1 Juan 3:9 - Dios Rimashca Shimicunami

⁹ Maijanpish Diosmanta huacharishca cajca, Diospaj mushuj causaita charishcamanta juchallishpallaca mana causai tucunchu. Diosmanta huacharishcataj cashcamantami juchallishpallaca mana causai tucun.

Mushuj Testamento Diospaj Shimi

⁹ Maijanpish Diospaj huahuataj tucushca cashpaca, Taita Dios cushca mushuj causaita charishcamanta, ña mana millaita rurashpa causai tucunchu. Diospaj huahuataj cashcamantami, ña mana juchata rurashpa causai tucun.

1 Juan 3:9 Iomraidhean Croise

JOB 19:28

Cancunaca: ¿Ima nishpataj paitaca llaquichingapaj catinchigari? ninami canguichij. Imamanta cashpapish, ñucallatajmi llaquita apacuni.

SALMOS 119:3

Pai yachachishca ñanpi purijcunaca ima millaita mana rurancunachu.

LEVÍTICO 11:37

Maijan chai animalcuna huañushca, tarpunapaj caj muyupi urmajpica chaica mana mapayangachu.

Mateo 7:18

Alli yuraca mana alli granotaca, mana p'ucunchu. Mana alli yurapish alli granotaca mana p'ucunchu.

Juan 1:13

Taita Diospaj huahua tucungapajca mana huahuacuna huacharij shina aicha munaimanta, c'arita munashcamantachu huacharirca. Ashtahuanpish Taita Diospaj munaimantami huacharirca.

Juan 3:3

Chaimi Jesusca: –Pipish mana cutin huacharijca, Taita Dios mandacujpica mana ricungacunachu. Chashnatajmi canga– nircami.

Hechos 4:20

Ñucanchij imallata ricushcata, uyashcata huillanataca mana saqui tucunchijchu– nircacunami.

Romanos 6:2

¡Amataj chashnaca yuyashunchij! Juchata ama rurangapajca huañushcacunami canchij. ¿Maitataj juchallapitajca causashunri?

Gálatas 5:17

Aichapaj munaica, Espirituta p'iñanmi. Espiritupish, aicha munaitaca p'iñanmi. Chaicunaca quiquin munashcata, ama rurachunmi caishuj chaishuj macanacun.

Tito 1:2

Ñucanchijca huiñai causaiyuj cashca yuyaillami canchij. Mana llullaj Diosca, chai causaitaca manaraj cai pachapi ima tiyajpimi cusha nirca.

1 Pedro 1:23

Cancunaca huañujlla yayamantaca, mana cutin huacharishcanguichijchu. Ashtahuanpish huiñaita causaj, mana tucurij Diospaj Shimita uyashcamantaca, mana huañuj yayamantami huacharishcanguichij.

1 Juan 2:29

Cristoca Dios munashcata ruraj cashcataca yachanguichijmi. Chaimanta maijanpish Dios munashcata ruraj cajpica, Diosmanta huacharishca cashcata yachaichij.

1 Juan 3:6

Maijanpish Jesushuan shujlla tucushcapi caticujca mana juchallinchu. Maijanpish juchallijca paitaca mana ricushcachu, mana rijsishcapishchu.

1 Juan 4:7

C'uyashcacuna, Dios c'uyaita cushcamanta caishuj chaishuj c'uyanacushunchij. Maijanpish c'uyajca Diosmanta huacharishcami, Diostapish rijsinmi.

1 Juan 5:1

Jesustaca Cristo cashcata maijanpish crijca, Diosmanta huacharishcami. Diosta maijanpish c'uyajca, paipaj huahuacunatapish c'uyanmi.

1 Juan 5:18

Diosmanta maijanpish huacharishca cajca, juchata mana rurashpa catij cashcataca yachanchijmi. Paitaca Diospaj huahua cajpimi huaquichin. Diabloca paipica mana tuparinchu.

1 Juan 5:4

Diosmanta maijanpish huacharishca cajca, cai pachapi millaita ruranataca mishanmi. Cai pachapi millaita ruranataca, Jesusta crishcami mishachin.

3 Juan 1:11

C'uyashca huauqui, millaita rurajtaca ama catishpa rurangui. Ashtahuanpish allita rurangui. Maijanpish allita rurajca Diospajmi, maijanpish millaita rurajca Diostaca manaraj ricushcachu.