1 Juan 1:2 - Dios Rimashca Shimicunami

² (Chai causaiyujta ricuchijpimi, ñucanchijca ricurcanchij. Chaitami huillacunchij. Paica Yayahuanmi carca. Paita ñucanchijman ricuchijpimi, chai huiñai causaiyujmanta cancunamanca huillacunchij).

Mushuj Testamento Diospaj Shimi

² Causaita cuj shamushpa ricuchijpi ñucanchijtaj ricushpami, Paica huiñai causaita cuj cashcata huillacunchij. Paica Yayahuan tiyacushpa, ñucanchijpajman shamujpimi ricurcanchij.

1 Juan 1:2 Iomraidhean Croise

Juan 1:18

Taita Diostaca pi manataj ricushcachu. Paipaj shujlla Churi paipaj c'uchupi cajllami ricushca. Paimi Taita Dios ima shina cashcataca ricuchishca.

Juan 1:4

Paipimi causaica tiyarca. Chai causaimi, runacunapaj luz carca.

Juan 10:28

Ñucaca paicunamanca huiñai causaitami cuni, manataj chingaringacunachu. Ñuca maquimantaca, pi mana quichungachu.

Juan 14:6

Chaimi Jesusca: –Ñucamari ñan cani, mana llullapish, causaiyujpish cani. Yayapajmanca pi mana paillatajca chayai tucunchu. Ñucami Yayapajman chayachij ñan cani.

Juan 15:27

Ñuca rurana cashcata callari pachamantami ñucahuan carcanguichij. Chaimantami cancunapish ñucamantaca huillanataj canguichij.

Juan 16:28

Ñuca Yayapajmantami cai pachamanca shamurcani. Cai pachata saquishpa, ñuca Yayapajmanmi cutin tigragrini– nijpimi,

Juan 17:3

Huiñai causaita charinapajca: Quiquinlla shujlla Taita Diostaj cashcata crina. Jesucristotapish quiquin cachajpi shamushca cashcata crinami.

Juan 17:5

Cunanca Yayitu, cai pacha manaraj tiyajpi, ima shinami ishquindij sumaj, tucuita rurai tucuj carcanchij, chashnallataj cunanpish quiquinpaj c'uchupi tucuita rurai tucuj cashcata ñucataca ricuchihuai.

Juan 19:35

Chashna tucushcata ricujmi huillani. Chashna ricushcataca ima shina cashcatataj yachashcamantami huillani. Cancunapish crichunmi, chashnaca huillani.

Juan 21:14

Huañushcacunapaj chaupimanta causarishca q'uipaca, caihuanca quimsa cutinmi Jesusca paipaj yachacujcunaman ricurirca.

Juan 3:13

Jahua pachamanca pi mana huichiyarcachu. Ashtahuanpish Runa Aichayujmi jahua pachapi cashpa uriyamurca.

Juan 7:29

Ñucaca paipajmanta shamushcamantami paitaca rijsini. Paimari ñucataca cacharca– nircami.

Juan 8:38

Ñucaca Yayapaj c'uchupi cashpami paimanta imata ricushcata huillani. Cancunaca cancunapaj yayahuan cashpami pai rurai nishcata ruracunguichij– nircami.

Hechos 1:22

Paicunaca Jesusta Juan bautizacushca punllamanta Jesús jahua pachaman ringacama purijcunami. Jesús causarishcata ñucanchijhuan huillaj cachun, paicunamanta maijantapish shujta agllanatajmi canchij– nircami.

Hechos 10:41

Mana tucuicunaman ricurircachu. Tucui imallata ricushcata huillachun Taita Dios ñaupaman agllashca ñucanchijllamanmi ricurirca. Huañushcacunapaj chaupimanta causarishca q'uipaca, ñucanchijca paihuanmi micurcanchij, ubyarcanchij.

Hechos 2:32

Chai Jesustami Taita Diosca causachirca. Chaitami ñucanchijca tucui ricushcata huillajcuna canchij.

