1 Juan 1:7 - Dios Rimashca Shimicunami

⁷ Diosca luzpi cashca shinallataj ñucanchijpish luzpi causashpaca, caishuj chaishujhuan shuj shinallami canchij. Paipaj Churi Jesucristopaj yahuarmi, ñucanchij tucui juchacunataca p'ichan.

Mushuj Testamento Diospaj Shimi

⁷ Ashtahuanpish Dios luzpi caj shinallataj, ñucanchijpish luzpi causashpaca, caishuj chaishuj apanacunchijmi. Chashnallataj Diospaj Churi Jesucristopaj yahuarmari ñucanchij tucui juchacunataca anchuchin.

1 Juan 1:7 Iomraidhean Croise

SALMOS 104:2

Jahua churanata shinaca luzhuan pillurishcami cangui. Jahua pachatapish shuj linsota shina chutajmi cangui.

SALMOS 51:2

¡Millaita ñuca rurashcataca ashtahuan ashtahuan maillahuayari. Ñuca juchataca p'ichahuayari!

SALMOS 56:13

Huañuimantaca quiquinmari quishpichircangui. Urmagrijpipish charihuarcanguimi. Taita Diospaj ñaupajpi, luzpi causajcunahuan causachunmi chashna rurarcangui.

SALMOS 89:15

Mandaj Dioslla, quiquinta mañajcunaca cushichishcami. Quiquinpaj ñahui achijyachishcapimi puringacuna.

SALMOS 97:11

Cashcata rurajcunapajca, achij luzmi tarpushca tiyacun. Shungupi ima millai yuyaita mana charijcunapajca cushicunami tarpushca tiyacun.

ISAÍAS 2:5

Jacobpaj huahua huahuacuna shamuichigari. Mandaj Diospaj luzpi purishunchigari.

ISAÍAS 33:24

Caipi causajcunaca: “Ungushcami cani” nishpa pi mana ningacunachu. Cai pueblopi causajcunaca tucuicunami juchacunata Mandaj Dios perdonashca cangacuna.

ISAÍAS 6:7

ñuca shimipi tupachishpami: “Riqui, cambaj shimica cai ninahuan tupachishcami. Canpi ima juchachina tiyashcapish ña p'ichashcami, cambaj juchacunapish anchuchishcami” nirca.

AMÓS 3:3

Pipish manapish shuj yuyailla cashpaca, ¿ishqui tandalla purinmanchu imashi?

ZACARÍAS 13:1

Chai punllapica, chuyajlla yacumi llujshinga. Chai chuyajlla yacupimi, Davidpaj huahua huahuacunapish, Jerusalén pueblopi causajcunapish paicunapaj juchacunatapish, mapayashcacunatapish maillaringacuna nircami.

Mateo 6:12

Ima shinami shujtajcuna ñucanchijta ima mana allita rurashcacunata perdonanchij, shinallataj quiquinpish ñucanchij juchacunata perdonapai.

Juan 1:29

Chai cayandij punllami Juanca, Jesús paipajman shamucujta ricushpa cashna nirca: –¡Caimari cai pachapi causajcunapaj juchata anchuchij Taita Diospaj malta Ovejaca!

Juan 12:35

Chaimi Jesusca: –Luzca ashacamallami cancunahuanca canga. Cancuna mana yuyashcapi amsa ama japichun, luz caipi cajpiraj luzhuan shujlla tucushpa purichij. Amsapi purijca, maiman ricushcata mana yachanchu.

Juan 5:4

Shuj angelmi yacuta cuyuchinaman huaquin huaquinllapi uriyamuj carca. Yacuta cuyuchijpi maijanpish cuchaman punta huashicujmi, ima ungüimantapish alliyaj carca.

Romanos 13:12

Tutaca pacarigrinmari, punllapish chayamugrinmari. Amsapaj ruraicunataca shitashunchij, achijpaj macanacunata churarishunchij.

1 Corintios 6:11

Cancunapish maijancunaca chashnallatajmi carcanguichij. Ashtahuanpish Mandaj Jesucristopaj shutipimi, ñucanchij Taita Diospaj Espiritumanta ña maillashcacuna, jucha illajta rurashcacuna, justificashcacuna canguichij.

