1 Juan 2:3 - Dios Rimashca Shimicunami

³ Pai mandashcacunata cazushpami, paita rijsishpa causacushcata yachanchij.

Mushuj Testamento Diospaj Shimi

³ Dios mandashcacunata caźuj cashpami, Paita rijsij cashcataca ñucanchijllataj yachai tucunchij.

1 Juan 2:3 Iomraidhean Croise

SALMOS 119:32

Quiquin mandashcacunapimi callpashpa purisha. Ñuca shunguta quiquin cushichijpimi chashna purisha.

SALMOS 119:6

Quiquin imalla mandashcaca tucui quiquin mandashcataj cashcata entendishpaca ñucaca mana pingachishca cashachu.

ISAÍAS 53:11

Paipaj alma llaquita apashcamanta p'ucushca granota ricushpaca cushicushpami saquiringa. Paicuna mana allita rurashcataca pai aparishpami, cashcata ruraj ñucapajta rurajca pai yachaj cashcahuan achcacunata justificanga.

Lucas 6:46

“¿Ima nishpataj manapish ñuca nishcata rurashpa ñucataca: “Mandaj Jesús, Mandaj Jesús” ninguichigari?

Juan 14:15

Ñucata c'uyashpaca, ñuca mandashcacunata ruraichij.

Juan 15:10

Ima shinami ñuca Yaya mandashcacunata cazushpa paipaj c'uyaihuan shujlla cani, shinallataj cancunapish ñuca mandashcacunata cazushpa ñuca c'uyaihuan shujlla catichij.

Juan 15:14

Ñuca ima shina mandashca shinatataj rurashpaca, ñucahuan alli apanacujcunami canguichij.

Juan 17:3

Huiñai causaita charinapajca: Quiquinlla shujlla Taita Diostaj cashcata crina. Jesucristotapish quiquin cachajpi shamushca cashcata crinami.

2 Corintios 4:6

Amsata achijyachi nishpa luzta mandaj Diosmi, ñucanchij shungupica achijyachij luzta churarca. Jesucristopaj ñahuipi Dios sumaj cashca ricurishcata alli yachashpa shujtajcunaman yachaj chayachichunmi chashna rurarca.

Hebreos 5:9

Chashna tucuita pajtachij cashpami, paita tucui cazujcunapajca huiñaipaj Quishpichij tucurca.

1 Juan 2:13

Yayacuna, callarinapaj ña tiyajta rijsijpimi, cancunamanca quillcani. Q'uipa huiñaicuna, diablota mishajcuna cajpimi, cancunamanca quillcani. Huahuacuna, Diosta rijsijcuna cajpimi, cancunamanca quillcani.

1 Juan 3:14

Huauquicunata c'uyashpami, huañushca cashca cashpapish, causaiyuj tucushcata yachanchij. Maijanpish paipaj huauquita mana c'uyajca, huañushcallatajmi.

1 Juan 3:19

Chashna rurashpami, mana llullapaj cashcataca yachanchij. Ñucanchij shungupish Diospaj ñaupajpica allitaj cashcatapish yachanchijmi.

1 Juan 3:6

Maijanpish Jesushuan shujlla tucushcapi caticujca mana juchallinchu. Maijanpish juchallijca paitaca mana ricushcachu, mana rijsishcapishchu.

1 Juan 4:13

Paipaj Espirituta ñucanchijman cushcamantami, Diosca ñucanchijhuan, ñucanchijpish paihuan shujlla caticushcataca yachanchij.

1 Juan 4:7

C'uyashcacuna, Dios c'uyaita cushcamanta caishuj chaishuj c'uyanacushunchij. Maijanpish c'uyajca Diosmanta huacharishcami, Diostapish rijsinmi.

1 Juan 5:19

Ñucanchijca Diospaj huahuacuna cashcatami yachanchij. Cai pachapi millaita rurajcunaca diablopaj ucupimi.

1 Juan 5:2

Pai mandashcacunata cazushpa, paipaj huahuacunata c'uyashpami Diosta c'uyacushcataca yachanchij.

1 Juan 5:3

Diosta c'uyacushcataca pai mandashcacunata cazushpami ricuchina. Pai mandashcacunata cazunaca mana sinchichu.

Apocalipsis 12:17

Chashna rurajpimi, dragonca chai huarmihuan ashtahuan p'iñarishpa chai huarmipaj saquirishca huahua huahuacunahuan jatunta macanacugrirca. Paicunaca, Dios mandashcata alli cazujcunami. Jesucristomanta huillashcatapish alli catijcunami.

Apocalipsis 14:12

Chashna cana cashcamanta Diospajlla cajcunaca Dios mandashcata cazushpa, Jesusta crishpa catijcunaca mana p'iñarishpa caticunallami.

Apocalipsis 22:14

Causaita cuj yuramanta japinata charingapaj, puebloman pungucunata yaicungapajpish churanacunata tajshajcunaca alli nishcacunami.