1 Juan 1:3 - Dios Rimashca Shimicunami

³ Cancunapish ñucanchijhuan shujlla cachunmi, imata ricushcata, uyashcataca chaitataj huillacunchij. Ñucanchijca Yayahuan, paipaj Churi Jesucristohuanmi shujlla canchij.

Mushuj Testamento Diospaj Shimi

³ Ñucanchijca, Yaya Dios-huantaj, Paipaj Churi Jesucristohuantajmi shujlla canchij. Chaimanta cancunapish, ñucanchijhuan shujlla cachun nishpami, imata ricushcata, uyashcataca cancunaman huillacunchij.

1 Juan 1:3 Iomraidhean Croise

JOB 13:1

Riquichij, cai tucuita rurashcacunataca, ñuca ñahuihuantajmi ricushcani. Ñuca rinrinhuantaj uyashpami, yuyaita japishcani.

SALMOS 2:7

Mandaj Dios ñucaman ima nishcatami huillagrini: “Paica ñuca huahuami cangui, cunanmi canmanca causaita cuni.

SALMOS 22:22

Ñuca huauquicunaman quiquinpaj shutita huillashami. Tandanacushcacunapaj chaupipi quiquinta alabashami.

ISAÍAS 66:19

Ñucaca paicunapurapica shuj señaltami churasha. Paicunapuramanta mana huañushpa puchushcacunataca shujtaj llajtacunamanmi cachasha. Tarsisman, arcocunahuan macanacuj Fut, Ludpi causajcunapajman, Tubalman, Jabanman ñucamanta mana uyashca, ñuca tucuita rurai tucuj cashcata mana ricushca mama cucha c'uchupi caj ashtahuan caru llajtacunamanmi cachasha. Chaicunamanmi ñuca tucuita rurai tucuj cashcata huillangacuna.

NÚMEROS 10:32

Can ñucanchijhuan rijpica, Mandaj Dios ñucanchijman cusha nishcata cujpica, canmanpish chaupishunmi– nircami.

Juan 17:11

Ñucaca ña mana cai pachapichu cagrini. Paicunaca cai pachapirajmi saquirigrin. Ñucaca quiquinpajmanmi shamugrini. Jucha illaj Yayitu, ima shinami quiquinpish ñucapish shujlla canchij, chashnallataj paicunapish shujlla cachun. Quiquin ñucaman cushcacunataca quiquin tucuita rurai tucuj cashcahuan huaquichihuai.

Juan 17:21

Paicunaca tucuicuna shujlla cachunmi mañacuni. Ima shinami can Yayapish ñucahuan, ñucapish can Yayahuan shujlla canchij, chashnallataj paicunapish ñucanchijhuan shujlla cachunmi mañacuni. Chashna cajpimi ñucataca cai pachapi causajcunaca, can cachashca cashcata cringacuna.

Juan 17:25

Cashcata ruraj Yayitu, cai pachapaj cajcunaca cantaca mana rijsircacunachu, ashtahuanpish ñucaca rijsinimi. Ñucapaj cajcunapish can ñucata cachashcataca rijsincunami.

Juan 17:3

Huiñai causaita charinapajca: Quiquinlla shujlla Taita Diostaj cashcata crina. Jesucristotapish quiquin cachajpi shamushca cashcata crinami.

Juan 19:35

Chashna tucushcata ricujmi huillani. Chashna ricushcataca ima shina cashcatataj yachashcamantami huillani. Cancunapish crichunmi, chashnaca huillani.

Hechos 13:32

Taita Diosca ñucanchij ñaupa yayacunamanca shuj Quishpichijtami cachasha nishca. Ñucanchijca chai alli huillaitami huillacunchij.

Hechos 13:41

“Uyaichij, ñuca huillashcata mana cazushpa yanganchijcuna. Mancharishpa, maipi ima tucuichij. Cancuna causacui punllacunapi, mancharinacunata ñuca rurana cashcata, maijan huillajpipish mana cringuichijchu” nishcami.

Hechos 2:42

Paicunaca apostolcuna yachachishcata yachana yuyailla yachashpami catircacuna. Caishujhuan, chaishujhuanpish shuj shinallami carcacuna. Jesús huañushcata yuyarishpa tandata chaupishpa micunapipish, Taita Diosta mañanapipish tucuicuna shuj shinallami catircacuna.

Hechos 20:27

Taita Dios imallata munashcataca, mana pacashpami tucuita huillarcani.

Hechos 4:20

Ñucanchij imallata ricushcata, uyashcata huillanataca mana saqui tucunchijchu– nircacunami.

Romanos 15:27

Chaita ruranaca paicunapica allimi ricurirca. Mana judiocunaca, judiocunamanta Diospaj allicunata japijcunami tucurcacuna. Chaimantami paicunapish judiocunamanca, cai pachapi charishcacunahuan ayudanataj carcacuna.

