1 Juan 2:12 - Dios Rimashca Shimicunami

¹² Huahuacuna, cancunapaj juchacunataca Jesucristomanta perdonashca cajpimi, cancunamanca quillcani.

Mushuj Testamento Diospaj Shimi

¹² Cʼuyashca huahuacuna, Diosca cancunapaj juchacunataca, Jesucristomantami perdonashca. Chashna cajpimi, cancunaman caita quillcani.

1 Juan 2:12 Iomraidhean Croise

SALMOS 106:8

Shina cajpipish paica paipaj shutita c'uyashcamantami paicunataca quishpichirca. Pai tucuita rurai tucuj cashcata tucuicunaman ricuchingapajmi quishpichirca.

SALMOS 25:11

Ñuca juchaca yallitaj jatunmari. Mandaj Dioslla, quiquinpaj shutita c'uyashcamanta perdonahuai.

JEREMÍAS 14:7

Mandaj Dioslla, ñucanchij juchacunahuanca cantamari p'iñachishcanchij. Chai juchacunallatajmari ñucanchijtaca llaquipi churashca. Cai tucui huatacunatamari canta mana cazushpa causashcanchij. Shina cajpipish, canta jatunyachingapaj ayudahuayari.

Lucas 24:47

Jerusalenmanta callarishpa, tucui llajtacunapi causajcunaman mana allita ruracushcata saquishpa cutirichij, juchacunata Taita Dios perdonachun nishpa paipaj shutipi huillashcami canga nishcamari.

Lucas 5:20

Jesusca paicuna crishcata ricushpami, ungushcataca: –Cambaj juchacunataca ñami perdonani– nijpi,

Hechos 10:43

Profetacunapish Jesusmanta huillashpaca, paita crijcunallatami juchacunata perdonanga nishpami tucuicunallataj huillarcacuna– nircami.

Hechos 13:38

Caita yachaichij huauquicuna: Cancunapaj juchacunataca ñuca cancunaman huillacushca Jesucristollamantami perdonanga.

Hechos 4:12

Ashtahuanpish pi shujtaj Quishpichijca mana tiyanchu. Cai pachapi causajcunata quishpichichunca Taita Diosca pi shujtajtaca mana cushcachu. Jesusllami quishpichi tucun– nircami.

1 Corintios 6:11

Cancunapish maijancunaca chashnallatajmi carcanguichij. Ashtahuanpish Mandaj Jesucristopaj shutipimi, ñucanchij Taita Diospaj Espiritumanta ña maillashcacuna, jucha illajta rurashcacuna, justificashcacuna canguichij.

Efesios 1:7

Diosca, mana c'uyaipajta c'uyaj canata charij cashcahuanmi, juchacunata perdonashpa, Cristopaj yahuarhuan cutin randishpa quishpichirca.

Efesios 4:32

Chaipaj randica, caishujhuan chaishujhuan alli caichij. Cristopi cancunata Dios perdonashca shinallataj, caishuj chaishuj llaquijcuna, perdonanacujcuna caichij.

Colosenses 1:14

Paipaj Churi yahuarta jichashpa cutin randishpa quishpichijpimi, juchacunata perdonashca canchij.

1 Juan 1:4

Ñucanchijca cancunamanta cushicuna shinataj cushicungapajmi caitaca quillcanchij.

1 Juan 1:7

Diosca luzpi cashca shinallataj ñucanchijpish luzpi causashpaca, caishuj chaishujhuan shuj shinallami canchij. Paipaj Churi Jesucristopaj yahuarmi, ñucanchij tucui juchacunataca p'ichan.

1 Juan 1:9

Shina cajpipish ñucanchij juchacunata huillajpica, Diosca imatapish pajtachij, cashcata ruraj cashcamantaca ñucanchij juchacunata perdonangami. Tucui millaimantapish p'ichangami.

1 Juan 2:1

Ñuca huahuacunalla, cancuna ama juchallichunmi caicunata quillcani. Shina cashpapish maijan juchallishpaca, ñucanchijmanta Yayahuan rimajtami charinchij. Paica cashcata ruraj Jesucristomi.

1 Juan 2:21

Cancuna mana llullata mana rijsijcuna cajpica mana quillcaimanchu carcani. Ashtahuanpish rijsijcuna cajpimi quillcani. Mana llullamantaca llullaca manataj llujshi tucunchu.

1 Juan 2:7

Huauquicuna, mana shujtaj mushuj mandashcatachu cancunamanca quillcani. Ashtahuanpish callarimanta cancuna charishca ñaupa mandashcallatatajmi quillcani. Chai mandashcatami callarimanta uyarcanguichij.