1 Juan 3:18 - Dios Rimashca Shimicunami

¹⁸ Ñuca huahuacunalla, ama shimillahuan, c'allullahuan c'uyanimi nishunchij. Ashtahuanpish imatapish rurashpataj c'uyashcata ricuchishunchij.

Mushuj Testamento Diospaj Shimi

¹⁸ Ñuca cʼuyashca huahuacuna, ama shimillahuan, cʼallullahuan ‘Cʼuyanimi’ nishunchijchu; ashtahuanpish imatapish rurashpataj, cʼuyashcataca ricuchishunchij.

1 Juan 3:18 Iomraidhean Croise

ÉXODO 33:21

Mandaj Diosca cashnapishmi nirca: –Riqui, ñuca c'uchupimi shuj c'aca rumi tiyan. Chai jahuapi shayari.

EZEQUIEL 33:31

Can rimashcata uyana cashcallamantami, ñuca agllashcacuna cashca shina uyanaman shamuj tucungacuna. Paicunaca can imalla rimashcata uyashpapish, chaitaca mana pajtachincunachu. Ashtahuanpish mishquijlla shimicunahuan rimashpapish, charina yuyaillami purincuna.

Lucas 7:5

Paica ñucanchij judiocunata c'uyashpa shuj sinagogatami shayachirca– nircacunami.

Juan 17:19

Paicunapish cambaj manataj llullapi shujlla tucuchunmi, ñucallataj canman curini.

Romanos 12:9

Ama nij tucushpalla tucui shunguhuan c'uyanacuichij. Millaitaca p'iñaichij, allitaca catichij.

Gálatas 5:13

Cancunaca huauquicuna, ama huatashca cachun Dios agllashcacunami canguichij. Cacharichishcami canchij nishpaca, ñataj aicha munaita ruranguichijman. Ashtahuanpish c'uyaimantaca, caishujpaj chaishujpaj allita ruraichij.

Efesios 4:15

Shina cajpipish Cristomari uma. Pai shina tucungacama mana llullapi, c'uyaipi huiñashunchij.

1 Tesalonicenses 1:3

Cancunaca crishcamantami allicunata rurashpa, c'uyaihuan trabajashpa, ñucanchijta Mandaj Jesucristopi shunguta churashpa paita shuyacunguichij. Chaimantami cancunata yuyarishpaca, ñucanchij Yaya Diosta mañanataca mana shaicunchij.

1 Pedro 1:22

Espíritu yuyaita cujpimi, mana llullata huillashcataca cazushcanguichij. Ama nij tucushpalla huauquindijcuna shina c'uyanacunapajmi cancunapaj almataca chuyayachishcacuna canguichij. Chaimanta caishuj chaishuj tucui shunguhuan mapa yuyai illajlla c'uyanacuichij.

1 Juan 2:1

Ñuca huahuacunalla, cancuna ama juchallichunmi caicunata quillcani. Shina cashpapish maijan juchallishpaca, ñucanchijmanta Yayahuan rimajtami charinchij. Paica cashcata ruraj Jesucristomi.

1 Juan 3:7

Huahuacuna, cancunataca pi ama umachun. Maijanpish cashcata rurajca, Cristo cashcata ruraj shinallataj cashcata rurajmi.

2 Juan 1:1

Cunaj yuyaj ñucami Dios agllashca huarmiman, paipaj huahuacunamanpish quillcani. Ñucaca cancunataca tucui shunguhuantajmi c'uyani. Mana ñucallachu c'uyani, ashtahuanpish mana llullata tucui rijsijcunapishmi c'uyancuna.

3 Juan 1:1

Cunaj yuyaj ñucami, ñuca tucui shunguhuan c'uyashca Gayoman quillcani.