1 Corintios 1:30

Diosmi cancunataca, Cristo Jesushuan shujllata rurarca. Cristotamantami Diosca yachaj cachun, justificashca cachun, jucha illajta rurashca cachun, randishpa quishpichishca cachun churarca.

1 Corintios 1:9

Pai rurasha nishcataca pajtachij Taita Diosmi. Paipaj Churi, ñucanchijta Mandaj Jesucristohuan shujlla cachun cayashcacunami canguichij.

1 Corintios 15:1

Cunanca huauquicuna, cancunaman alli huillaita ñuca huillashcatami yuyachisha nini. Chai huillashcataca chasquircanguichijmi. Chai huillashcapi nishca shinami sinchita caticunguichij.

2 Corintios 13:14

Mandaj Jesucristopaj mana c'uyaipajta c'uyaj canapish, Taita Diospaj c'uyaipish, jucha illaj Espiritumanta shujlla canapish tucui cancunahuan cashca cachun. Chashna cachun.

Efesios 3:6

Chaica cashnami: Alli huillaimantaca mana judiocunaca, judiocunahuan herenciata japijcuna, ishquindijtaj chai cuerpopajlla miembrocuna, Cristo Jesusmanta Dios cusha nishcatapish paicunahuan japijcuna canami.

Filipenses 1:7

Tucui cancunamanta ñuca chashna yuyanaca allitajmari. Prezupi ñuca cashpa, alli huillaimanta shayarishpa chashnataj cashcata huillacushpaca, cancuna rurashcatami shungupi yuyarini. Tucui cancunapish mana c'uyaipajta c'uyaipimi ñucahuan canguichij.

Filipenses 2:1

Chaimanta, Cristomanta cushicuna, c'uyaihuan animachina, Espiritumanta shuj yuyailla cana, ucu shungumanta c'uyanacuna, llaquij canapish tiyajpica,

Filipenses 3:10

Cristota, paita causachij podertapishmi ashtahuan rijsisha nini. Pai shinallataj tucungacamami llaquicunata apashpa, pai shinallataj huañusha nini.

Colosenses 1:13

Diosmi ñucanchijtaca amsapaj podermanta cacharichishpa, paipaj c'uyashca Churipaj mandacunpi churarca.

1 Tesalonicenses 1:10

Huañushcacunapaj chaupimanta causarishca, paipaj Churi jahua pachamanta shamujta shuyana tucushcatapishmi parlancuna. Shamuj punlla Taita Dios p'iñarishpa llaquichinamantaca, chai Jesusmi ñucanchijta quishpichirca.

1 Timoteo 6:2

Crij amota charijcunaca, huauquillami nishpa ama mana cazuchun. Ashtahuanpish alli servichun. Paicunaca alli rurashcata chasquijcuna, c'uyashca crij huauquicunami. Chaita yachachi, yuyachishpa rimai.

Hebreos 2:12

Paillatajmi: “Cambaj shutitaca ñuca huauquicunaman huillashami. Tandanacushcacunapaj chaupipimi, cantaca alabasha” nirca.

Hebreos 3:1

Chaimanta jucha illaj huauquicuna, paipajlla cachun Dios cayashcacunami canguichij. Cristo Jesustaca apóstol, curacunata jatun pushaj, ñucanchij crishpa catina cashcata yuyaichij.

Hebreos 3:14

Cristohuan japijcunata rurashcacunami canchij. Chaimanta callaripi shunguta churashpa sinchi, caticushcataca tucuringacama caticunallami canchij.

1 Pedro 5:1

Cancunapaj ancianocunatami yuyachisha nini. Ñucapish paicuna shinallataj ancianomi cani. Cristo llaquita apashcata ricushcata huillajmi cani. Ñucapish shamuj punlla sumaj ricurinapica, tucui cancunahuanmi alli sumaj ricurisha:

2 Pedro 1:16

Ñucanchijta Mandaj Jesucristo shamuna cashcatapish, paica tucuita rurai tucuj cashcatapish cancunata yachachishpaca, quiquin yuyaimanta surcushca yanga parlocunataca mana yachachircanchijchu. Ashtahuanpish paitaca jatun mandajtaj cashcata, ñucanchij quiquin ñahuihuan ricushcatami huillarcanchij.

1 Juan 1:1

Callarichinapaj ña tiyajtaca ñucanchijtajmi uyarcanchij, ñucanchij ñahuihuantajmi ricurcanchij. Causaiyuj Rimaitaca, ñucanchij maquicunahuantajmi tuparircanchij.

1 Juan 1:5

Jesús huillajpi ñucanchij uyashcaca caimi: Diosca luzmi, paipica ima amsa mana tiyanchu. Chaitami cancunamanca huillacunchij.

1 Juan 1:7

Diosca luzpi cashca shinallataj ñucanchijpish luzpi causashpaca, caishuj chaishujhuan shuj shinallami canchij. Paipaj Churi Jesucristopaj yahuarmi, ñucanchij tucui juchacunataca p'ichan.