1 Juan 2:16 - Dios Rimashca Shimicunami

¹⁶ (Aicha munaicuna, ñahui ricushpa munanacuna, charinacunahuan jatun tucuna) cai pachapi ima tiyajcunaca, mana Diosmantachu, cai pachamantami shamun.

Mushuj Testamento Diospaj Shimi

¹⁶ Cai pachapi tiyaj millai munaicunapish, ñahuihuan ricushpa munana mana allicunapish, charishcacunahuan jatun tucunapish mana Diosmanta shamunchu, cai pachallamantatajmi shamun.

1 Juan 2:16 Iomraidhean Croise

GÉNESIS 3:6

Chai yurapi p'ucushca granoca micunapaj alli cashcata, paipaj ñahuipica sumaj cashcata, chai yuramanta micushpaca yachaj tucunapaj alli cashcata ricushpami chai yurapi p'ucushcata japishpa micurca. Paipaj cusamanpish carajpimi, paipish paipaj huarmi shinallataj micurca.

GÉNESIS 6:2

Taita Diospaj churicunaca chaicunapaj ushushicunaca sumaj cajta ricushpami tucuimanta yalli sumaj cajcunata agllashpa paicunapaj huarmi cachun japirca.

JOB 31:1

Ñuca ñahuicunahuanca ima mana allita ama ricungapajmi, ari ninacurcanchij. Shina cajpica c'arita mana rijsij huarmitaca, mana ricunachu cani.

SALMOS 73:6

Paicunamanca jatun tucunami coronata churachin. Millaita ruranahuanmi churarin.

SALMOS 78:18

Diostaca paicuna munashcata rurachun nishpami p'iñachircacuna. Paicuna munashca micunatami mañarcacuna.

SALMOS 78:30

Aichata ña shimipi charicushpapish cashtushpa manaraj mishquichijpimi,

PROVERBIOS 27:20

Seolpish, Abadonpish manataj shaicunchu. Chashnallataj runapaj ñahuicunapish manataj shaicunchu.

PROVERBIOS 6:25

Chaicunataca sumaj cajta ricushpapish, pajta shungullapipish munanguiman. Paicunapaj ñahuicunapi pajta inquitaringuiman.

DANIEL 4:30

jatun mandajca cashna nishpa rimarirca: “Babilonia yallitaj jatun pueblotaca ñucamari shayachircani. Mandashpa tiyana huasita chaipi shayachingapajmari ñuca tucuita rurai tucuj fuerzahuan rurarcani. Ñuca mandanaca tucuicuna ricuna jatun cachunmari rurarcani” niricurcami.

NÚMEROS 11:34

Micushpapish mana amijcunata chaipi pambashcamantami, chai pambataca Kibrot-hataava shutita shutichirca.

NÚMEROS 11:4

Israelcunahuanca mana israelcunapishmi chagru carca. Paicunaca micunallatami yuyarcacuna. Chaimantami israelcunapish micunallata yuyashpa cashna nishpa huacarcacuna: “Caipica ¿pitaj aichata micuchun cungari?

Mateo 4:8

Cutinllatajmi Diabloca, tucuimanta yalli jatun urcu jahuaman Jesusta pushashpa, tucui cai pachapi mandanacunata, sumajcunata ricuchishpaca,

Mateo 5:28

Ashtahuanpish ñucaca: Maijanpish shujtaj huarmita ricushpa munajca, paipaj shungupi ñami chai huarmihuan huainayan ninimi.

Lucas 4:5

Chai q'uipami diabloca, jatun urcu jahuaman Jesusta pushashpa ñahui quimllai shinallapi cai pachapi tiyaj mandana tucui llajtacunata ricuchirca.

Romanos 13:14

Chaipaj randica Mandaj Jesucristota churarichij. Aicha munaicunata rurashpa cushicujcunaca ama caichijchu.

1 Corintios 10:6

Tucui caicunaca ñucanchij ricushpa, paicuna ima mana allicunata munashca shina, ñucanchijpish ama munachunmi chashna tucurca.

Gálatas 5:17

Aichapaj munaica, Espirituta p'iñanmi. Espiritupish, aicha munaitaca p'iñanmi. Chaicunaca quiquin munashcata, ama rurachunmi caishuj chaishuj macanacun.

Gálatas 5:24

Ashtahuanpish Cristopaj cajcunaca paicunapaj aichataca ruraicunandij, munaicunandijmi chacatashca.

Efesios 2:3

Ñaupa punllacunaca tucui ñucanchijpish aicha munaicunapi purishpami, aichapaj munaita rurashpa, yuyashcata rurashpa, millaita rurajcunapurapi causarcanchij. Shujtajcuna shinallatajmi ñucanchijpish huachari pachamanta, Dios p'iñarishpa llaquichina huahuacuna carcanchij.

Tito 2:12

Paimi ñucanchijtaca Diospaj tucushpa, cai pacha millai munaicunatapish saquishpa, cai causaipica alli yuyaihuan cashcata rurashpa, Diospajlla causachun yachachin.

Tito 3:3

Ñucanchijpish ñaupaca yuyai illajcuna, mana cazujcuna, chingarishcacuna, aichata cushichingapaj tucui shina ruranacunapi huatashcacunami carcanchij. Millai shungucuna, shujtajpaj charishcata munajcuna, shujtajcuna p'iñashcacuna, caishujmanta chaishujmanta p'iñanacujcunami carcanchij.

Santiago 3:15

Chashna yuyaica, jahua pachamantaca mana shamunchu. Chaica cai pachamanta, gentecunamanta, diablomantami shamun.

Santiago 4:16

Ashtahuanpish cunanca, cancuna charishcahuanmi jatun tucunguichij. Chashna jatun tucunaca mana allichu.

JOSUÉ 7:21

Jericó pueblo runacunata quichushcacunapimari Babilonia llajtapi rurashca sumaj churanatapish, 200 siclo cullquitapish, pichca chunga siclota pizaj mirga curitapish ricushpa chaicunata achcata munashpa pacalla japishpa apamurcani. Chaicunataca ñuca carpa huasi ucupimi pambashpa churarcani. Cullquitapish chaicuna ucullapitajmi churarcani– nirca.

1 Pedro 1:14

Alli cazuj huahuacuna shina caichij. Ñaupa manaraj yachashpa ruracushca mapa munaicunataca ama ruraichijchu.

1 Pedro 2:11

C'uyashcacuna cancunataca shujtaj llajtamanta pasacujllacuna shina causachunmi cai pachapica ñucaca rogani. Cancunapaj almahuan macanacucuj aicha munaicunataca ama ruraichijchu.

2 Pedro 2:10

Aicha munaillata rurashpa cushicujcunata, millananata rurajcunata, Dios mandacuntapish yanganchijcunatami llaquichinga. Paicunaca jatun tucushcacuna, c'ariyajcuna cashpami jahua pacha jatun mandajcunatapish mana manchashpa millaita rimancuna.

2 Pedro 2:18

Paicunaca uyanajlla yanga shimicunata rimashpami, mana allita ruracushcamanta llujshishcacunataca aicha munaita rurana yuyailla canata cushpa pandachincuna.