1 Juan 3:2 - Dios Rimashca Shimicunami

² C'uyashcacuna, ñami Diospaj huahuacuna canchij. Ñucanchij ima shina canataca manaraj ricuchishcachu. Ashtahuanpish pai ricurijpi, pai ima shina caj shinallataj tucuna cashcataca yachanchijmi.

Mushuj Testamento Diospaj Shimi

² Ñuca cʼuyashcacuna, ñucanchijca ña Diospaj huahuacuna cashpapish, shamuj punllapi ñucanchij ima shina cana cashcataca manaraj ricushcanchijchu. Shina cajpipish Jesucristo ricurijpica, Pai shina cana cashcataca yachanchijmi. Pai ima shina cajta ricushcamanta, Pai shinami cashun.

1 Juan 3:2 Iomraidhean Croise

JOB 19:26

Ñuca caracama ismushpa chingarishca q'uipami, Taita Diostaca ñuca aichahuan ricusha.

SALMOS 16:11

Ñucamanca causaiman apaj ñantami ricuchingui. Cambaj alli ladopica huiñaita sumajmari. Cambaj ñaupajpica cushicucunallami canga.

SALMOS 17:15

Ñucaca can cashcata rurajta rurashcamantami cambaj ñahuitaca ricusha. Ñuca dormicushcamantaca canman rijchaj jatarishpami cushicusha.

SALMOS 31:19

Quiquinpaj c'uyaica yallitaj jatunmi. Chaitaca quiquinta manchajcunapajmi huaquichishcangui. Quiquinpi shunguta churajcunapimi ricuchishcangui. Chaitaca huañujlla aichayuj runacunapaj ñaupajpimi ricuchishcangui.

ISAÍAS 56:5

muyundij pircacunayuj pueblopi caj ñuca huasipimi causanata cusha. Churicunayuj ushushicunayuj cajcunapaj shutitapish yalli shutitami cusha. Chai shutica huiñaipaj pi mana cungarishcami canga.

MALAQUÍAS 3:2

Pai shamui punllapica, ¿pitaj c'ari c'ari shayari tucungari? ¿Pitaj paipaj ñaupajpica mana pingaringari? Paica mapacunata anchuchij nina shinamari. Paica mapacunata llujshichij tajshana jabón shinamari.

Mateo 5:8

Chuya shungucunaca, cushichishcami. Paicunami Taita Diostaca ricungacuna.

Lucas 17:30

Runa Aichayuj shamuna punllapish chashnallatajmi canga.

Lucas 20:36

Paicunaca mana huañungacunachu. Angelcuna shinamari canga. Taita Dios causachishcamanta paipaj huahuacunamari canga.

Juan 1:12

Maijanpish paita chasquishpa, paipaj Shutipi crijcunataca tucuicunatami Taita Diospaj huahuacunata rurarca.

Juan 11:52

Mana chai llajtallamantachu huañuna carca. Ashtahuanpish tucui cai pachapi urapi janajpi caj Taita Diospaj huahua cajcunata tandachingapajmi chashnaca huañuna carca.

Juan 17:24

Ñuca Yayitu, can cushca ñucata catijcunaca, can ñucaman cushca rurai tucunata ricuchun, ñuca maipimi cani paicunapish chaipi cachunmi munani. Canca cai pachata manaraj rurashpami ñucataca c'uyarcangui.

Romanos 8:16

Chai Espiritullatajmi ñucanchij espiritumanca, Diospaj huahuacunami canguichij nishpa huillacun.

Romanos 8:18

Shamuj punllapi Dios ñucanchijta jatunyachishpa ricuchina cashcataca allimi yachani. Chaihuan ch'imbapurajpica, cunan punlla llaquicunaca ima mana canchu.

Romanos 8:19

Dios paipaj huahuacunata chashna ricuchina cashcataca, Dios rurashcacunami ricunaihuan chai yuyailla chaparacuncuna.

Romanos 8:29

Diosca pai agllasha nishcacunataca, paipaj Churiman rijchajta rurangapajmi ñaupaman ch'icanchirca. Achca huauquicunapurapi Cristoca, punta Churi cachunmi chashnaca rurarca.

