1 Juan 2:5 - Dios Rimashca Shimicunami

⁵ Maijanpish paipaj Shimita cazushpaca, Dios c'uyaj cashca shinallatajmi ashtahuan c'uyaj tucun. Chashna c'uyaj cashpami Cristohuan shujlla cashcata yachanchij.

Mushuj Testamento Diospaj Shimi

⁵ Ashtahuanpish Dios imalla nishcata rurajmari, Taita Diosta cʼuyashcatatajca ricuchin. Chashna cashpami ñucanchijca, Paihuan shujlla cashcataca yachanchij.

1 Juan 2:5 Iomraidhean Croise

SALMOS 105:45

Pai chaitataj pajtachichun nishcacunata huaquichichun, pai mandashcacunata pajtachichunmari chai llajtapi churarca. ¡Paillata alabashunchigari!

SALMOS 106:3

Taita Dios mandashcacunapi nishca shina rurajcunaca cushichishcacunami. Tucui paicunapaj causaipi cashcata rurajcunaca cushichishcacunami.

SALMOS 119:146

Mandaj Dioslla quiquintami mañapani quishpichihuayari. Ima shina causanata quiquin yachachishcacunatamari pajtachisha nini.

SALMOS 119:2

Ima shina causanata pai yachachishcata huaquichijcunaca cushijllacunami. Tucui shunguhuan chaita mashcajcunaca cushijllacunami.

SALMOS 119:4

Quiquin mandashcacunataca tucuita chaitataj pajtachichunmi cushcangui.

PROVERBIOS 28:7

Mandashcata pajtachij churica, alli yuyaiyujmari. Ashtahuanpish micucujllacunahuan tandanacujca, yayatamari pingachin.

PROVERBIOS 8:32

Chaimanta cunanca ñucata uyahuaichij, huahuacuna. Ñuca ñanta catijcunaca cushicushpami causancuna.

ECLESIASTÉS 8:5

Mandashcata pajtachijtaca, ima llaqui mana japingachu. Yachaj runacarin, imalla rurashcata ricuna punlla chayamunata yachanmi.

EZEQUIEL 36:27

Chashna rurashpa ñuca Espirituta shungupi churajpimi, cancunaca ñuca quillcachishcapi nishca shina causanguichij, ñuca imalla rurai nishcatapish pajtachinguichijmi.

Lucas 11:28

Shina nijpi Jesusca: –¡Diospaj Shimita uyashpa cazujcunami, ashtahuan cushichishcacuna!– nirca.

Juan 14:21

Maijanpish ñuca mandashcacunata yachashpa chaitataj rurajmi ñucata c'uyajca. Ñucata c'uyajtaca, ñuca Yayapish c'uyangami. Ñucapish c'uyashami. Ñuca ima shina cashcapish ñuca c'uyashcapimi ricurisha– nijpimi,

Juan 14:23

Shina nijpi Jesusca, cashnami nirca: –Ñucata c'uyajca, ñuca huillashca Shimitaca cazungami. Ñuca Yayaca paita c'uyangami. Paipajman shamushpa paihuan causashunmi.

Juan 15:5

Ñucaca uva yurami cani. Cancunaca ramacunami canguichij. Maijanpish ñucahuan shuj shinalla cajhuanca, ñucapish paihuanmi casha. Paica achcatami p'ucunga. Ñucamanta ch'icanyashpaca, imata mana rurai tucunguichijchu.

Juan 6:56

Maijanpish ñuca aichata micujca, ñuca yahuarta ubyajca ñucahuanmi, ñucapish paihuanmi cani.

Romanos 8:1

Cunanca Cristo Jesushuan shujlla cajcunapajca jatun llaquiman cachanaca manataj tiyanchu. Paicunaca aicha munaita mana rurashpa, Espiritupaj munaita rurashpa causajcunami.

1 Corintios 1:30

Diosmi cancunataca, Cristo Jesushuan shujllata rurarca. Cristotamantami Diosca yachaj cachun, justificashca cachun, jucha illajta rurashca cachun, randishpa quishpichishca cachun churarca.

2 Corintios 5:17

Chaimanta maijanpish Cristopi cajca, tucuita mushujyachishcamanta mushujmi. Ñaupa ima shina cashcaca ña chingarircami, cunanca tucuita mushujyachishcami.

2 Corintios 5:21

Cristotaca mana juchayuj cajpipish, Diosca ñucanchijmantami juchayujta rurarca. Cristomanta ñucanchijca, Dios munashca shina cashcata rurajcuna cachunmi chashnaca rurarca.

Santiago 2:22

Paica chashna rurashpami crishcataca ricuchishca. Pai crishcapish allicunata rurashcahuan tandalla cashpa ashtahuan alli tucushcataca ¿manachu ricungui?

1 Juan 3:24

Dios mandashcacunata cazujca paihuanca shuj shinallami causan. Diospish paihuanca shuj shinallami. Chaitaca pai cushca Espíritu ñucanchijpi causacushcamantami yachanchij.

1 Juan 4:17

Jesucristo cai pachapi causacushpa ima shina c'uyaj cashca shinallataj ñucanchijpish c'uyashpa causashpaca, imalla rurashcata Dios ricuchicui punllapica imata mana manchashunchu.

1 Juan 4:18

C'uyai tiyajpica, ima manchai mana tiyanchu. Ashtahuanpish c'uyaica manchaita anchuchijmi. Manchaica llaquipimi churan. Maijanpish manchajca, c'uyana cashca shinatajca manaraj c'uyanchu.

1 Juan 5:2

Pai mandashcacunata cazushpa, paipaj huahuacunata c'uyashpami Diosta c'uyacushcataca yachanchij.

1 Juan 5:20

Ashtahuanpish Diospaj Churi shamushcatami yachanchij. Paimari mana llullaj Diosta rijsi tucunata curca. Chaimantami paipaj mana llullaj Churi Jesucristohuan shujlla canchij. Paimi mana llullaj Dios, huiñai causaitapish cuj.

2 Juan 1:6

C'uyajtajca Dios mandashcacunata cazunami. Callarimanta cancuna uyashca shinallataj Dios mandashca shina caishuj chaishuj c'uyanacushpa causanami.

Apocalipsis 12:17

Chashna rurajpimi, dragonca chai huarmihuan ashtahuan p'iñarishpa chai huarmipaj saquirishca huahua huahuacunahuan jatunta macanacugrirca. Paicunaca, Dios mandashcata alli cazujcunami. Jesucristomanta huillashcatapish alli catijcunami.

Apocalipsis 14:12

Chashna cana cashcamanta Diospajlla cajcunaca Dios mandashcata cazushpa, Jesusta crishpa catijcunaca mana p'iñarishpa caticunallami.