1 Juan 3:5 - Dios Rimashca Shimicunami

⁵ Jesucristoca, ñucanchij juchacunata anchuchingapaj shamushcataca yachanguichijmi. Paica mana juchayujchu mana juchallingapishchu.

Mushuj Testamento Diospaj Shimi

⁵ Jesucristo cai pachaman shamushpaca, ñucanchij juchacunata anchuchingapaj shamushcatapish, Paipica ima jucha mana tiyashcatapish yachanguichijmi.

1 Juan 3:5 Iomraidhean Croise

OSEAS 14:2

Mandaj Diospajman cutirishpa cashna nishpa rogarichij: “Millaita ñucanchij rurashcataca tucuita anchuchi. Ñucanchij rogarishcataca c'uyaihuan chasquipai. Chaipica ñucanchij shimihuan cantashcatami quiquinmanca cushun.

Mateo 1:21

Paica shuj churitami huachanga. Paitaca Jesús shutita shutichingui. Paica paipaj cajcunatami juchacunamanta quishpichinga” nircami.

Lucas 23:41

Ñucanchijca millaita rurashcamanta llaquita apana cashcallatatajmi apacunchij. Ashtahuanpish cai runaca, ima mana allita mana rurashcachu– nircami.

Lucas 23:47

Chashna tucujta patsaj soldadocunata mandaj ricushpaca: –Cai runaca jucha illajtajmari cashca– nishpami, Taita Diosta jatunyachirca.

Juan 1:29

Chai cayandij punllami Juanca, Jesús paipajman shamucujta ricushpa cashna nirca: –¡Caimari cai pachapi causajcunapaj juchata anchuchij Taita Diospaj malta Ovejaca!

Juan 1:31

Ñucapish paitaca pi cashcata mana rijsishpapish israelcunaman paita rijsichingapajmi yacupi bautizaj shamurcani– nircami.

Juan 14:30

Cai pachata mandajca ñamari shamucun. Cancunahuanca ña mana ashtahuan rimashachu. Pai shamushpapish ñucataca mana mishangachu.

Juan 8:46

¿Maijan cancunataj juchata ñuca rurashcata ricuchi tucunguichij? Shinashpaca ima shina cashcatataj huillacujpica ¿ima nishpataj ñucataca mana cringuichij?

2 Corintios 5:21

Cristotaca mana juchayuj cajpipish, Diosca ñucanchijmantami juchayujta rurarca. Cristomanta ñucanchijca, Dios munashca shina cashcata rurajcuna cachunmi chashnaca rurarca.

1 Timoteo 1:15

Tucuicuna alli nishpa, chasquinalla shimica caimi: Cristo Jesusca juchayujcunata quishpichingapajmi cai pachaman shamurca. Chaicunamanta yallica, ñucami yallitaj juchayuj cani.

1 Timoteo 3:16

Ñucanchij crishcaca pi mana yachashca, yallitaj jatunmari. Chaitaca mana chashnachu nishpa, pi mana ni tucunchu: Taita Diosca, aichayuj tucushpami ricurishca. Espiritupish cashcata rurajmi nircami. Angelcunaca ricurcacunami. Mana judiocunamanpish paimantaca huillarcacunami. Cai pachapica, crircacunami. Sumaj jahua pachapica chasquishcami carca.

Tito 2:14

Tucui millaimanta llujshichishpa paipajlla pueblo cachun chuyayachishpa, paipajllata rurana yuyailla cajta rurangapajmi paillataj ñucanchijmanta curirca.

Hebreos 1:3

Diosca achij nicuj sumaj cashcata, pai ima shina cashcatapish paipaj Churimi ricuchicun. Paipaj poderyuj rimaihuanmi, tucui ima tiyajtapish charicun. Paillapitaj ñucanchij juchacunata chuyayachishpami, jahua pachapi Jatun Mandajpaj alli ladopi tiyarirca.

Hebreos 4:15

Ñucanchijca imata mana rurai tucuj irqui cashpapish, curacunata jatun pushaj llaquij curatami charinchij. Paitapish ñucanchijta shinallatajmi mana alli yuyaicuna pandachisha nirca. Chashna cajpipish paica manataj juchallircachu.

