Biblia Todo Logo
Bìoball air-loidhne

- Sanasan -




1 Juan 2:17 - Dios Rimashca Shimicunami

17 Cai pachaca, tucui munaicunandijmi chingaricun. Ashtahuanpish Diospaj munaita rurajca, huiñaitami causanga.

Faic an caibideil Dèan lethbhreac

Mushuj Testamento Diospaj Shimi

17 Cai pachaca tucui millai munaicunandij chingaringallami. Ashtahuanpish Taita Dios munashcata rurajca, huiñaita causacungallami.

Faic an caibideil Dèan lethbhreac




1 Juan 2:17
28 Iomraidhean Croise  

Tucui chaicunaca chingaringallami. Ashtahuanpish quiquinca causacunguillami. Tucui chaicunaca churana shina maucayangallami. Shujtaj churanata churachij shinami rurangui. Chaipimi paicunaca mushujyashca canga.


Quiquinca ñuca Taita Diosmi cangui. Quiquinpaj munaita ruranata yachachihuayari. Quiquinpaj alli Espiritullataj ñucataca ima pandata mana rurajcunapaj llajtaman pushachun.


Alli ricujpica, runapaj causaica llandu shinallami. Imata chai yuyai rurashcapish yangallami. Charinacunataca montonanllami. Pi japina cashcatapish mana yachanchu.


Quiquin p'iñarijpica ñucanchij causaica tucurinllami. Ñucanchij huatacunaca imata yuyaricushca shinalla chingarinllami.


Millai runaca jatun acapana jatarishcahuan, chingarij shina utca chingarinllami. Ashtahuanpish cashcata ruraj runaca, unita causacunllami.


Chai ishquimantaca ¿maijantaj paipaj yaya munashcata rurarca?– nijpi, paicunaca: –Punta churiyari– nircacunami. Chaimi Jesusca: –Impuestota japijcuna, huainayashpa causajcunarajmi, jahua pachamanta Dios mandacujpica paicunaraj punta yaicungacuna. Chaica chashnatajmi canga.


Jahua pachapish, cai pachapish tucuringami. Ashtahuanpish ñuca huillashca shimicunaca manataj tucuringachu.


Ñucata: “¡Mandaj Jesús, Mandaj Jesús!” nijcunaca, Taita Dios mandacunpica mana tucuicuna yaicungacunachu. Ashtahuanpish jahua pacha ñuca Yayapaj munaita rurajcunami, chaimanca yaicungacuna.


Taita Dios munashcata maijanpish cazujcunami ñuca huauqui, ñuca pani, ñuca mamaca– nircami.


Maijanpish ñuca cushca yacuta ubyajca, manataj yacunachingachu. Ñuca cushca yacuca huiñai causaita cushpa huiñaita llujshicungallami– nijpimi,


Cai tandaca jahua pachamanta shamushcami. Cancunapaj ñaupa yayacuna micushca maná shuti tanda shinallaca mana canchu. Paicunaca chaita micushpapish huañurcallacunami. Cai tandata micujca, huiñaitami causanga– nircami.


Maijanpish Taita Diospaj munaita rurasha nijmi, cai ñuca yachachicunca Taita Diospaj cashcata, mana cashpaca ñuca yuyaillamanta rimacushcata yachanga.


Cai pachapaj cajcuna shina rurashpa ama cushicuichijchu. Ashtahuanpish cancunapaj yuyaita mushujyachirashpa, shujtaj causaita causaichij. Chashna cashpami Diospaj munai ima cashcata, ima mana paipaj munai cashcata, ima shina cashcatataj alli agllai tucunguichij.


Shinallataj cai pachamanta cushicujcunaca, mana cushicuj shina cachun. Cai pachamanta cajcunaca ricurishpa chingarijllami.


Chaita uyashca punllamantami, cancunamanta Taita Diosta mañanataca ñucanchijca mana shaicunchij. Taita Diospaj munaita allitaj yachajcanahuan, yachaisapa canahuan, Taita Diosmanta yuyaisapa canahuan cachunpishmi mañacunchijlla.


Cancunapuramanta Cristopajta ruraj Epafraspish, alli cashca cachun ninmi. Paica cancuna tucuipi Taita Dios munashca shina pajtachijcuna, allicunataj, sinchicuna cachunmi Diosta pai mañanapica, mana shaicushpa rogacunlla.


Taita Diosca cancunataca jucha illajlla causachunmi munan: Huainayanamanta anchurichij.


Cristo Jesushuan shujlla cajcunataca, tucui imapipish paita pagui nijcuna cachunmi Taita Diosca munan.


Diospaj munaita ruraj cangapajca, mana p'iñarijmi cana. Chashna cashpami Dios cusha nishcataca japinguichij.


Caya punlla ima tucuna cashcata mana yachashpami chashna ninguichij. ¿Cancunapaj causaica imataj? P'uyu ashacama ricurishpa, ñapish chingarij shinallami.


Cancunaca crishcamantami Diospaj maquipi huaquichishca canguichij. Pai quishpichishcata tucuri punllapi ricuchingacamami chashna huaquichishca canguichij.


Tucui paipaj crij causaipica, mana runacunapaj munaita rurangapaj ashtahuanpish Diospaj munaita rurangapajmi chashna anchurishca.


Lean sinn:

Sanasan


Sanasan