1 Juan 2:24 - Dios Rimashca Shimicunami

²⁴ Callarimanta imatami cancuna uyarcanguichij, chaica cancunapi catichun. Callarimanta uyashca cancunapi catijpica cancunapish Churihuan, Yayahuan shujllami canguichij.

Mushuj Testamento Diospaj Shimi

²⁴ Cancunaca, callarimanta uyashcata shungupi alli huaquichichij. Callarimanta imalla uyashcata shungupi huaquichishca cashpaca Churihuanpish, Yayahuanpish shujllami canguichij.

1 Juan 2:24 Iomraidhean Croise

SALMOS 119:11

Ama juchallishpa quiquinta p'iñachingapajca quiquin imalla nishcacunataca ñuca shungupimi huaquichircani.

PROVERBIOS 23:23

Mana llullaj shimitapish, alli yachaitapish, alli yuyaitapish yachachishcataca randishpa ama tigra c'atungui.

Lucas 1:2

Callarimanta quiquin ñahuihuantaj ricushpa alli huillaita huillajcunami, ñucanchijmanca ima shina cashcatataj alli yachachirca.

Lucas 9:44

–Cai ñuca huillashcata alli uyaichij. Pajta cungaringuichijman. Runa Aichayujtaca gentecunapaj maquipimi entreganga– nirca.

Juan 14:23

Shina nijpi Jesusca, cashnami nirca: –Ñucata c'uyajca, ñuca huillashca Shimitaca cazungami. Ñuca Yayaca paita c'uyangami. Paipajman shamushpa paihuan causashunmi.

Juan 15:7

Cancuna ñucahuan shuj shinalla catijpica, ñuca Shimicunapish cancunahuan shuj shinallami canga. Chashna cashpa cancuna imatapish ñuca Yayata mañajpica paica cungallami.

Juan 6:56

Maijanpish ñuca aichata micujca, ñuca yahuarta ubyajca ñucahuanmi, ñucapish paihuanmi cani.

Juan 8:25

Chashna nijpimi: –Canca ¿pitaj cangui?– nijpi Jesusca: –Ñuca pi cashcataca callarimantami cancunamanca ña huillarcani.

Filipenses 4:15

Filipos crijcuna cancunallataj yachanguichijmi. Alli huillaita huillai callarijpi, Macedoniamanta rigrijpipish shujtaj llajtapi tandanacushca crijcunaca, paicuna chasquishcamanta ñucaman cuna cashcataca mana curcacunachu. Ashtahuanpish cancunallami curcanguichij.

Colosenses 3:16

Cancunapaj shungupica, Cristo rimashca shimicuna junda tiyachun. Tucui yachashcahuan, caishuj chaishuj yachachinacuichij animachinacuichij. Cancunaca shungumanta salmocunata, himnocunata, Diospaj cantocunata Mandaj Jesusta pagui nishpa cantaichij.

Hebreos 2:1

Chaimanta ñanta chingachij shina ama pandaringapaj ñucanchij imata uyashcataca ashtahuan chai yuyailla catirashunchij.

Hebreos 3:14

Cristohuan japijcunata rurashcacunami canchij. Chaimanta callaripi shunguta churashpa sinchi, caticushcataca tucuringacama caticunallami canchij.

1 Juan 1:3

Cancunapish ñucanchijhuan shujlla cachunmi, imata ricushcata, uyashcataca chaitataj huillacunchij. Ñucanchijca Yayahuan, paipaj Churi Jesucristohuanmi shujlla canchij.

1 Juan 1:7

Diosca luzpi cashca shinallataj ñucanchijpish luzpi causashpaca, caishuj chaishujhuan shuj shinallami canchij. Paipaj Churi Jesucristopaj yahuarmi, ñucanchij tucui juchacunataca p'ichan.

1 Juan 2:7

Huauquicuna, mana shujtaj mushuj mandashcatachu cancunamanca quillcani. Ashtahuanpish callarimanta cancuna charishca ñaupa mandashcallatatajmi quillcani. Chai mandashcatami callarimanta uyarcanguichij.

1 Juan 3:24

Dios mandashcacunata cazujca paihuanca shuj shinallami causan. Diospish paihuanca shuj shinallami. Chaitaca pai cushca Espíritu ñucanchijpi causacushcamantami yachanchij.

1 Juan 4:13

Paipaj Espirituta ñucanchijman cushcamantami, Diosca ñucanchijhuan, ñucanchijpish paihuan shujlla caticushcataca yachanchij.

1 Juan 4:15

Dios paipi causacujpi paipish Diospi causacushpallami, Jesustaca Diospaj Churimi nishpami huillai tucun.

1 Juan 4:16

Chaimantami Dios ñucanchijta c'uyashcataca yachanchij, crinchij. Diosca c'uyajmi. Maijanpish c'uyajca Dioshuan shujllami, Diospish paihuanca shujllami.

2 Juan 1:2

Mana llullata ñucanchij shungupi charishcamantami c'uyanchij. Chai c'uyaica huiñaipajmi ñucanchijhuan canga.

2 Juan 1:9

Cristomanta yachachishcapi mana catirashpa maijanpish chingachijca, Diostaca mana charinchu. Cristomanta yachachishcapi maijanpish catirajmi Yayatapish, Churitapish charin.

3 Juan 1:3

Huauquicuna shamushpa, mana llullapi can ima shina puricujta, ima shina cashcatataj huillajpimi, ñucaca achcata cushicurcani.

Apocalipsis 3:11

Ñami shamusha. Can japina coronata pi ama quichuchun, can imata charicushcataca alli charirai.

Apocalipsis 3:3

Can imalla yachashcata, uyashcataca yuyari. Cai nishcata cazushpa mana alli ruracushcata saquishpa cutiri. Mana chashna rurajpica, can mana yuyashcapimi shuhua shina cambajmanca shamusha.