1 Juan 2:13 - Dios Rimashca Shimicunami

¹³ Yayacuna, callarinapaj ña tiyajta rijsijpimi, cancunamanca quillcani. Q'uipa huiñaicuna, diablota mishajcuna cajpimi, cancunamanca quillcani. Huahuacuna, Diosta rijsijcuna cajpimi, cancunamanca quillcani.

Mushuj Testamento Diospaj Shimi

¹³ Yayacuna, ima manaraj tiyajpi ña Tiyajta yachaj chayashcamantami, cancunaman quillcani. Qʼuipalla huiñaicuna, cancunaca diablota mishashcanguichijmari. Chaimantami cancunamanpish quillcani. Huahuacuna, cancunapish Yaya Diosta rijsinguichijmi, cancunamanpish quillcanimi.

1 Juan 2:13 Iomraidhean Croise

SALMOS 148:12

Mosocunapish, solteracunapish, yuyajcunapish, uchilla huahuacunapish alabaichigari.

SALMOS 90:2

Urcucunapish manaraj huacharijpimi ña tiyashcangui. Allpatapish, cai pachatapish manaraj rurashpami huiñaimanta huiñaicama ña tiyaj Dios cangui.

SALMOS 91:14

“Paipish ñucata c'uyashcamantaca, paitapish cacharichishami. Ñuca shutita rijsishcamantaca paitapish jatun canapimi churasha.

PROVERBIOS 20:29

Huambrarajcunaca, fuerzasapa cashpami cushicuncuna. Yuyajcunaca, yurajlla ajchahuanmi sumaj ricurincuna.

JOEL 2:28

Cai tucuita rurashca q'uipaca, ñuca Espiritutaca tucuicunapimi churasha. Chashna churajpimi cancunapaj churicunapish, ushushicunapish ñucamanta huillangacuna. Cancunata cunaj yuyajcunapish muscungacunami. Q'uipa huiñaicunapish ñuca ricuchishcatami, muscuipi shina ricungacuna.

ZACARÍAS 9:17

Paicunapaj c'uyaica achcami canga, paicunaca sumaj ñahui runacunami canga. Trigoca mosocunata, vinoca solteracunatami cushichinga.

Mateo 11:27

Ñuca Yayaca tucuitami ñucamanca curca. Churi pi cashcatapish pi mana rijsinchu, Yayallami rijsin. Yayatapish pi mana rijsinchu, Churillami rijsin. Pi cashpapish Churi rijsichisha nishcacunallami, Yayataca rijsin.

Mateo 13:19

Lluchu ñanpi urmashca muyuca cashnami: Taita Dios mandagrinmanta huillashcata uyashpapish, mana entendijpica, paipaj shungupi tarpushcata, diablo shamushpa anchuchina cashcatami nisha nin.

Mateo 13:38

Tarpuna allpaca, cai pachapi causajcunami. Alli muyu shinaca, Dios mandacujpi chaipi caj huahuacunami. Cizaña shinaca, diablopaj huahuacunami.

Mateo 5:37

Ashtahuanpish canca: “Ari cajpica ari, mana cajpica mana ningui”. Imatapish yalli mana nirinaca millaimantami shamun.

Lucas 10:22

Ñuca Yayaca tucuitami ñucamanca curca. Churi pi cashcatapish pi mana rijsinchu, Yayallami rijsin. Yaya pi cashcatapish pi mana rijsinchu, Churillami rijsin. Pi cashpapish Churi rijsichisha nishcacunallami, Yayataca rijsin– nircami.

Juan 14:7

Ñucata rijsishpaca, ñuca Yayatapish rijsinguichijmi. Cunanca ñucata ñami ricunguichij chaimanta Yayatapish ñami rijsinguichij– nircami.

Juan 14:9

Chaimi Jesusca: –Unitami cancunahuan carcani. Felipe ¿manarajchu ñucataca rijsingui? Pipish ñucata rijsijca, ñuca Yayatapish ñami rijsin. ¿Ima nishpataj canca: “Yayata ñucanchijman ricuchi” ningui?

Juan 16:3

Ñuca Yayatapish, ñucatapish mana rijsishcamantami chashna rurangacuna.

Juan 16:33

Ñucahuan shujlla cashpa sumaj causaita charichunmi, caicunataca rimarcani. Cancunaca cai pachapica llaquita apanguichijmi. Shina cajpipish cai pachata mandajtaca ñami misharcani, ñucapi shunguta churaichijlla– nircami.