Hebreos 7:26

Chashna curacunata jatun pushaj curami ñucanchijpajca minishtirirca. Paica: Jucha illaj, millaita ruranata mana yachaj, mapa illaj, juchayujcunamanta ch'icanyashca, jahua pachacunamanta jahuaman jatunyachishpa churashcami.

Hebreos 9:26

Cutin cutin llaquita apacunalla cashca cajpica, Cristoca cai pacha callarimantami llaquita apacunmanlla carca. Ashtahuanpish Dios cusha nishca punlla pajtajpimi, jucha chaupimanta anchuchingapaj shuj cutinlla huiñaipaj paillataj curishpa huañurca.

Hebreos 9:28

Cristoca achcacunapaj juchacunata anchuchingapajmi, shuj cutinlla huañurca. Q'uipata cutin shamushpaca, mana juchata anchuchingapajchu shamunga. Ashtahuanpish paita shuyajcunata quishpichingapajmi shamunga.

1 Pedro 1:18

(Cancunapaj ñaupa yayacunamanta chasquishca yangalla causaimantaca Diosmari cancunataca llujshichirca) Mana ismuj curihuan, cullquihuanchu llujshichirca, chaitaca yachanguichijmi.

1 Pedro 1:20

Paitaca manaraj cai pachata rurashpami, huañunami nishca carca. Chaitaca cancunata c'uyashcamantami, cai punllacunapi ricuchishca.

1 Pedro 2:22

Cristoca ima juchata mana rurarcachu, paipica umaj canaca manataj tiyarcachu.

1 Pedro 2:24

Cristollatajmi ñucanchij juchacunataca paipaj aichapi apashpa caspipi chacatashca huañurca. Ñucanchijca juchata ama rurangapajca huañushca shina cashpa, Dios munashca shina causachunmi chashnaca huañurca. Paita chugrichishcamantami cancunaca jambishca canguichij.

1 Pedro 3:18

Chashnami Cristoca juchayujcunamanta shuj cutinlla llaquita aparca. Paica cashcata ruraj cashpapish, juchayujcunata Diospajman pushangapajmi chashna tucurca. Aichapica huañurcami, ashtahuanpish Espiritupica causachishcami carca.

1 Juan 1:2

(Chai causaiyujta ricuchijpimi, ñucanchijca ricurcanchij. Chaitami huillacunchij. Paica Yayahuanmi carca. Paita ñucanchijman ricuchijpimi, chai huiñai causaiyujmanta cancunamanca huillacunchij).

1 Juan 1:7

Diosca luzpi cashca shinallataj ñucanchijpish luzpi causashpaca, caishuj chaishujhuan shuj shinallami canchij. Paipaj Churi Jesucristopaj yahuarmi, ñucanchij tucui juchacunataca p'ichan.

1 Juan 2:1

Ñuca huahuacunalla, cancuna ama juchallichunmi caicunata quillcani. Shina cashpapish maijan juchallishpaca, ñucanchijmanta Yayahuan rimajtami charinchij. Paica cashcata ruraj Jesucristomi.

1 Juan 2:2

Paica ñucanchij juchacunamanta huañushpa Dioshuan alli tucunacuchijmi. Mana ñucanchij juchacunallamantachu, ashtahuanpish tucui cai pachapi causajcunapaj juchacunamantapishmi huañurca.

1 Juan 2:29

Cristoca Dios munashcata ruraj cashcataca yachanguichijmi. Chaimanta maijanpish Dios munashcata ruraj cajpica, Diosmanta huacharishca cashcata yachaichij.

1 Juan 3:8

Maijanpish juchata rurashpa catijca, diablopajmi. Diabloca callarimantami juchallin. Diablopaj rurashcacunata chingachingapajmi, Diospaj Churica shamurca.

Apocalipsis 1:5

Chaitaca ima shina cashcatataj huillaj Jesucristopish cuchun. Paica huañushcacunapaj chaupimanta punta causarijmi, cai pachapi jatun mandajcunatapish jatun mandajmi. Paica ñucanchijta c'uyashpami, paipaj yahuarhuan ñucanchij juchacunata maillarca.