1 Juan 3:7 - Dios Rimashca Shimicunami

⁷ Huahuacuna, cancunataca pi ama umachun. Maijanpish cashcata rurajca, Cristo cashcata ruraj shinallataj cashcata rurajmi.

Mushuj Testamento Diospaj Shimi

⁷ Cʼuyashca huahuacuna, ñataj cancunata pi crichinman. Maijanpish Dios munashcata rurajca, cashcata ruraj Cristo shinallataj cashcata rurajmi.

1 Juan 3:7 Iomraidhean Croise

SALMOS 106:3

Taita Dios mandashcacunapi nishca shina rurajcunaca cushichishcacunami. Tucui paicunapaj causaipi cashcata rurajcunaca cushichishcacunami.

SALMOS 45:7

Quiquinca cashcata ruranatami c'uyangui. Millaita ruranataca p'iñanguimi. Chaimi Taita Diosca quiquintaca agllarca. Quiquinpaj Taita Diosca cushichina aceitehuan churashpami agllarca. Quiquinhuan alli apanacujcunamanta yallipimi churarca.

Mateo 5:20

Chaimanta cashnami nini: Mandashcata quillcajcunata, fariseocunata yalli cashcata rurashpa mana causashpaca, jahua pachamanta mandacunpica mana yaicunguichu.

Lucas 1:75

Cancunapaj tucui causaipi ñuca munaillata rurashpa, ima jucha illajllami causanguichij nishcami.

Hechos 10:35

Maijan llajtapi causaj cashpapish Taita Diosta manchashpa allita rurajtami Taita Diosca alli nin.

Romanos 2:13

Mandashcata uyajcunallaca, Taita Diospaj ñaupajpica cashcata rurajmi cangui nishcaca mana cai tucuncunachu. Ashtahuanpish Mandashcapi nishcata cazujcunami cashcata rurajcunami canguichij nishca cai tucuncuna.

1 Corintios 6:9

Millaita rurajcunaca, Dios mandanapica imata mana japina cashcataca ¿manachu yachanguichij? Ama umarichijchu: Apanacushpa causajcuna, rurashcalla dioscunata adorajcuna, huainayajcuna, huarmi shina casha nijcuna, c'aripurallataj siririjcuna,

Efesios 5:6

Maijanpish cancunataca yanga parlocunahuan ama umachun. Chashna mana allita rurashcamantami, Diosca p'iñarishpa paita mana cazujcunataca jatunta llaquichinga.

Efesios 5:9

(Espiritupaj granoca, tucuipi alli cajmi, cashcata rurajmi, mana llulla canapishmi).

Filipenses 1:11

Diosta alabashpa sumajyachichun, Jesucristomanta cashcata rurashpa granota p'ucuj shina junda cachunpishmi mañacuni.

Hebreos 1:8

Ashtahuanpish paipaj Churitaca, cashnami nirca: “Dioslla, can mandashpa tiyanaca, huiñai huiñaipajmi. Cambaj varaca cashcata rurashpa mandanami.

Hebreos 7:2

Abrahamca macanacushpa tucui japishcacunamantaca chungamanta shujtami Melquisedecmanca cushca. Melquisedec nishpaca puntaca: “Cashcata ruraj Jatun Mandaj” nisha ninmi. Shinallataj: “Salem llajtata Jatun Mandaj” nishcapish, “Sumaj causaiyuj Jatun Mandaj” nisha ninmi.

Santiago 1:22

Diospaj Shimi nishca shina rurajcuna caichij, ama uyajcunalla caichijchu. Chashna tucushpaca, cancunallatajmi umaringuichij.

Santiago 2:19

Shujlla Dios tiyashcata can crishpaca, allitamari rurangui. Supaicunapish crincunami, chujchuncunapishmi.

1 Pedro 2:24

Cristollatajmi ñucanchij juchacunataca paipaj aichapi apashpa caspipi chacatashca huañurca. Ñucanchijca juchata ama rurangapajca huañushca shina cashpa, Dios munashca shina causachunmi chashnaca huañurca. Paita chugrichishcamantami cancunaca jambishca canguichij.

1 Juan 2:1

Ñuca huahuacunalla, cancuna ama juchallichunmi caicunata quillcani. Shina cashpapish maijan juchallishpaca, ñucanchijmanta Yayahuan rimajtami charinchij. Paica cashcata ruraj Jesucristomi.

1 Juan 2:26

Caitaca, umajcuna ima shina cancunata umasha nicushcamantami quillcarcani.

1 Juan 2:29

Cristoca Dios munashcata ruraj cashcataca yachanguichijmi. Chaimanta maijanpish Dios munashcata ruraj cajpica, Diosmanta huacharishca cashcata yachaichij.

1 Juan 3:18

Ñuca huahuacunalla, ama shimillahuan, c'allullahuan c'uyanimi nishunchij. Ashtahuanpish imatapish rurashpataj c'uyashcata ricuchishunchij.

1 Juan 3:3

Jesús shina tucuna cashcamanta maijanpish chai yuyailla cajca, Jesús ima shinami chuya chai shinallataj chuya cangapajmi punllanta chuyayacun.

1 Juan 4:17

Jesucristo cai pachapi causacushpa ima shina c'uyaj cashca shinallataj ñucanchijpish c'uyashpa causashpaca, imalla rurashcata Dios ricuchicui punllapica imata mana manchashunchu.