1 Juan 3:4 - Dios Rimashca Shimicunami

⁴ Maijanpish juchata rurajca Mandashcatami p'aquin. Juchaca Mandashcata p'aquinami.

Mushuj Testamento Diospaj Shimi

⁴ Maijanpish millaita rurajca, Dios Mandashcatami pʼaquin. Dios Mandashcata pʼaquinami jucha.

1 Juan 3:4 Iomraidhean Croise

1 REYES 8:47

Paicunaca prezu apashca llajtapi cashpami, quiquin shungullapitaj mana allita rurashcamanta cutirishpaca, huananchijmi nishpa cashna nishpa mañangacuna: Juchallishcanchijmi, millaitami rurashcanchij, mapatami rurashcanchij ningacuna.

1 CRÓNICAS 10:13

Saulca Mandaj Diosta c'ariyashpa juchallishcamantami chashna huañurca. Paica Mandaj Dios imalla nishcacunata mana huaquichishpa ashtahuanpish adivinaj huarmita tapushpa,

2 CRÓNICAS 24:20

Chaimantami Joiada curapaj churi Zacariasca, Diospaj Espíritu japijpi rishpaca, tucuicuna ricunallapi shayarishpa cashna nirca: “Mandaj Taita Diosca cashnami nin: ¿Ima nishpataj ñuca mandashcacunata mana cazunguichij? ¿Ima nishpataj cancunallataj llaquita mashcanguichij? ¡Cancuna ñucamanta anchurishcamantaca, ñucapish cancunamanta anchurishami! ninmi” nircami.

ISAÍAS 53:8

Prezu apashpa yanga juchachishpami huañuchircacuna. Pai huiñaicunapish pi mana mitsarcachu. Cai pachapi causajcunapuramanta anchuchircami. Ñuca agllashcacuna mana cazushcamantami chugrichishpa huañuchirca.

DANIEL 9:11

Tucui israelcunami quiquin mandashcata p'aquishpa, quiquin rimashcata mana cazungapaj quiquinmanta anchurishcacuna. Chashna rurashpaca Taita Diosta p'iñachishpamari juchallishcanchij. Chaimantami Taita Diospajta ruraj Moisesta quillcachishca mandashcapi mana cazujpica llaqui tucushca canman nishcaca ñucanchij jahuapi urmashca.

NÚMEROS 15:31

Mandaj Dios rimashcata mana cazushpa pai mandashcata yangapi churaj runataca tucuitaj chingachishca cachun. Paipaj juchaca paipaj jahuapimi canga” nircami.

Mateo 5:19

Chaimanta maijanpish, cai mandashcacunapi uchilla cajta p'aquishpa, shujtajcunatapish chashna p'aquij canata yachachijca, jahua pachamanta mandacunpica, uchilla nishcami canga. Ashtahuanpish chaitataj pajtachishpa yachachijca, jahua pachamanta mandacunpica jatun nishcami canga.

Hechos 23:3

Chaimi Pabloca: –¡Canca yurajyachishca pata shinallami cangui! Chaimanta Taita Diosmi cantapish huajtanga. Canca mandashcapi nishca shina rurangapajmari tiyacungui. ¿Ima nishpataj canca ñucata huajtai nishpa mandashcata p'aquingui?– nircami.

Romanos 3:20

Diospaj ñaupajpica, pi cashpapish Mandashcapi nishca ruraicunamantaca cashcata rurajmi cangui nishcaca mana cangachu. Mandashcaca juchayuj cashcallatami ricuchicun.

Romanos 4:15

Mandashcaca Diospaj p'iñaitami apamun. Ashtahuanpish Mandashca mana tiyanpica, Mandashcata p'aquinapish mana tiyanchu.

2 Corintios 12:21

Ñuca cutin ricuj shamujpica, cancunapurapi Dios ñucata pingachinatami manchani. Cancunapuramanta achcacuna millaita sarunman rurashcata, huainayashcata, aicha munaita mana jarcari tucushcamanta Diospajman mana cutirishca cajpica, achcata huacanapish cangachari.

Santiago 5:15

Tucui shunguhuan crishpa mañajpica, Mandaj Jesusca chai ungushcataca alliyachishpa jatarichingami. Pai juchallishca cajpipish perdonangami.

1 Juan 5:17

Tucui imapish millaita ruranaca juchami. Shina cajpipish huañuiman mana apaj juchapish tiyanmi.

1 SAMUEL 15:24

Chaimi Saulca Samuelmanca: –Juchallishcanimari. Mandaj Dios mandashcacunata, can imalla nishcacunatamari mana cazushcani. Ñuca soldadocunata manchashcamantami, paicuna rurashun nishcata rurachun saquircani. Cunanca ñuca juchallishcata perdonashpa,