1 Juan 1:8 - Dios Rimashca Shimicunami

⁸ Mana juchata charinchijchu nishpaca, ñucanchijllatajmi umarinchij. Chashna nishpaca llullanchijmi.

Mushuj Testamento Diospaj Shimi

⁸ ‘Ima juchata mana charinchijchu’ nishpaca, ñucanchij quiquinllatajmi umarinchij. Cashcatataj huillashcataca, manaraj entendishcanchijchu.

1 Juan 1:8 Iomraidhean Croise

1 REYES 8:46

(Juchata mana ruraj runaca mana tiyanchu) Shina cajpipish quiquinta mana cazushpa juchallijpica, quiquinca paicunahuan p'iñarishpami caru llajtaman cashpa, c'uchulla llajtaman cashpapish prezu apachun paicunata p'iñajcunapaj maquipi churangui.

2 REYES 20:15

Shina nijpi Isaiasca cutinmi: –Cambaj huasipica ¿imatataj ricurcacuna?– nijpi Ezequiasca: –Ñuca huasipi tucui imalla tiyashcatami ricurcacuna. Ñucapaj huaquichinacunapi tiyajcunaca paicuna mana ricushcaca ima mana saquirinchu– nircami.

2 CRÓNICAS 6:36

(Juchata mana ruraj runaca mana tiyanchu) Shina cajpipish canta mana cazushpa juchallijpica, canca paicunahuan p'iñarishpami caru llajtaman cashpa, c'uchulla llajtaman cashpapish, prezu apachun paicunata p'iñajcunapaj maquipi churangui.

JOB 14:4

¿Juchata rurashcataca pi pichari tucuipajchu? Pitaj chaitaca pichari tucungari.

JOB 15:14

¿Runaca mapa illaj cangapajca imatagari? Huarmimanta huacharishca runa, ¿ima shinataj cashcata ruraj ricuringari?

JOB 25:4

¿Runaca Taita Diospaj ñaupajpica, ima shinataj juchachina illajca cai tucungari? Huarmimanta huacharishca runaca ¿ima shinataj mapa illajca cangari?

JOB 9:2

Ñucaca chashna cana cashcataca yachanillatajmi. ¿Ima shinataj runaca Taita Diospaj ñaupajpica, alli ricuringari?

SALMOS 143:2

Quiquinpajta rurajtaca imallata rurashcata ricuchinaman ama yaicuichu. Quiquinpaj ñaupajpica, pi mana ima juchachina illajmi cani mana ni tucunchu.

PROVERBIOS 20:9

¿Pitaj: “Ñucaca ñami juchataca saquircani, chuya shungumi cani” ni tucungari?

ECLESIASTÉS 7:20

Cai pachapica cashcata ruraj cashpapish, manataj ima juchata rurashpa, allillata rurashpa causajca, shujllapish mana tiyanchu.

ISAÍAS 53:6

Tucui ñucanchijca caita chaita rishca ovejacuna shinamari ch'icanyashcanchij. Cada quiquinmi quiquin ñanta rishcanchij. Ashtahuanpish Mandaj Diosca, tucui ñucanchij juchacunataca paimanmari apachirca.

ISAÍAS 64:6

Ashtahuanpish ñucanchijca tucuicunamari mapacuna shina tucushcanchij. Ñucanchij cashcata ruranchij nishcacunapish mapa llachapa shinami tucushca. Tucui ñucanchijca p'angacuna shinami urmarcanchij. Ñucanchij millaita rurashcacunallatajmari huaira shina apashca.

JEREMÍAS 2:35

Ñucaca ima millaita mana rurashcanichu. Diosca ñucahuanca mana p'iñarishcachu ninguimi. Mana ima juchata rurarcanichu nicujpipish, ñucatajmi canmanca can imalla rurashcata ricuchigrini.

LEVÍTICO 13:12

Lepra ungüihuan cajtaca umamanta callarishpa chaquicunacama maillata cura ricunallataca tucuita lepra tapashca cajpica,

Juan 8:44

Cancunapaj yayaca diablomari. Paipaj munaillatami rurashun ninguichij. Paica callarimanta huañuchijmi, yallitaj jatun llullami. Tucui pai nishcacunaca llullami. Llullashpaca pai ima shina cashca shinallatajmi llullan. Llullata callarichij cashcamanta llullapaj yayami.

Romanos 3:10

Cashnami quillcashca tiyacun: “Cashcata rurajca mana tiyanchu, shujllapish mana tiyanchu.

Romanos 3:23

Tucuicuna juchallishcamantami, Diospaj sumajmantaca anchuchishca carcacuna.

1 Corintios 3:18

Pi cashpapish quiquinllatajca ama umarichun. Cancunapurapi maijanpish cai pachamanta yachaihuan yachaisapami cani yuyashpaca, mana yachaj shina cachun. Chashna cashpami yachaisapataj canamanca chayanga.

Gálatas 6:3

Maijanca manapish ima cashpa, yachajmi cani nijca, paillatajmi umarin.

1 Timoteo 6:5

Yuyai ismushca runacunaca, ch'ahuanyashca rimanacucujllacunami. Mana llullamantapish carupimi. Taita Diosta crinapish, cullquita japinapajlla cashcatami yuyancuna. Canca chashnacunamanta anchuri.

2 Timoteo 3:13

Ashtahuanpish millaicuna, umajcunaca, ashtahuan ashtahuan millai tucushpami, umajcuna umashcacunapish tucushpa catingacuna.

Santiago 1:22

Diospaj Shimi nishca shina rurajcuna caichij, ama uyajcunalla caichijchu. Chashna tucushpaca, cancunallatajmi umaringuichij.

Santiago 1:26

Maijanpish cancunapurapi pai crishcapi allimi caticuni yuyashpapish, paipaj c'alluta mana jarcarijca, paipaj shungupimi umarin. Pai caticushcapish yangami.

Santiago 3:2

Tucuicunami achca cutin pandarinchij. Maijan imata rimashpapish mana pandarijca alli runami. Tucui cuerpotapish jarcari tucujmi.

2 Pedro 2:13

Chashnami paicuna millaita rurashcamantaca japina cashcataca japingacuna. Punllanta paicuna munashcata mana pingashpa rurashpa cushicushcamantami chashna japingacuna. Cancunapaj fiestacunapi micuicunaman rishpami chashna millaita rurancuna.

1 Juan 1:10

Mana juchallishcanchijchu nishpaca, Diostami llullata ruranchij. Diosta llullata rurajcuna cajpica, paipaj Shimica mana ñucanchijpichu.

1 Juan 1:6

Paihuan shujllami canchij nishpapish, amsapi puricushpaca llullanchijmi. Mana llulla Shimipi nishcataca mana ruranchijchu.

1 Juan 2:4

Maijanpish: “Ñucaca Diosta rijsinimi” nishpapish, pai mandashcacunata mana cazushpaca, llullanllami. Mana llullajca paipica mana tiyanchu.

1 Juan 4:20

Maijanpish: “Ñucaca Diostami c'uyani” nishpapish, paipaj huauquita p'iñajca llullami. Chaimanta maijanpish ricushca huauquita mana c'uyajca ¿ima shinataj mana ricushca Diostacarin c'uyangari?

2 Juan 1:2

Mana llullata ñucanchij shungupi charishcamantami c'uyanchij. Chai c'uyaica huiñaipajmi ñucanchijhuan canga.

3 Juan 1:3

Huauquicuna shamushpa, mana llullapi can ima shina puricujta, ima shina cashcatataj huillajpimi, ñucaca achcata cushicurcani.