1 Juan 3:22 - Dios Rimashca Shimicunami

²² Dios mandashcacunata cazushpa, pai munashcacunata paipaj ñaupajpi ruracushcamantaca, ñucanchijca imata mañashpapish paimantaca chasquishunllami.

Mushuj Testamento Diospaj Shimi

²² Pai mandashcata caźushpa, Pai munashcata rurashpa causacushpami, Diosta ñucanchij imata mañashpapish paimanta chasquinchij.

1 Juan 3:22 Iomraidhean Croise

JOB 22:26

Chashna cashpaca, Tucuita Rurai Tucuj Diosmantami cushicungui. Cambaj ñahuihuanca Taita Diosta huichilla ricunguillami.

SALMOS 10:17

Mandaj Dioslla, mana jatun tucushcacuna mañashcataca uyanguimi. Paicuna mañashcata cushpami cushichingui.

SALMOS 34:4

Mandaj Diostami mashcarcani, paica ñucata uyahuarcami. Tucui ñuca manchaimantami ñucataca quishpichirca.

SALMOS 50:15

Llaqui punllapi cashpaca, ñucata mañangui. Ñucaca quishpichishami. Canpish ñucataca alli” ninguimi.

PROVERBIOS 15:29

Mandaj Diosca, paita mana manchajcunamantaca carupimi. Ashtahuanpish cashcata rurajcunataca, mañashcata cutichingapaj uyaracunmi.

PROVERBIOS 28:9

Mandashcata mana uyasha nijtaca, pai mañashcatapish Diosca manataj uyanachinchu.

ISAÍAS 1:15

Cancunapaj maquicunaca yahuarhuan jundamari. Chashna cashca cashpa ñucaman maquicunata chutajpipish ñuca ñahuitaca shujmanmi churani. Cancuna achcata mañacujpipish, manataj uyanichu.

JEREMÍAS 33:3

Ñucata caparilla, ñucaca cutichishallami. Can mana yachashca, pacalla tiyacuj jatun yachanacunata yachachishallami ninmi.

Mateo 17:5

Pedro chashna rimacujpirajmi, paicunapaj jahuaman achijnicuj p'uyu shamushpa taparca. Chai p'uyumantaca: “Caimi, ñuca c'uyashca Churi. Paipimi cushicuni. Paita uyaichij” nishpa rimashcami uyarirca.

Mateo 21:22

Tucui imatapish crishpa Diosta mañashpaca, chasquinguichijmi– nircami.

Marcos 11:24

Chaimanta cashnami nini: Taita Diosta imata mañashpaca, ña japinataj cashcata crishpa mañaichij, chasquinguichijmi.

Juan 14:13

Tucui imatapish ñucamanta Yayata mañajpica paica ñucamanta jatunyachishca cachun tucui cancuna mañashcata cushami.

Juan 15:10

Ima shinami ñuca Yaya mandashcacunata cazushpa paipaj c'uyaihuan shujlla cani, shinallataj cancunapish ñuca mandashcacunata cazushpa ñuca c'uyaihuan shujlla catichij.

Juan 15:7

Cancuna ñucahuan shuj shinalla catijpica, ñuca Shimicunapish cancunahuan shuj shinallami canga. Chashna cashpa cancuna imatapish ñuca Yayata mañajpica paica cungallami.

Juan 6:29

Jesusca: –Runa Aichayujtaca Taita Dios cachashca cashcata crinami. Chaimi Taita Diospajta ruranaca– nirca.

Juan 8:29

Ñucata cachaj Yayaca ñucahuanmi. Ñucaca pai munashcallatami rurani. Chaimantami ñucallataca mana saquin– nircami.

Juan 9:31

Taita Diosca juchayujcunataca mana uyaj cashcataca yachanchijmi. Pipish Taita Diosta manchaj, Taita Diospaj munaita rurajllatami uyan.

Hechos 17:30

Ñaupa causajcunaca Taita Diosta mana rijsishcamanta paicunapaj munaita rurashpa causajpipish Taita Diosca paicunataca mana llaquichircachu. Cunanca tucuicunallataj maipi causajcuna cashpapish juchayuj cashcamanta llaquirishpa paiman cutirichunmi mandan.

Hechos 20:21

Judiocunaman, mana judiocunamanpish mana allita ruracushcata saquishpa cutirichij, ñucanchijta Mandaj Jesucristota crichij nishpami huillacurcani.

Filipenses 4:18

Cunanca tucuitami chasquircani. Yallijtami charini. Epafroditoman cancuna cachashcata chasquishpacarin, achcatami charini. Chaicunaca Diosman cushpa rupachijpi mishquiman ashnacuj shina, Dios chasquinallami.

Colosenses 1:10

Mandaj Jesuspaj cashca shinataj causashpa pai munashcata tucuipi rurashpa, tucui alli ruranapi, alli granota p'ucuj shina, Taita Diosta rijsinapipish ashtahuan huiñashpa catichunmi mañacunchijlla.

Hebreos 13:21

Tucui imatapish pai munashca shina allita rurajcuna cachunca, Diosllataj cancunataca yachachichun. Jesucristomantami tucui cancunataca paillataj pai munashca shinata rurachicun. Pai Jesucristotaca huiñai huiñaita jatunyachishca cachun. Chashna cachun.

Santiago 1:5

Cancunamanta maijan yachai illaj cashpaca, Diosta mañaichij. Paica mana mitsashpami, tucuicunaman yallijta cunga.

Santiago 4:3

Mañashpapish mana chasquinguichijchu. Cancuna munashcapi cushicushpa tucuchingapajlla mana alli yuyaihuan mañashcamantami mana chasquinguichij.

Santiago 5:16

Chaimanta cancunapaj juchacunataca caishuj chaishuj huillanacuichij. Tucuicuna alliyachishcacuna cangapajca, caishujmanta chaishujmanta Diosta mañaichij. Cashcata ruraj tucui shunguhuan Diosta mañashcaca, imatapish rurai tucunmi.

1 Juan 2:3

Pai mandashcacunata cazushpami, paita rijsishpa causacushcata yachanchij.

1 Juan 5:14

Pai munashca shina imatapish mañajpica, paica uyashpa cujlla cashcata yachashcamantami paipi shunguta churanchij.