1 Juan 2:1 - Dios Rimashca Shimicunami

¹ Ñuca huahuacunalla, cancuna ama juchallichunmi caicunata quillcani. Shina cashpapish maijan juchallishpaca, ñucanchijmanta Yayahuan rimajtami charinchij. Paica cashcata ruraj Jesucristomi.

Mushuj Testamento Diospaj Shimi

¹ Ñuca cʼuyashca huahuacuna, cancuna ima millaita ama rurachun nishpami, caicunataca quillcani. Maijan ima millaita rurashca cajpipish, ñucanchijmanta Yayahuan Rimajta charinchijmari. Paica, cashcata ruraj Jesucristomi.

1 Juan 2:1 Iomraidhean Croise

SALMOS 4:4

Juchata ruranataca manchaichij. Camapi cashpa cancunapaj shungupi ima shina cashcataca upajlla alli yuyarichij. Selah

EZEQUIEL 3:21

Ashtahuanpish cashcata ruraj runataca, ama juchata ruraichu nishpa can rimashcamanta uyashpa, juchata mana rurashpaca causangami. Canpish cambaj causaitaca quishpichinguimi” nircami.

ZACARÍAS 9:9

Siónpi causajcunalla, achcata cushicuichigari. Jerusalenpi causajcunalla, cushicushpa caparichigari. Cancunapajmanmi jatun mandajca shamunga. Paica cashcata rurajpish, quishpichijpishmi canga. Jatun mandajca, alli shungumi. Burropi tiyarishcami shamunga, aparij burropaj huahua, malta burropimi paica tiyarishpa shamunga.

Lucas 10:22

Ñuca Yayaca tucuitami ñucamanca curca. Churi pi cashcatapish pi mana rijsinchu, Yayallami rijsin. Yaya pi cashcatapish pi mana rijsinchu, Churillami rijsin. Pi cashpapish Churi rijsichisha nishcacunallami, Yayataca rijsin– nircami.

Juan 10:15

Ima shinami ñuca Yaya ñucata rijsin, shinallatajmi ñucapish ñuca Yayataca rijsini. Ñuca ovejacunamantaca ñuca causaitami cuni.

Juan 13:33

Huahuacuna, ashacamallami caipi cancunahuan tiyacuni. Cancunataca judiocunata nishca shinallatajmi nini: Ñucataca mashcanguichijmi. Ñuca maiman ricunmanca, cancunaca mana ri tucunguichijchu.

Juan 14:16

Shujtaj cushichijta cancunaman cuchun ñuca Yayata mañashami. Chai cushichijca huiñaitami cancunahuan canga.

Juan 14:6

Chaimi Jesusca: –Ñucamari ñan cani, mana llullapish, causaiyujpish cani. Yayapajmanca pi mana paillatajca chayai tucunchu. Ñucami Yayapajman chayachij ñan cani.

Juan 21:5

Jesusca paicunataca: –Huahuacuna, ¿imallatapish micungapaj charinguichijchu?– nijpi, paicunaca: –¡Mana imata charinchijchu!– nircacunami.

Juan 5:14

Chai q'uipami Jesusca, chai runataca Taita Diospaj huasipi tupashpa: –Riqui, cunanca ñamari alli cangui. Cutinca millaita ama rurangui. Ñataj caita yalli ashtahuan jatun llaqui tucunguiman– nirca.

Juan 5:36

Ñuca Yaya rurai nishcatami ñucaca ruracuni. Chaita ñuca rurashcacunallatajmi Juan huillashcatapish yalli ñucataca ñuca Yaya cachashca cashcata ricuchicun.

Juan 6:27

Chingarijlla micunataca ama mashcaichijchu, ashtahuanpish mana tucurij huiñai causaipaj micunata mashcaichij. Chaitaca, Runa Aichayujmi cancunamanca cunga. Chaita cuj cachunca, Dios Yayami churarca– nircami.

Juan 8:11

chai huarmica: –Amito, pi mana imata nincunachu– nijpi Jesusca: –Ñucapish imata mana ninichu. Rilla, pajta cutin juchallinguiman– nirca.

Hechos 7:52

Cancunapaj ñaupa yayacunaca profetacunataca tucuicunatami llaquichircacuna. Cashcata ruraj shamungami nishpa huillashcamantami paicunataca huañuchircacuna. Pai ña shamujpica cancunapish paitaca millai runacunaman cushpami huañuchichircanguichij.

