1 Juan 3:11 - Dios Rimashca Shimicunami

¹¹ Cancunaman callarimanta huillashcacunaca caicunami: Caishujhuan chaishujhuan c'uyanacunami.

Mushuj Testamento Diospaj Shimi

¹¹ Cancunaca callarimantami: “Caishuj chaishujhuan cʼuyanacuichij” nishpa huillashcataca uyarcanguichij.

1 Juan 3:11 Iomraidhean Croise

Juan 13:4

Chaimi micucushcamanta jatarishpa, paipaj jahua churanata llujshichishpa, shuj linsota japishpa chumbillirirca.

Juan 15:12

Caimi ñuca mandashcaca: Ima shinami ñuca cancunata c'uyarcani, chashnallataj cancunapish caishuj chaishuj c'uyanacuichij.

Gálatas 6:2

Caishujpaj chaishujpaj llaquicunata, apajcuna caichij. Cristopaj mandashcataca, chashna rurashpa pajtachichij.

Efesios 5:2

Cristo ñucanchijta c'uyashca shina, c'uyanacushpa purichij. Ñucanchijmantami paillataj curirca. Chaica Diospajca, paiman cushpa rupachishca mishquiman ashnacuj shinami carca.

1 Tesalonicenses 4:9

Taita Dios yachachijpimi cancunallataj caishuj chaishuj c'uyanacunataca yacharcanguichij. Chaimi cancunamanca, huauquicunapura c'uyanacunami canguichij nishpaca mana quillcani.

1 Timoteo 1:5

Chuya shungumanta llujshishca c'uyaihuan c'uyanacushpa, ima mapata mana yuyashpa, ama nij tucujlla crijcuna cachunmi chashna mandani.

1 Pedro 1:22

Espíritu yuyaita cujpimi, mana llullata huillashcataca cazushcanguichij. Ama nij tucushpalla huauquindijcuna shina c'uyanacunapajmi cancunapaj almataca chuyayachishcacuna canguichij. Chaimanta caishuj chaishuj tucui shunguhuan mapa yuyai illajlla c'uyanacuichij.

1 Pedro 3:8

Tucuimanta yallica, tucuicuna chai shinallataj cashcata yuyaichij. Llaquilla cajcunahuanpish llaquirij caichij. Quiquin huauquindij shina c'uyanacuichij, llaquijcuna caichij, caishuj chaishujhuanpish apanacujcuna caichij.

1 Pedro 4:8

Tucuimanta yallica, cancunapurapi tucui shunguhuan c'uyaj caichij. C'uyaica, achca juchacunatapish perdonachijmi.

1 Juan 1:5

Jesús huillajpi ñucanchij uyashcaca caimi: Diosca luzmi, paipica ima amsa mana tiyanchu. Chaitami cancunamanca huillacunchij.

1 Juan 4:11

C'uyashcacuna, Dios chashna c'uyashcamantaca ñucanchijpish caishuj chaishuj c'uyanacunamari canchij.

1 Juan 4:21

Ñucanchijca cashna mandashcatami, Jesucristomantaca charinchij: “Maijanpish Diosta c'uyajca, paipaj huauquitapish c'uyachun” ninmi.

1 Juan 4:7

C'uyashcacuna, Dios c'uyaita cushcamanta caishuj chaishuj c'uyanacushunchij. Maijanpish c'uyajca Diosmanta huacharishcami, Diostapish rijsinmi.

2 Juan 1:5

Cunanca huarmi caitami rogani. Mana mushuj mandashcata mandashpa shinachu quillcani. Ashtahuanpish callarimanta ña charishca mandashcallatatajmi caishuj chaishuj c'uyanacunguichij nishpa quillcani.