1 Juan 3:14 - Dios Rimashca Shimicunami

¹⁴ Huauquicunata c'uyashpami, huañushca cashca cashpapish, causaiyuj tucushcata yachanchij. Maijanpish paipaj huauquita mana c'uyajca, huañushcallatajmi.

Mushuj Testamento Diospaj Shimi

¹⁴ Ñucanchij huauquicunata cʼuyaj cashpallami, huañushca cashcamanta, huiñai causaiman chʼimbashcata yachanchij. Pipish paipaj huauquita mana cʼuyajca, huañushcallatajmi catin.

1 Juan 3:14 Iomraidhean Croise

SALMOS 16:3

Cai allpapi caj dioscunaca imatapish rurai tucunmi nincunami. Ñucaca cashcata rurajcunahuan cashpami cushicuni.

PROVERBIOS 21:16

Alli yuyaihuan causanapaj alli yachaita saquijca, huañushcacunahuanmi tandanacugringa.

Mateo 25:40

Chaipica jatun Mandajpish: “Tucuimanta yalli uchilla ñuca huauquicunapaj ima allita rurashpaca, ñucapajmari rurarcanguichij” ningami. Chashnatajmi canga.

Lucas 15:24

Cai ñuca churica huañushcami carca, cunanca causarishcami. Chingarishcami carca, cunanca tigramushcami” nishpami, yallitaj cushicui callarircacuna.

Lucas 15:32

Ashtahuanpish cambaj cai huauquica, huañushcami carca, cunanca causarishcami. Chingarishcami carca, cunanca tigramushcami. Chaimantaca jatun fiestata rurashpa cushicunatajmi canchij” nircami” nishpami parlarca.

Lucas 7:5

Paica ñucanchij judiocunata c'uyashpa shuj sinagogatami shayachirca– nircacunami.

Juan 13:35

Chashna caishuj chaishuj c'uyanacujpimi, cancunataca ñuca yachacujcunataj cashcata tucuicuna rijsingacuna– nircami.

Juan 15:12

Caimi ñuca mandashcaca: Ima shinami ñuca cancunata c'uyarcani, chashnallataj cancunapish caishuj chaishuj c'uyanacuichij.

Juan 15:17

Cancunataca caishuj chaishuj c'uyanacuchunmi mandani.

Juan 5:24

Pipish ñuca shimita uyashpa, ñucata cachaj Yayata crijca huiñai causaitami charin. Huañushca cashpapish huiñai causaiman ch'imbashca cashcamanta jatun llaquimanca manataj ringachu. Chaica chashnatajmi.

2 Corintios 5:1

Cai pachapi causana carpa huasi shina ñucanchij aicha huañujpica, Dios rurashca huasita huiñaipaj jahua pachapi charishcataca yachanchijmi. Chai huasica, gentecunapaj maquihuan mana rurashcachu.

Gálatas 5:22

Ashtahuanpish Espiritupaj granoca c'uyaimi, cushimi, sumaj causaimi, mana utca p'iñarinami, alli shungumi, alli cajmi, crijmi,

Efesios 1:15

Mandaj Jesusta crishcamanta cancunaca, jucha illaj tucuicunata c'uyacun nijta uyashpami ñucapish,

Efesios 2:1

Cancunapaj millai juchacunapi huañushcacuna cajpipish, Diosmi cancunaman causaita curca.

Efesios 2:5

Juchapi ñucanchij huañushca cajpipish, Cristohuan shujllata rurashpami, ñucanchijtaca causachirca. (Mana c'uyaipaj cajpipish c'uyashpa quishpichishcacunami canguichij).

Colosenses 1:4

Cancuna Cristo Jesusta crishcatapish, tucui jucha illajcunata c'uyacun nijtapish uyarcanchijmi.

1 Tesalonicenses 4:9

Taita Dios yachachijpimi cancunallataj caishuj chaishuj c'uyanacunataca yacharcanguichij. Chaimi cancunamanca, huauquicunapura c'uyanacunami canguichij nishpaca mana quillcani.

Hebreos 13:1

Quiquin huauquindij shina caishuj chaishujhuan c'uyanacunataca amataj saquichijchu.

1 Pedro 1:22

Espíritu yuyaita cujpimi, mana llullata huillashcataca cazushcanguichij. Ama nij tucushpalla huauquindijcuna shina c'uyanacunapajmi cancunapaj almataca chuyayachishcacuna canguichij. Chaimanta caishuj chaishuj tucui shunguhuan mapa yuyai illajlla c'uyanacuichij.

1 Pedro 3:8

Tucuimanta yallica, tucuicuna chai shinallataj cashcata yuyaichij. Llaquilla cajcunahuanpish llaquirij caichij. Quiquin huauquindij shina c'uyanacuichij, llaquijcuna caichij, caishuj chaishujhuanpish apanacujcuna caichij.

2 Pedro 1:7

Diosta alli yuyarij cashpaca, quiquin huauquindij shina c'uyanacuj caichij. Quiquin huauquindij shina c'uyanacuj cashpaca, tucuicunata c'uyaj caichij.

1 Juan 2:3

Pai mandashcacunata cazushpami, paita rijsishpa causacushcata yachanchij.

1 Juan 3:23

Diosca: Paipaj Churi Jesucristopi crichun, ñucanchijpish pai mandashca shina caishuj chaishuj c'uyanacuchunmi mandarca.

1 Juan 4:12

Diostaca manataj pi ricushcachu. Caishuj chaishuj c'uyanacushpami, Dios ñucanchijpi causacushcataca yachachij. Chashnami Diospaj c'uyai ñucanchijpi cashcataca ricuchinchij.

1 Juan 5:13

Caicunataca Diospaj Churipi crishpa pai yuyailla cajcunaca huiñai causaita ña charishcata yachachunmi quillcani.

1 Juan 5:2

Pai mandashcacunata cazushpa, paipaj huahuacunata c'uyashpami Diosta c'uyacushcataca yachanchij.