1 Juan 1:4 - Dios Rimashca Shimicunami

⁴ Ñucanchijca cancunamanta cushicuna shinataj cushicungapajmi caitaca quillcanchij.

Mushuj Testamento Diospaj Shimi

⁴ Cushicuna cashca shina cancuna cushicuchun nishpami, caicunataca quillcashpapish huillacunchij.

1 Juan 1:4 Iomraidhean Croise

ISAÍAS 61:10

Mandaj Diospimi ñucaca yallitaj cushicusha. Ñuca Taita Diospimi ñuca almaca cushicunga. Paimi ñucamanca churanata shinaca quishpirinata churachirca. Cashcata ruranahuanmi pilluchirca. Noviota shinami sumajta allichirca. Noviata shinami achca valijcunahuan sumajta allichirca.

Juan 15:11

Chaicunataca ñuca cushicui cancunapi cachunmi chashnaca nini. Chaimi ñuca cushicuj shinallataj cushicunguichij.

Juan 16:24

Caicamaca ñuca Yayataca imata mana ñucallamantaca mañashcanguichijchu. Mañaichij chasquinguichijmi. Chashna cashpami cushicuihuantaj canguichij.

Juan 3:29

Cazamento bodapi amigoca noviohuan cashpa novio rimajta uyashpaca achcatami cushicun. Noviaca noviopajmari, mana amigopajchu. Chashnallatajmi ñucaca noviopaj amigo shina cashpa, chashna nijta uyashpaca achcata cushicuni.

2 Corintios 1:24

Cashna chashna crishpami catina canguichij nishpaca, mana mandanchijchu ashtahuan cushicuchun nishpallami, chashnaca ninchij. Cancunaca crishcamantami sinchicuna canguichij.

Efesios 3:19

Shinallataj Cristopaj c'uyaita rijsinaca tucui yachaitapish yalli jatunmari. Chaita rijsishpaca, Dios ima shina cashcahuan yallitaj junda cachunmi mañacuni.

1 Juan 2:1

Ñuca huahuacunalla, cancuna ama juchallichunmi caicunata quillcani. Shina cashpapish maijan juchallishpaca, ñucanchijmanta Yayahuan rimajtami charinchij. Paica cashcata ruraj Jesucristomi.

2 Juan 1:12

Achca quillcanacunatami cancunapajca charini. Papelpi, tintallahuanca mana quillcasha ninichu. Ashtahuanpish cushicuna shinataj cancunapish ñucanchijpish ñahui ñahui parlanacushpa cushicungapajmi, cancunapajman rinata shuyacuni.