1 Juan 2:6 - Dios Rimashca Shimicunami

⁶ Maijanpish Dioshuan shujllami cani nijca, Jesucristo causashca shina causachun.

Mushuj Testamento Diospaj Shimi

⁶ Maijanpish ‘Dios-huanmi cani’ nijca, Jesucristo causashca shinallatajmari causana.

1 Juan 2:6 Iomraidhean Croise

SALMOS 85:13

Cashcata ruranaca paita ñaupashpami ringa. Pai purishcaca ñanmi saquiringa.

Mateo 11:29

Ñucataca manso, mana jatun tucushca shungu cashcata ñuca yugota aparishpa yachaichij. Chashnami cancunapaj alma samarinata japinguichij.

Juan 13:15

Caitaca cancunapish ñuca rurashca shinallataj rurachunmi ricuchini. Cancunapish ñuca rurashca shinallataj ruraichij.

Juan 15:10

Ima shinami ñuca Yaya mandashcacunata cazushpa paipaj c'uyaihuan shujlla cani, shinallataj cancunapish ñuca mandashcacunata cazushpa ñuca c'uyaihuan shujlla catichij.

1 Corintios 11:1

Cristota ñuca catij shinallataj, ñucata ricushpa catichij.

Efesios 5:2

Cristo ñucanchijta c'uyashca shina, c'uyanacushpa purichij. Ñucanchijmantami paillataj curirca. Chaica Diospajca, paiman cushpa rupachishca mishquiman ashnacuj shinami carca.

1 Pedro 2:21

Chashna llaquita apachun cayashcacunami carcanguichij. Cristopish ñucanchijmantaca llaquita aparcami. Pai apashca shinallataj ñucanchijpish llaquita apachunmi chashna tucurca.

1 Juan 2:28

Cunanca huahuacuna, pai ricurijpi ama manchashpa ñahui ñahui ricuringapajca, paihuan shuj shinalla catichijlla.

1 Juan 2:4

Maijanpish: “Ñucaca Diosta rijsinimi” nishpapish, pai mandashcacunata mana cazushpaca, llullanllami. Mana llullajca paipica mana tiyanchu.

1 Juan 3:24

Dios mandashcacunata cazujca paihuanca shuj shinallami causan. Diospish paihuanca shuj shinallami. Chaitaca pai cushca Espíritu ñucanchijpi causacushcamantami yachanchij.

1 Juan 3:6

Maijanpish Jesushuan shujlla tucushcapi caticujca mana juchallinchu. Maijanpish juchallijca paitaca mana ricushcachu, mana rijsishcapishchu.

1 Juan 4:17

Jesucristo cai pachapi causacushpa ima shina c'uyaj cashca shinallataj ñucanchijpish c'uyashpa causashpaca, imalla rurashcata Dios ricuchicui punllapica imata mana manchashunchu.