashtahuanpish yachajcunaca imata rurangapajpish, alli yuyarinrajmi.

JEREMÍAS 14:14

Chashna nijpimi, Mandaj Diosca cashna nirca: “Chai huillajcunaca llullashpallamari, ñuca shutipi chashna huillancuna. Paicunataca manapish ñuca huillanaman cachashcanichu, imallatapish mana nishcanichu. Manapish muscuipi shina ñuca ricuchishcata ricuncunachu. Ashtahuanpish adivinashpallamari, paicunapaj shungu yuyashcata huillashpa cancunataca umacuncuna.

JEREMÍAS 23:16

Tucuita Mandaj Diosca cashnapishmi nin: “Chaimanta chai huillajcuna huillashcataca ama uyaichijchu. Paicunaca mana ñuca shimimanta llujshishca shimicunata huillancunachu. Ashtahuanpish cancunapaj yuyai samarichun llullanllacunamari. Paicunapaj shungu yuyashcallatamari muscuipi ricushcata shina huillancuna.

JEREMÍAS 5:31

Huillajcunapish, llullashpallami huillancuna. Curacunapish, paicuna munashca shinami yachachincuna. Ñuca agllashcacunapish chaitamari munancuna. Chashna cashcamantaca, llaqui chayamui punllaca ¿imatataj ruranguichigari?” ninmi.

Marcos 13:21

Chai punllacunapi maijanpish cancunata: “Riquichij, Cristoca caipimari, mana cashpaca chaipimari” nijpipish, amataj cringuichijchu.

Lucas 12:57

¿Ima shina rurashpa cashcata ruraj cana cashcataca cancunallatajca ima nishpataj mana yuyaringuichij?

Lucas 21:8

Chaimi Jesusca: –Riquichij, cancunaca ama umashca canguichijchu. Achcacunami ñuca shutipi shamushpaca: “Ñucami Cristo cani. Mandana punllaca ñami chayamugrin” ningacuna. Paicunataca ama catinguichijchu.

Hechos 17:11

Bereapi causajcunaca Tesalonicapi causajcunata yalli ashtahuan alli yuyaiyujcunami carca. Chashna cashpami paicuna huillashcata alli uyashpa chashna cashcata mana chashna cashcata yachangapaj Taita Dios Quillcachishcacunataca punllanta alli ricujcuna carca.

Hechos 20:29

Ñuca rishca q'uipaca, cancunapaj chaupimanca millpuj atujcuna shina shamushpami, ovejacunataca urata janajta apangacuna.

1 Corintios 12:10

Shujtajmanca milagrocunata rurajta, caishujmanca profeciata, chaishujmanca ima espíritu rimachicushcata agllajta, caishujmanca ch'ican ch'ican rimaicunata rimajta, caishujmanca chai rimaicuna imata nisha nishcata huillaj cachunpishmi cushca.

1 Corintios 14:29

Chashnallataj profetacunapish ishqui cashpa, quimsa cashpapish chaicunalla rimachun. Caishujcunaca paicuna ima nishca alli cashcata, mana alli cashcata ricujcuna cachun.

1 Tesalonicenses 5:20

Taita Dios huillachijpi huillacujcunataca, ama mana uyashun nichijchu.

1 Tesalonicenses 5:21

Tucui imalla yachachishcataca, alli cashcata mana alli cashcata alli ricuichij. Alli cajllata chariraichij.

2 Tesalonicenses 2:2

Cancuna allita yuyacushcataca pi jahualla cuyuchichun ama saquinguichij. Espiritumi huillan nishpa, shimihuan rimashpapish, ñucanchij quillcashca shina tucushpa, Mandaj Jesús shamuna punllaca ñamari caillapi nijpipish ama mancharinguichij.

1 Timoteo 4:1

Ashtahuanpish Taita Diospaj Espirituca, allitajmi cashna huillan. Q'uipa punllacunapica, umaj espiritucunata, supaicunapaj yachachinacunata uyashpaca, taucacunami crishcataca yangallami cashca nishpa saquingacuna.

2 Timoteo 3:13

Ashtahuanpish millaicuna, umajcunaca, ashtahuan ashtahuan millai tucushpami, umajcuna umashcacunapish tucushpa catingacuna.

2 Pedro 2:1

Judiocunapurapica, llulla profetacunami ñaupapish tiyaj cashca. Cunanpish chashnallatajmi cancunapurapica llulla yachachijcuna tiyanga. Paicunaca tucuchij ch'icanyachij yachaicunatami pacalla yachachingacuna. Paicunata randishpa cacharichij Mandaj Jesustapish paica mana quishpichi tucunchu ningacunami. Chashna rurashpaca, paicunallatajmi jatun llaquipi utca chingaringacuna.

1 Juan 2:18

Huahuacuna, ñamari tucuri punllacuna. Cancunaca Cristota p'iñaj shamunga nijtami uyarcanguichij. Chashnallatajmi cunanca Cristota p'iñajcunaca, achcacuna ricurishca. Chaimantami tucuri punllacuna cashcata yachanchij.

1 Juan 2:7

Huauquicuna, mana shujtaj mushuj mandashcatachu cancunamanca quillcani. Ashtahuanpish callarimanta cancuna charishca ñaupa mandashcallatatajmi quillcani. Chai mandashcatami callarimanta uyarcanguichij.

2 Juan 1:7

Cai pachapica, achca umajcunami ricurishca. Paicunaca Jesucristoca aichayuj tucushpami shamurca nishpaca, mana huillancunachu. Chashna nijcunaca umajcunami, Cristota p'iñajcunami.

3 Juan 1:11

C'uyashca huauqui, millaita rurajtaca ama catishpa rurangui. Ashtahuanpish allita rurangui. Maijanpish allita rurajca Diospajmi, maijanpish millaita rurajca Diostaca manaraj ricushcachu.

Apocalipsis 2:2

Ñucaca can imalla rurashcata, shaicuita trabajashcata, mana p'iñarij alli shungu cashcatapish yachanimi. Millaicunata can mana ricunachij cashcatapish yachanimi. Ñucanchijca apostolcunami canchij nijcunatapish paicuna imata rurashcata ricushpa llullacunalla cashcata ricushcatapish yachanimi.