1 Juan 2:7 - Dios Rimashca Shimicunami

⁷ Huauquicuna, mana shujtaj mushuj mandashcatachu cancunamanca quillcani. Ashtahuanpish callarimanta cancuna charishca ñaupa mandashcallatatajmi quillcani. Chai mandashcatami callarimanta uyarcanguichij.

Mushuj Testamento Diospaj Shimi

⁷ Huauquicuna, panicuna, mana ima shujtaj manaraj mandashca mushujtachu cancunamanca quillcani. Callarimanta cancuna yachashca, ñaupa mandashcallatatajmi quillcani. Chai ñaupa mandashcataca, ñamari callarimanta uyashcanguichij.

1 Juan 2:7 Iomraidhean Croise

LEVÍTICO 19:18

Cambaj llajtapi causajcunata canpish ama tigra llaquichinguichu, ama chai yuyailla puringuichu. Ashtahuanpish can quiquinta shinallataj shujtajcunatapish c'uyangui. Ñucami Mandaj Dios cani.

LEVÍTICO 19:34

Cancunapurata ima shinami c'uyanguichij, chashnallataj paicunatapish c'uyanguichij. Cancunapish Egipto llajtapi cashpaca caru llajtamanta cajcunallatajmi carcanguichij. Ñucami Mandaj Dios cancunapaj Taita Dios cani.

Mateo 5:43

Cancunaca: “Canhuan alli cajcunallata c'uyangui, p'iñajtaca p'iñangui” nishcatami uyarcanguichij.

Juan 13:34

Ñucaca cancunataca manaraj mandashcatami mandani. Cancunaca caishuj chaishuj c'uyanacuichij. Ima shinami ñuca cancunata c'uyarcani, chashnallataj cancunapish caishuj chaishuj c'uyanacuichij.

Hechos 17:19

Chaimantami Pablotaca tucuicuna tandanacuna Areópago jatun huasiman pushashpa cashna nircacuna: –¿Can yachachicushca mushuj yachaitaca ñucanchijpish yachai tucunchijchu?

DEUTERONOMIO 6:5

Mandaj Dios cambaj Taita Diostaca tucui shunguhuan, tucui almahuan, tucui fuerzahuan c'uyangui.

Hebreos 6:9

Ashtahuanpish c'uyashca crijcuna chashna rimashpapish quishpichishcacuna cashcamantaca, allicunata ricuchina cashcatami cancunataca shuyacunchij.

1 Juan 2:24

Callarimanta imatami cancuna uyarcanguichij, chaica cancunapi catichun. Callarimanta uyashca cancunapi catijpica cancunapish Churihuan, Yayahuan shujllami canguichij.

1 Juan 3:11

Cancunaman callarimanta huillashcacunaca caicunami: Caishujhuan chaishujhuan c'uyanacunami.

1 Juan 3:2

C'uyashcacuna, ñami Diospaj huahuacuna canchij. Ñucanchij ima shina canataca manaraj ricuchishcachu. Ashtahuanpish pai ricurijpi, pai ima shina caj shinallataj tucuna cashcataca yachanchijmi.

1 Juan 3:21

C'uyashcacuna, ñucanchij shungullataj allimi cangui nijpica, Diospimi shunguta churanchij.

1 Juan 3:23

Diosca: Paipaj Churi Jesucristopi crichun, ñucanchijpish pai mandashca shina caishuj chaishuj c'uyanacuchunmi mandarca.

1 Juan 4:1

C'uyashcacuna, cai pachapica achca llulla profetacunami ricurishca. Chaimanta ama tucui huillajcunata crichijllachu, Diospaj Espirituhuanchu nishpa alli ricuichij.

1 Juan 4:11

C'uyashcacuna, Dios chashna c'uyashcamantaca ñucanchijpish caishuj chaishuj c'uyanacunamari canchij.

1 Juan 4:21

Ñucanchijca cashna mandashcatami, Jesucristomantaca charinchij: “Maijanpish Diosta c'uyajca, paipaj huauquitapish c'uyachun” ninmi.

1 Juan 4:7

C'uyashcacuna, Dios c'uyaita cushcamanta caishuj chaishuj c'uyanacushunchij. Maijanpish c'uyajca Diosmanta huacharishcami, Diostapish rijsinmi.