Romanos 5:10

Diosta p'iñajcuna cajpipish, paipaj Churi huañushcamantami, Diosca ñucanchijhuan alli tucurca. Ashtahuancarin ña alli tucushca cashcamantaca, Jesús causacushcamantaca quishpichishcami cashun.

Romanos 6:15

¿Imatataj nishun? ¿Ña mana Mandashca ucupichu canchij, ashtahuanpish mana c'uyaipajta c'uyajpaj ucupimi canchij nishpaca juchallicushunllachu? ¡Amataj chashnaca yuyashunchij!

Romanos 8:34

¿Pitaj jatun llaquimanca cachangari? Cristomari ña huañurca, causarircapishmari. Paica, Yayapaj alli ladopi ñucanchijmanta mañaracunpishmari.

1 Corintios 15:34

Alli yuyaihuan chapaichij, ama juchallichijchu. Cancunamanta maijancunaca Diosta mana rijsinguichijchu. Cancuna pingarichunmi chashnaca nini.

2 Corintios 5:21

Cristotaca mana juchayuj cajpipish, Diosca ñucanchijmantami juchayujta rurarca. Cristomanta ñucanchijca, Dios munashca shina cashcata rurajcuna cachunmi chashnaca rurarca.

Gálatas 4:19

Ñuca huahuacunalla, cancuna Cristo shina tucungacamami, cancunamantaca huachana nanaicunahuan shina cutin llaquita apacuni.

Efesios 2:18

Paimantami caishujpish, chaishujpish shuj Espiritullamanta Yayapajman yaicunata charinchij.

Efesios 4:26

P'iñarishpapish ama juchallichijchu. Inti huashicungacamaca ama p'iñalla caichijchu.

1 Timoteo 2:5

Shujlla Diosmi tiyan. Runacunamanta Dioshuan, Diosmanta runacunahuan rimajpish shujllami: Paica, runa aichayuj Jesucristomi.

1 Timoteo 3:14

Canta ricunaman ñalla shamuna yuyailla cashpapish, caitami quillcani.

Hebreos 9:24

Shina cajpica Cristoca, jahua pachapi tiyaj Diospaj huasipi ima shina cajta ricuchij cai pachapi runacuna rurashca huasillamanca mana yaicurcachu. Ashtahuanpish cunanca ñucanchijmanta Diospaj ñaupajpi ricuringapajmi, paica jahua pachamantaj yaicurca.

Santiago 1:27

Dios Yayata crijtaj cashcata paipaj ñaupajpi ricuchingapajca caitami rurana: Yaya mama illajcunata, llaquihuan caj viudacunatapish ayudana, cai pacha mapacunamantapish huaquichirinami.

Santiago 3:9

Chai c'alluhuanmi Dios Yayataca, allimari cangui ninchij. Chaillahuantajmi Diosman rijchajta rurashca gentecunatapish, llaqui tucushca canman ninchij.

1 Pedro 2:22

Cristoca ima juchata mana rurarcachu, paipica umaj canaca manataj tiyarcachu.

1 Pedro 3:18

Chashnami Cristoca juchayujcunamanta shuj cutinlla llaquita aparca. Paica cashcata ruraj cashpapish, juchayujcunata Diospajman pushangapajmi chashna tucurca. Aichapica huañurcami, ashtahuanpish Espiritupica causachishcami carca.

1 Juan 3:18

Ñuca huahuacunalla, ama shimillahuan, c'allullahuan c'uyanimi nishunchij. Ashtahuanpish imatapish rurashpataj c'uyashcata ricuchishunchij.

1 Juan 3:5

Jesucristoca, ñucanchij juchacunata anchuchingapaj shamushcataca yachanguichijmi. Paica mana juchayujchu mana juchallingapishchu.

1 Juan 3:7

Huahuacuna, cancunataca pi ama umachun. Maijanpish cashcata rurajca, Cristo cashcata ruraj shinallataj cashcata rurajmi.

1 Juan 4:4

Huahuacuna, cancunaca Diospajmi canguichij. Cancunapi causacujca, cai pachapi cajta yallimi. Chaimantami paitaca ña mishashcanguichij.

1 Juan 5:17

Tucui imapish millaita ruranaca juchami. Shina cajpipish huañuiman mana apaj juchapish tiyanmi.

1 Juan 5:21

Huahuacuna, rurashcalla dioscunataca amataj adoranguichijchu. Chashna cachun.

3 Juan 1:4

Ñuca huahuacuna mana llullapi nishca shina puricun nijta uyashpami, tucuimanta yalli jatunta cushicuni.