1 Juan 2:29 - Dios Rimashca Shimicunami

²⁹ Cristoca Dios munashcata ruraj cashcataca yachanguichijmi. Chaimanta maijanpish Dios munashcata ruraj cajpica, Diosmanta huacharishca cashcata yachaichij.

Mushuj Testamento Diospaj Shimi

²⁹ Jesucristotaca cashcata ruraj cashcatami rijsinguichij. Shinallataj pipish cashcata ruraj cashpaca, Diospaj huahua cashpa chashna cashcata yachaichij.

1 Juan 2:29 Iomraidhean Croise

JEREMÍAS 13:23

Etiopía llajta runaca, mana yuraj aicha tucui tucunchu. Leopardopish, muru millmataca mana shujtajyachi tucunchu. Chai shinamari cancunapish, millaita ruranapi aichayashcamantaca, manataj ima allita ruranaman tigrari tucunguichij.

ZACARÍAS 9:9

Siónpi causajcunalla, achcata cushicuichigari. Jerusalenpi causajcunalla, cushicushpa caparichigari. Cancunapajmanmi jatun mandajca shamunga. Paica cashcata rurajpish, quishpichijpishmi canga. Jatun mandajca, alli shungumi. Burropi tiyarishcami shamunga, aparij burropaj huahua, malta burropimi paica tiyarishpa shamunga.

Juan 1:13

Taita Diospaj huahua tucungapajca mana huahuacuna huacharij shina aicha munaimanta, c'arita munashcamantachu huacharirca. Ashtahuanpish Taita Diospaj munaimantami huacharirca.

Juan 7:18

Maijanpish paipaj quiquin yuyaillamanta huillajca, shujtajcuna paita alli nichunllami munan. Ashtahuanpish paita cachaj Yayata jatunyachichun huillacujca mana llullachu, mana ñahuita ricushpalla imatapish rurajchu.

Hechos 10:35

Maijan llajtapi causaj cashpapish Taita Diosta manchashpa allita rurajtami Taita Diosca alli nin.

Hechos 22:14

Chaimi paica cashna nirca: “Ñucanchij ñaupa yayacunapaj Taita Diosmi pai munashcata rijsichun, pai cachashca Cashcata Ruraj rimashcatapish uyachun cantaca ñaupaman agllashca.

Hechos 3:14

Cancunaca ima Jucha Illaj, Cashcata Rurajtaraj mana cacharichishpami, huañuchij runataraj cacharichun mañarcanguichij.

2 Corintios 5:21

Cristotaca mana juchayuj cajpipish, Diosca ñucanchijmantami juchayujta rurarca. Cristomanta ñucanchijca, Dios munashca shina cashcata rurajcuna cachunmi chashnaca rurarca.

Hebreos 7:2

Abrahamca macanacushpa tucui japishcacunamantaca chungamanta shujtami Melquisedecmanca cushca. Melquisedec nishpaca puntaca: “Cashcata ruraj Jatun Mandaj” nisha ninmi. Shinallataj: “Salem llajtata Jatun Mandaj” nishcapish, “Sumaj causaiyuj Jatun Mandaj” nisha ninmi.

Hebreos 7:26

Chashna curacunata jatun pushaj curami ñucanchijpajca minishtirirca. Paica: Jucha illaj, millaita ruranata mana yachaj, mapa illaj, juchayujcunamanta ch'icanyashca, jahua pachacunamanta jahuaman jatunyachishpa churashcami.

Santiago 1:18

Pai munashcamantami mana llulla shimimanta pai rurashcacunapaj punta p'ucushca grano shina cachun, ñucanchijtaca mushujyachirca.

1 Pedro 1:23

Cancunaca huañujlla yayamantaca, mana cutin huacharishcanguichijchu. Ashtahuanpish huiñaita causaj, mana tucurij Diospaj Shimita uyashcamantaca, mana huañuj yayamantami huacharishcanguichij.

1 Pedro 1:3

Ñucanchijta Mandaj Jesucristopaj Dios Yayataca, alli nishca cachun. Paica, ñucanchijta jatunta llaquij cashcamantami huañushcacunapaj chaupimanta Jesucristota causachishpa, huiñaita causagrina yuyailla cachun, ñucanchijtaca cutin huacharichirca.

1 Pedro 3:18

Chashnami Cristoca juchayujcunamanta shuj cutinlla llaquita aparca. Paica cashcata ruraj cashpapish, juchayujcunata Diospajman pushangapajmi chashna tucurca. Aichapica huañurcami, ashtahuanpish Espiritupica causachishcami carca.

2 Pedro 1:4

Chashnami tucuita yalli valij, jatun cushami nishcacunataca ñucanchijman cushca. Chaicunahuanca cai pachapi ismuchicuj millai munaicunamanta anchushpa, Dios ima shina caj shinallataj cachunmi chashna rurashca.

1 Juan 2:1

Ñuca huahuacunalla, cancuna ama juchallichunmi caicunata quillcani. Shina cashpapish maijan juchallishpaca, ñucanchijmanta Yayahuan rimajtami charinchij. Paica cashcata ruraj Jesucristomi.

1 Juan 3:5

Jesucristoca, ñucanchij juchacunata anchuchingapaj shamushcataca yachanguichijmi. Paica mana juchayujchu mana juchallingapishchu.

1 Juan 3:7

Huahuacuna, cancunataca pi ama umachun. Maijanpish cashcata rurajca, Cristo cashcata ruraj shinallataj cashcata rurajmi.

1 Juan 4:7

C'uyashcacuna, Dios c'uyaita cushcamanta caishuj chaishuj c'uyanacushunchij. Maijanpish c'uyajca Diosmanta huacharishcami, Diostapish rijsinmi.

1 Juan 5:1

Jesustaca Cristo cashcata maijanpish crijca, Diosmanta huacharishcami. Diosta maijanpish c'uyajca, paipaj huahuacunatapish c'uyanmi.

1 Juan 5:18

Diosmanta maijanpish huacharishca cajca, juchata mana rurashpa catij cashcataca yachanchijmi. Paitaca Diospaj huahua cajpimi huaquichin. Diabloca paipica mana tuparinchu.

1 Juan 5:4

Diosmanta maijanpish huacharishca cajca, cai pachapi millaita ruranataca mishanmi. Cai pachapi millaita ruranataca, Jesusta crishcami mishachin.

3 Juan 1:11

C'uyashca huauqui, millaita rurajtaca ama catishpa rurangui. Ashtahuanpish allita rurangui. Maijanpish allita rurajca Diospajmi, maijanpish millaita rurajca Diostaca manaraj ricushcachu.