1 Juan 2:21 - Dios Rimashca Shimicunami

²¹ Cancuna mana llullata mana rijsijcuna cajpica mana quillcaimanchu carcani. Ashtahuanpish rijsijcuna cajpimi quillcani. Mana llullamantaca llullaca manataj llujshi tucunchu.

Mushuj Testamento Diospaj Shimi

²¹ Cashcatataj yachachishca cai shimicunata mana yachajpi, yachachun nishpaca mana quillcanichu. Ashtahuanpish cashcatataj yachanataca cancunallataj yachanguichijmi. Chaimantami cancunamanca quillcani. Cashcatataj yachachishca shimicunamantaca ima llulla mana llujshinchu.

1 Juan 2:21 Iomraidhean Croise

PROVERBIOS 1:5

Yachaisapa runa caita uyashpaca, ashtahuan yachajmi tucunga. Yuyaisapa runapish cunashcata chasquingami.

Juan 18:37

Chaimi Pilatoca: –Shinashpaca canca ¿jatun Mandajchu cangui?– nijpi, Jesusca: –Canllatajmari ñucataca jatun Mandaj ningui. Ñucaca chaipajllatajmi cai pachaman shamushpa huacharircani. Mana llullata huillangapajmi shamurcani. Ñuca huillashcataca mana llullapaj cajcunallami uyancuna– nirca.

Juan 8:44

Cancunapaj yayaca diablomari. Paipaj munaillatami rurashun ninguichij. Paica callarimanta huañuchijmi, yallitaj jatun llullami. Tucui pai nishcacunaca llullami. Llullashpaca pai ima shina cashca shinallatajmi llullan. Llullata callarichij cashcamanta llullapaj yayami.

Santiago 1:19

Chaimanta ñuca c'uyashca huauquicuna, imatapish uyanataca alli uyaichij. Manaraj alli yuyarishpaca ama rimaichijchu, ama utca p'iñarichijchu.

2 Pedro 1:12

Chaimantami cancunataca caicunata ña yachashca cajpipish, mana llullata cunan yachashpa sinchiyashca cajpipish, caicunata yuyachinataca ñucaca manataj saquishachu.

1 Juan 3:19

Chashna rurashpami, mana llullapaj cashcataca yachanchij. Ñucanchij shungupish Diospaj ñaupajpica allitaj cashcatapish yachanchijmi.

Judas 1:5

Cancuna yachashca cajpipish, caitami yuyachisha nini. Jatun Diosca, Egiptomanta israelcunata llujshichishca cashpapish, paicunapurapi paita mana crijcunataca huañuchircami.