1 Juan 3:17 - Dios Rimashca Shimicunami

¹⁷ Ashtahuanpish cai pachapaj charinacunata charishpapish, maijan huauqui ima illajlla cajta ricushpapish, paipaj shungupi mitsashpa mana cujca, Diospaj c'uyaitaca mana charinchu.

Mushuj Testamento Diospaj Shimi

¹⁷ Ashtahuanpish paipaj huauqui ima illaj cashcata ricushpapish, cai pachapi charishca jahua, mana imallatapish cujca, ¿ima shinataj Diospaj cʼuyaitaca paipaj shungupi charingari?

1 Juan 3:17 Iomraidhean Croise

PROVERBIOS 12:10

Cashcata ruraj runaca animalcunatapish, mana yaricaihuan charinchu. Ashtahuanpish mana manchajcunaca rumi shungu cashpami, mana llaquincuna.

PROVERBIOS 14:31

Huajchata llaquijca, paita Ruraj Diostamari cushichin. Ashtahuanpish p'iñashpa llaquichijca, paita ruraj Diostamari llaquichin.

PROVERBIOS 19:17

Maijanpish huajcha runata llaquishpa imata cushpaca, Mandaj Diosman mañachishca shinami. Chai allita rurashcamantaca, cutichishcami canga.

PROVERBIOS 21:13

Huajcha runa caparishpa mañajpi mana uyajtaca, q'uipata pai caparijpipish, pi mana uyangachu.

PROVERBIOS 28:9

Mandashcata mana uyasha nijtaca, pai mañashcatapish Diosca manataj uyanachinchu.

Lucas 3:11

Chaimi Juanca: –Pipish ishqui churanata charijca, mana charijman shujta cuchun. Micunata charijpish, mana charijman carachun– nirca.

2 Corintios 8:9

Ñucanchijta Mandaj Jesucristo, mana c'uyaipajta c'uyaj cashcataca yachanguichijmi. Paica achcata charij cashpapish, cancunata c'uyashcamantami imata mana charij huajcha tucurca. Pai huajcha tucushcamantami, cancunaca achcata charij tucushcanguichij.

Hebreos 13:16

Shinallataj allita ruranatapish, caishuj chaishujman ayudanatapish amataj cungaringuichijchu. Chashna sacrificiocunatami Diosca munan.

Santiago 2:15

Shuj huauqui cashpa, pani cashpapish, punllanta churanapaj, micunapaj illajlla cajta ricushca jahua,

Santiago 2:16

cancunamanta maijancunaca: “Allita churashpa, allita micushpa, sumajta causagrilla” ningachari. Ashtahuanpish cuerpopaj ima illashcata mana cushpaca ¿allichu canga?

1 Juan 4:20

Maijanpish: “Ñucaca Diostami c'uyani” nishpapish, paipaj huauquita p'iñajca llullami. Chaimanta maijanpish ricushca huauquita mana c'uyajca ¿ima shinataj mana ricushca Diostacarin c'uyangari?

1 Juan 5:1

Jesustaca Cristo cashcata maijanpish crijca, Diosmanta huacharishcami. Diosta maijanpish c'uyajca, paipaj huahuacunatapish c'uyanmi.