1 Juan 2:18 - Dios Rimashca Shimicunami

¹⁸ Huahuacuna, ñamari tucuri punllacuna. Cancunaca Cristota p'iñaj shamunga nijtami uyarcanguichij. Chashnallatajmi cunanca Cristota p'iñajcunaca, achcacuna ricurishca. Chaimantami tucuri punllacuna cashcata yachanchij.

Mushuj Testamento Diospaj Shimi

¹⁸ Cʼuyashca huahuacuna, ñamari tucuri punllacuna chayamushca. ‘Cristota pʼiñashpa, Cristo tucushpa shamuj tiyangami’ nishcata uyarcanguichijmi. Cancuna uyashca shinallataj ñamari Cristota pʼiñajcunaca achcacuna tiyan. Chaita ricushpami chai tucuri punllacuna ña chayamushcataca yachanchij.

1 Juan 2:18 Iomraidhean Croise

Mateo 24:11

Llulla profetacunapish achcacuna shamushpami, achcacunata umangacuna.

Mateo 24:24

Chai punllacunaca: “Ñucami Cristo cani” nishpa llullajcunapish, profetami canchij nishpa llullajcunapish tiyangami. Chai llullajcunaca jatun ricuchinacunata, milagrocunata rurashpami, umangacuna. Dios agllashcacunatapish crichi tucushpaca crichingacunami.

Mateo 24:5

Achcacunami ñuca shutipi shamushpaca: “Ñucami Cristo cani” nishpa, achcacunata umangacuna.

Marcos 13:6

Achcacunami ñuca shutipi shamushpaca: “Ñucami Cristo cani” nishpa, achcacunata umangacuna.

Juan 21:5

Jesusca paicunataca: –Huahuacuna, ¿imallatapish micungapaj charinguichijchu?– nijpi, paicunaca: –¡Mana imata charinchijchu!– nircacunami.

Romanos 13:11

Cunanca ima punllacuna cashcata yachashcamantaca, ñamari dormicushcamanta jatarina canchij. Ñucanchijta quishpichina punllaca, cri punllapi cashcata yalli c'uchupimari.

Romanos 13:12

Tutaca pacarigrinmari, punllapish chayamugrinmari. Amsapaj ruraicunataca shitashunchij, achijpaj macanacunata churarishunchij.

Hebreos 1:2

Chai tucuipaj q'uipa cunan punllacunapica, paipaj Churitami ñucanchijmanca Diosca huillachirca. Paitami tucui imalla tiyajcunatapish japij cachun churarca. Paillahuantajmi cai pachata, jahua pachata tucui imalla tiyajcunatapish rurarca.

1 Pedro 1:20

Paitaca manaraj cai pachata rurashpami, huañunami nishca carca. Chaitaca cancunata c'uyashcamantami, cai punllacunapi ricuchishca.

1 Pedro 1:5

Cancunaca crishcamantami Diospaj maquipi huaquichishca canguichij. Pai quishpichishcata tucuri punllapi ricuchingacamami chashna huaquichishca canguichij.

1 Pedro 4:7

Tucui imalla tiyajcuna tucurinaca chayamucunmi. Chaimanta alli yuyaiyujcuna caichij. Diosta mañashpa chaparaichij.

2 Pedro 2:1

Judiocunapurapica, llulla profetacunami ñaupapish tiyaj cashca. Cunanpish chashnallatajmi cancunapurapica llulla yachachijcuna tiyanga. Paicunaca tucuchij ch'icanyachij yachaicunatami pacalla yachachingacuna. Paicunata randishpa cacharichij Mandaj Jesustapish paica mana quishpichi tucunchu ningacunami. Chashna rurashpaca, paicunallatajmi jatun llaquipi utca chingaringacuna.

2 Pedro 3:3

Tucuimanta yallica, cashna tucunatami yachana canguichij. Q'uipa punllacunapica paicunapaj quiquin aicha munaicunata rurashpa, chanzata rurajcunami shamungacuna.

1 Juan 2:22

¿Pitaj llulla? Maijanpish Jesusta mana Cristochu nijmi llullaj. Chaimari Cristota p'iñajca. Paica Yayatapish, Churitapish mana tiyashcata rurajmi.

1 Juan 4:1

C'uyashcacuna, cai pachapica achca llulla profetacunami ricurishca. Chaimanta ama tucui huillajcunata crichijllachu, Diospaj Espirituhuanchu nishpa alli ricuichij.

1 Juan 4:3

Jesucristoca mana runa aichayuj tucushpachu shamushca nishpa maijanpish nijca, mana Diospaj espirituhuanchu. Chaica, Cristota p'iñajpaj espirituyujmi. Chai shamuna cashcatami, cancunaca uyarcanguichij. Chaica ñamari cai pachapi.

2 Juan 1:7

Cai pachapica, achca umajcunami ricurishca. Paicunaca Jesucristoca aichayuj tucushpami shamurca nishpaca, mana huillancunachu. Chashna nijcunaca umajcunami, Cristota p'iñajcunami.

Judas 1:18

Paicunaca cancunamanca: “Q'uipa punllacunapica imapish Diospajlla cajcunataca chanzata rurajcunami tiyanga. Paicunaca millai yuyaicunallahuanmi causangacuna” nishcami.