1 Juan 2:27 - Dios Rimashca Shimicunami

²⁷ Ashtahuanpish Jesucristomanta chasquishca Espirituca cancunapimi causacun. Chaimanta pi shujtaj yachachijtaca mana minishtinguichijchu. Cancunapi caj Espiritullatajmi, tucui imatapish yachachin. Paica cashcatataj, mana llullashpami yachachin. Pai yachachishca shina Jesucristohuan shuj shinalla catichij.

Mushuj Testamento Diospaj Shimi

²⁷ Shina cajpipish, cancunaca Jesucristo cushca Espiritutami chasquircanguichij. Chaimanta mana pi shujtaj yachachijta charina tucunguichijchu. Cancunaman cushca Espiritumi cashcatataj tucuita yachachicun. Shina cajpica, Diospaj Espíritu yachachicushca shinallataj Jesucristohuan causaichijlla.

1 Juan 2:27 Iomraidhean Croise

PROVERBIOS 28:5

Millai shungu runacunaca cashcata ruranataca mana yachancunachu. Ashtahuanpish Mandaj Dios yuyailla causajcunaca, chaita ruranataca tucuitami yachan.

LEVÍTICO 7:35

Mandaj Diosman cushpa rupachingapaj cushcacunaca Aaronpajpish, paipaj churicunapajpish japina cashcata japinami canga. Chaitaca Mandaj Diosllataj paipajta ruraj curacuna cachun ch'icanchishpa churai punllamantami paicuna japijcuna carca.

NÚMEROS 7:43

Paipish caicunatami curca: 130 siclota pezaj shuj cullqui platota, canchis chunga siclota pezaj shuj cullqui jarrotami curca. Chaicunapish Diospaj carpa huasipi cullquita pezanapi pezashcami carca. Chaquishca granota Diosman cunataca chai ishquindijpipish tucuimanta yalli alli cutata aceitehuan chapushca jundallahuantajmi curca.

Mateo 13:11

Shina nijpi Jesusca: –Taita Dios mandagrin, pi mana yachashca pacalla cajtaca, cancunamanmi ricuchishca. Ashtahuanpish paicunamanca, chaitaca mana ricuchishcachu.

Juan 14:16

Shujtaj cushichijta cancunaman cuchun ñuca Yayata mañashami. Chai cushichijca huiñaitami cancunahuan canga.

Juan 14:17

Chai Espirituca imatapish chaitataj yachachijmi. Chai Espiritutaca cai pachapaj cajcunaca mana ricushcamanta, mana rijsishcamanta mana chasqui tucunchu. Ashtahuanpish cancunaca paitaca cancunapi causashcamanta rijsinguichijmi. Paica cancunapica causacungallami.

Juan 14:26

Ñuca Yayaca cancunata Cushichij cachun, paipaj jucha illaj Espirituta ñucapaj randi cachangami. Paimi cancunataca tucuita yachachinga, ñuca cancunaman tucui imalla yachachishcatapish cutin yuyachingami.

Juan 16:13

Imatapish chaitataj huillaj Taita Diospaj Espíritu shamushpami, cancunataca ima shina cashcatataj yachachinga. Paipaj quiquin yuyaimantaca mana rimangachu. Ashtahuanpish tucui imalla uyashcatami rimanga. Shamuj punllacunapi imalla tucuna cashcatapishmi yachachinga.

Juan 4:14

Maijanpish ñuca cushca yacuta ubyajca, manataj yacunachingachu. Ñuca cushca yacuca huiñai causaita cushpa huiñaita llujshicungallami– nijpimi,

Juan 6:45

Profetacunata Quillcachishcapica: “Taita Diosmi tucuicunata yachachinga” ninmi. Chashna nishca shinallatajmi ñuca Yayata uyashpa, pai yachachishcata yachajcunaca tucuicuna ñucata cringacuna.

1 Corintios 2:12

Ñucanchijca mana cai pachapaj espiritutachu chasquircanchij, ashtahuanpish Diosmanta shamuj Espiritutamari, Dios cushcacunata yachangapaj chasquircanchij.

1 Corintios 2:13

Caicunataca mana gentecunapaj yachaita yachachishca shimicunahuanchu rimanchij. Ashtahuanpish Espíritu yachachishca shina, allichishpami Diospajllata rimanchij.

2 Corintios 1:21

Diosmi ñucanchijtapish, cancunatapish, Jesucristopi shujllata rurarca. Diosca paipaj Espirituta churashpami,

Efesios 4:21

Cancunaca Jesuspi tiyaj, mana llullatataj paimanta yachachishcata uyashcataj cashpaca, mana chashnachu cana canguichij.

Colosenses 2:6

Chaimanta ima shinami Mandaj Jesucristota chasquircanguichij, chai shinallataj paihuan shuj shinalla purichij.

1 Tesalonicenses 2:13

Taita Diospaj Shimita cancunaman ñucanchij huillajpi uyashpaca, mana runacunapaj shimita shinallachu chasquircanguichij. Ashtahuanpish Taita Diospaj Shimitaj cashcatami chasquircanguichij. Chaimi crij cancunapica rurachicun. Chaimantami ñucanchijca mana samashpa, Taita Diostaca pagui nicunchijlla.

1 Tesalonicenses 4:9

Taita Dios yachachijpimi cancunallataj caishuj chaishuj c'uyanacunataca yacharcanguichij. Chaimi cancunamanca, huauquicunapura c'uyanacunami canguichij nishpaca mana quillcani.

1 Timoteo 2:7

Chaita huillachun churashca apostolmi cani. Mana judiocunaman mana llulla crinata yachachij cachun churashcami cani. Chaitami Cristomantaca, mana llullashpa huillani.

1 Pedro 1:23

Cancunaca huañujlla yayamantaca, mana cutin huacharishcanguichijchu. Ashtahuanpish huiñaita causaj, mana tucurij Diospaj Shimita uyashcamantaca, mana huañuj yayamantami huacharishcanguichij.

1 Juan 2:28

Cunanca huahuacuna, pai ricurijpi ama manchashpa ñahui ñahui ricuringapajca, paihuan shuj shinalla catichijlla.

1 Juan 3:24

Dios mandashcacunata cazujca paihuanca shuj shinallami causan. Diospish paihuanca shuj shinallami. Chaitaca pai cushca Espíritu ñucanchijpi causacushcamantami yachanchij.

2 Juan 1:2

Mana llullata ñucanchij shungupi charishcamantami c'uyanchij. Chai c'uyaica huiñaipajmi ñucanchijhuan canga.