1 Juan 2:4 - Dios Rimashca Shimicunami

⁴ Maijanpish: “Ñucaca Diosta rijsinimi” nishpapish, pai mandashcacunata mana cazushpaca, llullanllami. Mana llullajca paipica mana tiyanchu.

Mushuj Testamento Diospaj Shimi

⁴ Maijanpish: «Ñucaca, Diosta rijsinimi» nishpapish, Pai mandashcacunata mana pajtachishpaca, llullallami. Cashcatataj yachachishcataca, manaraj entendishcachu.

1 Juan 2:4 Iomraidhean Croise

Juan 8:44

Cancunapaj yayaca diablomari. Paipaj munaillatami rurashun ninguichij. Paica callarimanta huañuchijmi, yallitaj jatun llullami. Tucui pai nishcacunaca llullami. Llullashpaca pai ima shina cashca shinallatajmi llullan. Llullata callarichij cashcamanta llullapaj yayami.

Tito 1:10

Achcacunami mana cazujcuna, yangata rimajcuna, umajcunapish tiyanraj. Ashtahuantajca circuncisionta rurachishcacunami chashnacunaca.

Tito 1:16

Diostaca rijsinchijmi nincunami. Ashtahuanpish rurashcacunahuanca Diosta mana rijsij cashcatami ricuchincuna. Millananacuna, mana cazujcuna cashpami, ima allita ruranapajca mana alli cashcata ricuchincuna.

1 Juan 1:10

Mana juchallishcanchijchu nishpaca, Diostami llullata ruranchij. Diosta llullata rurajcuna cajpica, paipaj Shimica mana ñucanchijpichu.

1 Juan 1:6

Paihuan shujllami canchij nishpapish, amsapi puricushpaca llullanchijmi. Mana llulla Shimipi nishcataca mana ruranchijchu.

1 Juan 1:8

Mana juchata charinchijchu nishpaca, ñucanchijllatajmi umarinchij. Chashna nishpaca llullanchijmi.

1 Juan 2:3

Pai mandashcacunata cazushpami, paita rijsishpa causacushcata yachanchij.

1 Juan 2:9

Maijanpish luzpimi cani nishpapish paipaj huauquita p'iñajca, amsapirajmi.

1 Juan 3:6

Maijanpish Jesushuan shujlla tucushcapi caticujca mana juchallinchu. Maijanpish juchallijca paitaca mana ricushcachu, mana rijsishcapishchu.

1 Juan 4:20

Maijanpish: “Ñucaca Diostami c'uyani” nishpapish, paipaj huauquita p'iñajca llullami. Chaimanta maijanpish ricushca huauquita mana c'uyajca ¿ima shinataj mana ricushca Diostacarin c'uyangari?

1 Juan 4:7

C'uyashcacuna, Dios c'uyaita cushcamanta caishuj chaishuj c'uyanacushunchij. Maijanpish c'uyajca Diosmanta huacharishcami, Diostapish rijsinmi.