1 Juan 2:11 - Dios Rimashca Shimicunami

¹¹ Maijanpish paipaj huauquita p'iñajca, amsapirajmi, amsallapitajmi puricun. Chai amsa paipaj ñahuita mana ricujta rurajpimi, maiman ricushcatapish mana yachan.

Mushuj Testamento Diospaj Shimi

¹¹ Ashtahuanpish paipaj huauquita pʼiñajca amsapimi, amsallapitajmi causacun. Chai amsallataj ñahui mana ricujta shina rurajpimi, maiman ricushcatapish mana yachan.

1 Juan 2:11 Iomraidhean Croise

2 SAMUEL 13:22

Absalonca, paipaj huauqui Amnón paipaj pani Tamarta chashna llaquichishcamanta p'iña cashpapish, Amnontaca allitami rurashcangui mana nircachu. Mana allitami rurashcangui mana nircachu.

PROVERBIOS 4:19

Diosta mana manchajcunapaj ñanca amsa tuta shinami, imapi tsagnaricushcatapish mana yachancunachu.

ECLESIASTÉS 2:14

Yachaj runaca alli ricushpami purin, upa runaca ñahui huichcashca shinami purin. Shina cajpipish tucuripica shujta shuyacujllataj, caishujtapish shuyaj cashcatami ricurcani.

LEVÍTICO 19:17

Cambaj huauquita cambaj shungupi ama p'iñangui. Juchata rurajtaca sinchita rimangui. Mana chashna rurashpaca canpish juchata rurashca shinallatajmi tucungui.

Juan 12:35

Chaimi Jesusca: –Luzca ashacamallami cancunahuanca canga. Cancuna mana yuyashcapi amsa ama japichun, luz caipi cajpiraj luzhuan shujlla tucushpa purichij. Amsapi purijca, maiman ricushcata mana yachanchu.

Juan 12:40

Taita Diosllatajmi “Paicunapaj ñahuitaca, mana ricujta rurarca. Shungutapish sinchiyachirca. Ñahuihuanca ama ricuchun, shunguhuanca ama yuyarichun, ñuca jambichun, ñucapajman ama cutirichunmi chashna rurani nishca” pajtachunmi chashnaca tucurca.

2 Corintios 3:14

Ashtahuanpish paicunaca imamanta chashna tucucushcataca mana entendircacunachu. Cunan punllacunapish chashnallatajmi tucuncuna. Ñaupaman Quillcachishcata rezashpapish, chai linsohuan tapashca shina cashpami mana entendincuna. Chaitaca Cristollami anchuchin.

2 Corintios 4:4

Cristopaj sumaj alli huillai luz ama achijyachichunmi, cai pachapaj diosca mana crijcunapaj yuyaicunataca tapashca. Cristoca, Dios ima shina cajta ricuchijmi.

Tito 3:3

Ñucanchijpish ñaupaca yuyai illajcuna, mana cazujcuna, chingarishcacuna, aichata cushichingapaj tucui shina ruranacunapi huatashcacunami carcanchij. Millai shungucuna, shujtajpaj charishcata munajcuna, shujtajcuna p'iñashcacuna, caishujmanta chaishujmanta p'iñanacujcunami carcanchij.

2 Pedro 1:9

Ashtahuanpish chaicunata maijan mana charijca, caruta mana ricui tucuj shina, mana cashpaca ñahui mana ricuj shinami. Paipaj ñaupa juchacunata maillashca cashcata cungarishcamantami chashna tucushca.

1 Juan 1:6

Paihuan shujllami canchij nishpapish, amsapi puricushpaca llullanchijmi. Mana llulla Shimipi nishcataca mana ruranchijchu.

1 Juan 2:10

Maijanpish paipaj huauquita c'uyajca, luzpimi causacun. Paipica maijanta imapi pandachinaca mana tiyanchu.

1 Juan 2:9

Maijanpish luzpimi cani nishpapish paipaj huauquita p'iñajca, amsapirajmi.

1 Juan 3:15

Paipaj huauquita maijanpish p'iñajca huañuchij shinallatajmi. Maijanpish huañuchijca, huiñai causaita mana charij cashcataca yachanguichijmi.

1 Juan 4:20

Maijanpish: “Ñucaca Diostami c'uyani” nishpapish, paipaj huauquita p'iñajca llullami. Chaimanta maijanpish ricushca huauquita mana c'uyajca ¿ima shinataj mana ricushca Diostacarin c'uyangari?

Apocalipsis 3:17

Canca: Achcatami charini, achcatami charijyashcani ima illaj mana canichu niricunguimi. Ashtahuanpish canca llaqui tucujlla, llaquinayaj, huajcha, mana ricuj, lluchulla cashcataca mana yachanguichu.