1 Corintios 13:12

Cunanca, amsalla espejopi shinallami chingajllata ricucunchij. Ashtahuanpish q'uipataca, ñahui ñahuimari ricushun. Cunanca ashallatami yachani. Dios ima shinami ñucata rijsin, shinallatajmi q'uipataca alli rijsisha.

1 Corintios 15:49

Ima shinami allpamanta cajman rijchaj shamurcanchij, chashnallatajmi jahua pachamanta cajman rijchaj ricurishun.

1 Corintios 2:9

Shina cajpipish cashnami quillcashca tiyacun: “Ñahui mana ricushcata, rinrin mana uyashcata, pi mana shungupi yuyashcatapishmi, Diosca, paita c'uyajcunapajca allichishca” ninmi.

2 Corintios 3:18

Chaimi tucui ñucanchijca, ña mana ñahuita tapashca shina ricushpa, Mandaj Jesús sumaj cashcataca, espejo shina ricuchicunchij. Mandaj Jesuspaj Espiritullatajmi ñucanchijtaca, pai sumaj caj shina tucungacama ashtahuan ashtahuan shujtajyachicunlla.

2 Corintios 4:17

Cunan caipi tucurijlla llaquicunata apanaca, tucuimanta yalli valij huiñai causayuj cashcatami ricuchicun.

Gálatas 3:26

Cristo Jesuspi crishcamantaca, tucuicunami Diospaj huahuacuna canguichij.

Gálatas 4:6

Chaimantami paipaj huahuacuna canguichij. Diosca cancunapaj shungucunamanca paipaj Churipaj Espiritutami cacharca. Paimi: “¡Ñuca Yayitu!” nishpa caparicun.

Filipenses 3:21

Ñucanchij huañujlla cuerpotaca, shujtajyachishpami paipaj cuerpoman rijchaj, sumaj cuerpota ruranga. Tucui imatapish cazuchij poderhuanmi, paillataj chashna ruranga.

Colosenses 3:4

Cancunaman causaita cuj Cristo ricurijpica, cancunapish pai sumaj cashca shinallatajmi ricuringuichij.

Hebreos 9:28

Cristoca achcacunapaj juchacunata anchuchingapajmi, shuj cutinlla huañurca. Q'uipata cutin shamushpaca, mana juchata anchuchingapajchu shamunga. Ashtahuanpish paita shuyajcunata quishpichingapajmi shamunga.

2 Pedro 1:4

Chashnami tucuita yalli valij, jatun cushami nishcacunataca ñucanchijman cushca. Chaicunahuanca cai pachapi ismuchicuj millai munaicunamanta anchushpa, Dios ima shina caj shinallataj cachunmi chashna rurashca.

1 Juan 2:28

Cunanca huahuacuna, pai ricurijpi ama manchashpa ñahui ñahui ricuringapajca, paihuan shuj shinalla catichijlla.

1 Juan 2:7

Huauquicuna, mana shujtaj mushuj mandashcatachu cancunamanca quillcani. Ashtahuanpish callarimanta cancuna charishca ñaupa mandashcallatatajmi quillcani. Chai mandashcatami callarimanta uyarcanguichij.

1 Juan 3:1

Dios ñucanchijta ima shina c'uyashcataca ricuichigari. Diospaj huahuacunami nishca cachunmi chashna c'uyashca. Chaimantami cai pachapi cajcunaca, Diosta mana rijsishcamanta ñucanchijtapish pipaj huahuacuna cashcata mana rijsincuna.

1 Juan 3:10

Diospaj huahuacuna cajtapish, diablopaj huahuacuna cajtapish ricunallami. Maijanpish cashcata mana ruraj, paipaj huauquita mana c'uyajca, mana Diospajchu.

1 Juan 3:21

C'uyashcacuna, ñucanchij shungullataj allimi cangui nijpica, Diospimi shunguta churanchij.

1 Juan 5:1

Jesustaca Cristo cashcata maijanpish crijca, Diosmanta huacharishcami. Diosta maijanpish c'uyajca, paipaj huahuacunatapish c'uyanmi.

Apocalipsis 2:28

Pacarinapaj llujshij luzerotapish paicunamanca cushami.

Apocalipsis 22:4

Paitaca, ñahui ñahuimi ricungacuna. Paipaj shutitapish, paicunapaj frentepi churashcami canga.