Juan 17:21

Paicunaca tucuicuna shujlla cachunmi mañacuni. Ima shinami can Yayapish ñucahuan, ñucapish can Yayahuan shujlla canchij, chashnallataj paicunapish ñucanchijhuan shujlla cachunmi mañacuni. Chashna cajpimi ñucataca cai pachapi causajcunaca, can cachashca cashcata cringacuna.

Juan 17:3

Huiñai causaita charinapajca: Quiquinlla shujlla Taita Diostaj cashcata crina. Jesucristotapish quiquin cachajpi shamushca cashcata crinami.

Juan 8:19

Chaimi paicunaca: –¿Maipitaj cambaj Yayaca?– nircacuna. Shina nijpi Jesusca: –Ñucatapish, ñuca Yayatapish mana rijsinguichijchu. Ñucata rijsishpaca, ñuca Yayatapish rijsinguichijmanmi– nirca.

2 Corintios 4:6

Amsata achijyachi nishpa luzta mandaj Diosmi, ñucanchij shungupica achijyachij luzta churarca. Jesucristopaj ñahuipi Dios sumaj cashca ricurishcata alli yachashpa shujtajcunaman yachaj chayachichunmi chashna rurarca.

1 Timoteo 5:1

Yuyajcunataca ama sinchita rimangui, ashtahuanpish quiquin yayata shina yuyachishpa rimangui. Q'uipa huiñaicunatapish quiquin huauquicunata shina yuyachishpa rimangui.

Tito 2:6

Shinallataj chairaj c'aricunatapish alli yuyaiyujcuna cachun yuyachishpa rimai.

1 Juan 1:1

Callarichinapaj ña tiyajtaca ñucanchijtajmi uyarcanchij, ñucanchij ñahuihuantajmi ricurcanchij. Causaiyuj Rimaitaca, ñucanchij maquicunahuantajmi tuparircanchij.

1 Juan 2:1

Ñuca huahuacunalla, cancuna ama juchallichunmi caicunata quillcani. Shina cashpapish maijan juchallishpaca, ñucanchijmanta Yayahuan rimajtami charinchij. Paica cashcata ruraj Jesucristomi.

1 Juan 2:12

Huahuacuna, cancunapaj juchacunataca Jesucristomanta perdonashca cajpimi, cancunamanca quillcani.

1 Juan 2:14

Yayacuna, callarinapaj ña tiyajta rijsijcuna cajpimi, cancunamanca quillcarcani. Q'uipa huiñaicuna, sinchi crijcuna cashpa, Diospaj Shimi nishca shina causashpa, diablota mishajcuna cajpimi cancunamanca quillcarcani.

1 Juan 3:12

Ama Caín shina cashunchij. Paica diablopaj cashpami, paipaj huauquitaca huañuchirca. ¿Imamantataj huañuchirca? Pai rurashcacunaca millai cajpi, huauquipaj rurashcacunaca alli cajpimi huañuchirca.

1 Juan 4:4

Huahuacuna, cancunaca Diospajmi canguichij. Cancunapi causacujca, cai pachapi cajta yallimi. Chaimantami paitaca ña mishashcanguichij.

1 Juan 5:18

Diosmanta maijanpish huacharishca cajca, juchata mana rurashpa catij cashcataca yachanchijmi. Paitaca Diospaj huahua cajpimi huaquichin. Diabloca paipica mana tuparinchu.

1 Juan 5:20

Ashtahuanpish Diospaj Churi shamushcatami yachanchij. Paimari mana llullaj Diosta rijsi tucunata curca. Chaimantami paipaj mana llullaj Churi Jesucristohuan shujlla canchij. Paimi mana llullaj Dios, huiñai causaitapish cuj.

Apocalipsis 12:11

Chai huauquicunaca, Ovejapaj yahuarhuan, paipaj shimita huillashcahuanmi diablotaca misharcacuna. Quiquin causaita mana llaquishpami huañuchingacama huillarcacuna.

Apocalipsis 2:7

Rinrinta charijca, tandanacushca crijcunaman Diospaj Espíritu huillashcata uyachun. Millaita mishajmanca, Diospaj paraíso chaupipi caj, causaita cuj yuramantami carasha nishpa quillcai” nircami.