Efesios 1:7

Diosca, mana c'uyaipajta c'uyaj canata charij cashcahuanmi, juchacunata perdonashpa, Cristopaj yahuarhuan cutin randishpa quishpichirca.

Efesios 5:8

Ñaupaca amsami carcanguichij. Ashtahuanpish Mandaj Jesuspica, cunanca achijmi canguichij. Chaimanta luzpaj huahuacuna shina purichij.

1 Timoteo 6:16

Pai Taita Diosca mana huañujmi. Pi mana c'uchuyaipaj luzpimi causan. Paitaca pi runacuna mana ricushcachu, mana ricui tucunchu. Tucuita rurai tucujtaca huiñaita, alli nishca cachun. Chashna cachun.

Tito 2:14

Tucui millaimanta llujshichishpa paipajlla pueblo cachun chuyayachishpa, paipajllata rurana yuyailla cajta rurangapajmi paillataj ñucanchijmanta curirca.

Hebreos 9:14

Chashna cajpica, Cristopaj yahuarcarin ashtahuan rurai tucujmi. Paica huiñaipaj Espirituhuan cashpami, ima mapa illajlla paillataj Diosman curirca. Cancuna causaj Diospajta ruraj cachunmi, huañunaman apaj millaita rurana yuyaicunataca paipaj yahuarhuan cancunamantaca p'ichan.

Santiago 1:17

Tucui alli charinacuna, imatapish allita ruranacunaca jahuamantami shamun. Paica achijyachijcunata ruraj Yayami. Paica mana shujtajyanchu, paitaca llandullapish mana amsayachinchu.

1 Pedro 1:19

Ashtahuanpish ima mapa illajlla, chuya malta oveja shina, Cristopaj sumaj yahuarhuanmi llujshichishcacuna canguichij.

1 Juan 1:3

Cancunapish ñucanchijhuan shujlla cachunmi, imata ricushcata, uyashcataca chaitataj huillacunchij. Ñucanchijca Yayahuan, paipaj Churi Jesucristohuanmi shujlla canchij.

1 Juan 1:5

Jesús huillajpi ñucanchij uyashcaca caimi: Diosca luzmi, paipica ima amsa mana tiyanchu. Chaitami cancunamanca huillacunchij.

1 Juan 5:6

Jesucristo shamushcataca yacumi yahuarmi ricuchin. Mana yacullachu ricuchin, ashtahuanpish yacupish yahuarpishmi ricuchin. Diospaj Espiritupish chaitami ricuchin. Espirituca mana llullajmi.

1 Juan 5:8

Cai pachapipish quimsami huillacuncuna. Chaicunaca: Espíritu, yacu, yahuarmi. Chai quimsandijmi chaillatataj huillancuna.

2 Juan 1:4

Cambaj huahuacunamanta maijancunaca mana llullata Diosmanta ñucanchij chasquishca mandashcapi nishca shina puricujta japishpaca, achcatami ñucaca cushicurcani.

3 Juan 1:4

Ñuca huahuacuna mana llullapi nishca shina puricun nijta uyashpami, tucuimanta yalli jatunta cushicuni.

Apocalipsis 1:5

Chaitaca ima shina cashcatataj huillaj Jesucristopish cuchun. Paica huañushcacunapaj chaupimanta punta causarijmi, cai pachapi jatun mandajcunatapish jatun mandajmi. Paica ñucanchijta c'uyashpami, paipaj yahuarhuan ñucanchij juchacunata maillarca.

Apocalipsis 12:11

Chai huauquicunaca, Ovejapaj yahuarhuan, paipaj shimita huillashcahuanmi diablotaca misharcacuna. Quiquin causaita mana llaquishpami huañuchingacama huillarcacuna.

Apocalipsis 7:14

Chaimi ñucaca: “Jatun Dios, canmari yachangui” nijpi, paica: “Paicunaca jatunta llaquichicunmanta llujshimujcunami. Paicunaca churanacunata Ovejapaj yahuarpi tajshashpa yurajllata rurajcunami” nircami.