1 Juan 2:25 - Dios Rimashca Shimicunami

²⁵ Ñucanchijman pai cusha nishcaca huiñai causaimi.

Mushuj Testamento Diospaj Shimi

²⁵ Jesucristoca huiñai causaitamari, ñucanchijmanca cusha nirca.

1 Juan 2:25 Iomraidhean Croise

DANIEL 12:2

Chai punllacunapica huañushcacunapish causachishcami canga. Shujcunaca huiñai causaipajmi causachishca canga. Caishujcunaca huiñaita pingaichishca, muspachishca cangapajmi causachishca canga.

Lucas 18:30

cunan punllacunapish ashtahuan achcatami chasquinga. Shamuj punllapicarin huiñai causaitami chasquinga. Chaica chashnatajmi– nircami.

Juan 10:28

Ñucaca paicunamanca huiñai causaitami cuni, manataj chingaringacunachu. Ñuca maquimantaca, pi mana quichungachu.

Juan 12:50

Pai mandashcaca, huiñai causaipaj cashcataca yachanimi. Chaimi ñuca rimashpaca, ñuca Yaya ñucata mandashca shinallataj rimani” nircami.

Juan 3:15

Pipish paita crijca ama chingarishpa, ashtahuanpish huiñai causaita charichunmi chashnaca tucunga.

Juan 5:39

Quillcachishcacunata yachashpami huiñai causaita charishun yuyanguichijmi. Chai Quillcallatataj callarishpa alli ricuichij. Chai Quillcachishcacunaca ñucamantamari huillacun.

Juan 6:27

Chingarijlla micunataca ama mashcaichijchu, ashtahuanpish mana tucurij huiñai causaipaj micunata mashcaichij. Chaitaca, Runa Aichayujmi cancunamanca cunga. Chaita cuj cachunca, Dios Yayami churarca– nircami.

Juan 6:40

Ñucata cachaj Yayapaj munaica caimi: Maijanpish Churita ricushpa paita crijca, huiñai causaita charichunmi munan. Tucuri punllapica ñucami paicunataca causachisha– nircami.

Juan 6:47

Pipish ñucata crijca, huiñai causaita charintajmi. Chaica chashnatajmi.

Juan 6:54

Maijanpish ñuca aichata micujca, ñuca yahuarta ubyajca, huiñai causaitami charin. Paicunataca tucuri punllapica causachishami.

Juan 6:68

Simón Pedroca: –Mandaj Jesús ¿pipajmantaj rishunri? Canmari huiñai causaita cuj shimicunataca charingui.

Romanos 2:7

Taita Dios allicunata cuj cashcata yachashpa, chaita shuyashpa allicunata rurajman, huiñai causaita charishcamanta allita rurajtaca huiñaita paihuan causachunmi saquinga.

Romanos 5:21

Ima shinami juchaca huañuiman apangapaj mandacurca, chai shinallatajmi ñucanchij Mandaj Jesucristomantaca, mana c'uyaipajta c'uyaipish justificashcacunataca huiñai causaita cushpa huiñaipaj mandanga.

Romanos 6:23

Juchaca huañuitami cun. Ashtahuanpish Taita Dios c'uyashpalla cushcaca, ñucanchij Mandaj Cristo Jesuspi huiñai causaimi.

Gálatas 6:8

Maijanpish quiquin aichapaj tarpujca, aichamantaca ismujllatami tandanga. Ashtahuanpish Espiritupaj tarpujca, Espiritumantaca huiñai causaitami tandanga.

1 Timoteo 1:16

Chashna cajpipish Diosmari ñucataca llaquishpa chasquirca. Dios llaquij cashcatami, Jesucristoca ñucapi ricuchirca. Ñuca ima shina cajta ricushpa, q'uipata crina cajcuna huiñai causaita charichunmi chashna rurarca.

1 Timoteo 6:12

Achcacunapaj ñaupajpi crishcata ricuchishcamantaca, crishcapica alli macanacushpa huiñai causaita chasquingacama alli catirai. Chaipaj Taita Dios cayashcami carcangui.

1 Timoteo 6:19

Shamuj punllapi achcata charij cangapajca, chashna huaquichishpami huiñai causaita chasquishpaca cushicungacuna.

Tito 1:2

Ñucanchijca huiñai causaiyuj cashca yuyaillami canchij. Mana llullaj Diosca, chai causaitaca manaraj cai pachapi ima tiyajpimi cusha nirca.

Tito 3:7

Chashnami Diosca mana c'uyaipaj cajpipish c'uyashpa, justificashpa chasquirca. Chaimantami ñucanchij japina cashca huiñai causaitaca, chai yuyailla shuyacunchij.

1 Juan 1:2

(Chai causaiyujta ricuchijpimi, ñucanchijca ricurcanchij. Chaitami huillacunchij. Paica Yayahuanmi carca. Paita ñucanchijman ricuchijpimi, chai huiñai causaiyujmanta cancunamanca huillacunchij).

1 Juan 5:20

Ashtahuanpish Diospaj Churi shamushcatami yachanchij. Paimari mana llullaj Diosta rijsi tucunata curca. Chaimantami paipaj mana llullaj Churi Jesucristohuan shujlla canchij. Paimi mana llullaj Dios, huiñai causaitapish cuj.

Judas 1:21

Ñucanchijta Mandaj Jesucristo c'uyashpa cushca huiñai causaita shuyacushcataca pai cungacama Taita Diospaj c'uyaipi catiraichij.