1 Juan 3:20 - Dios Rimashca Shimicunami

²⁰ Ñucanchij shungullataj mana alli cashcata ricuchicujpica, Dioscarin ñucanchij shungutapish yalli tucuita yachajmari.

Mushuj Testamento Diospaj Shimi

²⁰ Ñucanchij shungullataj juchachijpica, Taita Dioscarin ñucanchij shungutapish yalli yachaj cashcamanta, tucuitamari yachan.

1 Juan 3:20 Iomraidhean Croise

JOB 27:6

Cashcata ruranataca chariracunimi, manataj cacharishachu. Ñuca causashcacamaca ñuca shungumantaca manataj chaitaca llujshichishachu.

JOB 33:12

Riqui, can chashna nirishpaca, manamari allita rimarircanguichu. Diosca runata yalli cashcatami canmanca huillagrini.

SALMOS 90:8

Ñucanchij millaita rurashcataca, quiquinpaj ñaupajpimi charicungui. Ñucanchij pacalla juchallishcacunapish quiquinpaj ñaupajpica ricunallami.

JEREMÍAS 17:10

Mandaj Dios ñucami tucuicunapaj shunguta, yuyaita callarishpa ricuni, yachani. Tucuicunamanmi imallata rurashcamantapish, ima shina causashcamantapish chasquina cashcatataj cusha” ninmi.

JEREMÍAS 23:24

Mandaj Diosca cashnapishmi nin: “¿Pitaj ñuca mana ricunapi miticui tucungari? Ñucaca tucui jahua pachapipish, cai pachapipish jundamari cani. Mandaj Diostajmi chashna nini.

Juan 21:17

Jesusca caihuanca quimsa cutinmi: –Jonaspaj churi Simón, ¿Ñucataca c'uyanguichu?– nirca. Caihuanca quimsa cutin: “¿Ñucataca c'uyanguichu?” nijpimi Pedroca llaquirishpa: –Mandaj Jesús, quiquinca tucuitami yachangui. Quiquinta ñuca ima shina c'uyaj cashcataca quiquinllataj yachanguimi– nijpi Jesusca: –Ñuca ovejacunata cuidangui.

Juan 8:9

Chashna nijta uyashpaca, paicunapaj yuyaillapitaj mana alli cashcata yuyarishpami yuyajcunamanta callarishpa q'uipa huiñaicunacama shuj shujlla rircacuna. Jesusca, chai huarmindijllami saquirirca.

Hechos 5:33

Shina nijta chai mandajcuna uyashpaca, yallitaj p'iñarishpami huañuchinata yuyarcacuna.

Romanos 8:34

¿Pitaj jatun llaquimanca cachangari? Cristomari ña huañurca, causarircapishmari. Paica, Yayapaj alli ladopi ñucanchijmanta mañaracunpishmari.

1 Corintios 4:4

Ñuca yuyaipi ima mana allita rurashca mana tiyajpipish, cashcata rurajmi cangui nishcaca manaraj canichu. Ashtahuanpish ñuca ima shinalla cashcata ricuchijca Mandaj Jesusmi.

Tito 3:11

Chashna rurashpa juchallijca jatun llaquiman rina cashcata paillataj ricuchicushcatami yachana cangui.

Hebreos 4:13

Imalla rurashcacunapish Diospaj ñaupajpica ima mana pacallachu. Ashtahuanpish tucui imapish paipaj ñahuipica lluchulla, pascashca ricunallami tiyacun. Ñucanchijca paimanmi tucui imalla rurashcataca ricuchishun.

Hebreos 6:13

Diosca Abrahamman cushami nishpaca, paita yalli shujtaj jatun mana tiyajpimi, paipaj shutillapitaj,

1 Juan 3:19

Chashna rurashpami, mana llullapaj cashcataca yachanchij. Ñucanchij shungupish Diospaj ñaupajpica allitaj cashcatapish yachanchijmi.

1 Juan 3:21

C'uyashcacuna, ñucanchij shungullataj allimi cangui nijpica, Diospimi shunguta churanchij.

1 Juan 4:4

Huahuacuna, cancunaca Diospajmi canguichij. Cancunapi causacujca, cai pachapi cajta yallimi. Chaimantami paitaca ña mishashcanguichij.

Apocalipsis 2:23

Paipaj huahuacunataca huañuchishami. Chashna rurajpimi ñucataca tucuipi tandanacushca crijcunaca paicunapaj yuyaita, shunguta rijsij cashcata yachangacuna. Cancunamanca ima shina rurashca shinallatajmi cusha.