Hechos 3:15

Ashtahuanpish cancunaca Causaita Cujtarajmi huañuchircanguichij. Paitami Taita Diosca, huañushcacunapaj chaupimanta causachirca. Ñucanchijca chaita ricushcata huillajcunami canchij.

Hechos 5:32

Ñucanchijca caicunata ricushcata huillajcunami canchij, jucha illaj Espiritupish chaillatatajmi huillacun. Taita Diosca paita cazujcunamanmi, chai Espiritutaca cushca– nircami.

Romanos 8:3

Ñucanchijca juchayuj aichapi cajpi mandashca imata mana rurai tucujpimi, Diosca paipaj Churitaca, juchayujcuna shina aichayujta rurashpa cacharca. Ñucanchij juchata anchuchingapajmi, paipaj aichallapitaj juchataca chingachirca.

Gálatas 4:4

Ashtahuanpish cachana punlla pajtajpica, Diosca paipaj churitami cacharca. Paica Mandashca ucupimi, shuj huarmimanta huacharirca.

1 Timoteo 3:16

Ñucanchij crishcaca pi mana yachashca, yallitaj jatunmari. Chaitaca mana chashnachu nishpa, pi mana ni tucunchu: Taita Diosca, aichayuj tucushpami ricurishca. Espiritupish cashcata rurajmi nircami. Angelcunaca ricurcacunami. Mana judiocunamanpish paimantaca huillarcacunami. Cai pachapica, crircacunami. Sumaj jahua pachapica chasquishcami carca.

2 Timoteo 1:10

Chaitaca ñucanchijta Quishpichij Jesucristota cachashpami ricuchirca. Paimi huañuitaca anchuchirca. Alli huillaimantaca mana ismuj causaiyujta rurashpami achijman llujshichirca.

Tito 1:2

Ñucanchijca huiñai causaiyuj cashca yuyaillami canchij. Mana llullaj Diosca, chai causaitaca manaraj cai pachapi ima tiyajpimi cusha nirca.

1 Pedro 5:1

Cancunapaj ancianocunatami yuyachisha nini. Ñucapish paicuna shinallataj ancianomi cani. Cristo llaquita apashcata ricushcata huillajmi cani. Ñucapish shamuj punlla sumaj ricurinapica, tucui cancunahuanmi alli sumaj ricurisha:

1 Juan 1:1

Callarichinapaj ña tiyajtaca ñucanchijtajmi uyarcanchij, ñucanchij ñahuihuantajmi ricurcanchij. Causaiyuj Rimaitaca, ñucanchij maquicunahuantajmi tuparircanchij.

1 Juan 2:25

Ñucanchijman pai cusha nishcaca huiñai causaimi.

1 Juan 3:5

Jesucristoca, ñucanchij juchacunata anchuchingapaj shamushcataca yachanguichijmi. Paica mana juchayujchu mana juchallingapishchu.

1 Juan 3:8

Maijanpish juchata rurashpa catijca, diablopajmi. Diabloca callarimantami juchallin. Diablopaj rurashcacunata chingachingapajmi, Diospaj Churica shamurca.

1 Juan 4:14

Cai pachapi causajcunata Quishpichij cachun, Yayaca paipaj Churita cachashcatami ricurcanchij. Chaitami ñucanchijca huillacunchij.

1 Juan 4:2

Diospaj Espirituhuan cajtaca caipi rijsichij: Jesucristoca runa aichayuj tucushpami shamushca nishpa huillajca, Diospaj Espirituhuanmi.

1 Juan 5:11

Chai huillashcacunaca caimi: Diosca ñucanchijmanca, huiñai causaitami cushca. Chai causaica, paipaj Churipimi.

1 Juan 5:13

Caicunataca Diospaj Churipi crishpa pai yuyailla cajcunaca huiñai causaita ña charishcata yachachunmi quillcani.

1 Juan 5:20

Ashtahuanpish Diospaj Churi shamushcatami yachanchij. Paimari mana llullaj Diosta rijsi tucunata curca. Chaimantami paipaj mana llullaj Churi Jesucristohuan shujlla canchij. Paimi mana llullaj Dios, huiñai causaitapish cuj.