TITO 1:3 - Dios Rimashcata Quillcashcami

³ Caitaca ñucanchicta Quishpichic Diosmi, pai huillachun nishca punzhacuna pactacpi ñuca huillachun mingashpa, mandashpa huillachirca.

Nuevo Testamento en Quichua Cañar 1996

³ Chaitaca ñucanchicta Quishpichic Taita Diosmi, pai huillachun nishca punzhacuna pactacpi ñuca huillachun mingashpa, mandashpa huillachirca.

TITO 1:3 Iomraidhean Croise

ISAÍAS 12:2

¡Mandac Diosca ñucata quishpichicmi! ¡Ñucata sinchiyachic, ñuca cantana, ñucata quishpichic Diosmi! Chaimanta paipi shunguta churashpaca imatapish mana manchashachu» ningui.

ISAÍAS 45:15

Israelcunapac quishpichic Mandac Dioslla, canca mana ricuric Diosmi cangui” ningacuna.

ISAÍAS 45:21

Imata nisha nishpaca ñucapac ñaupapi nichicyari. Chai quipaca tucui tandanacushpa tapunacuichicyari. ¿Pitac ñaupamanta pacha chaicunata huillarca? ¿Pitac utcamanta pacha ña huillarca? Mandac Dios ñucallami huillarcani. Cashcata ruhuac quishpichic Diosca ñucallami cani. Ñucamanta shuctac Diosca mana tiyanchu.

DANIEL 11:27

Chai ishcai jatun mandaccunapac yuyaica millaillatami ruhuanata munanga. Micuna mizallapitacmi llullashpa parlanga. Shina cacpipish, chai punzhacuna manarac chayamushcamantami chai parlanacushcaca yangalla canga.

DANIEL 8:23

Chai chuscu mandaccuna tucuricpica, Diosta mana cazuccunami yalli mana allita ruhuanga. Chai punzhacunami fierro shina mandac, shinallatac mana yachashcata entendic jatun mandac llucshinga.

DANIEL 9:24

Israelcunapacpish, Diospac acllashcacunapacpishmi canchis chunga semanacunata chicanyachishca tiyacun. Chai semanacunapimi mana cazunatapish, juchata ruhuanatapish saquinga. Shinallatac chai semanacunallapitacmi mana allita ruhuashcatapish pichanga, huiñaita cashcata ruhuanga. Muscuipi shina ricushcatapish, Dios huillachishcatapish sellanga. Shinallatac Diospac caccunata aceitehuan cahuishpa ashtahuan Diospacllata ruhuanga.

HABACUC 2:3

Muscuipi shina ricushcaca tauca huatacunata mana pactashpapish, mana llullangachu, pactangatacmi. Mana utca pactacpipish chaparacuilla, pactangatacmi, mana unayangachu.

MARCOS 1:15

huillashpaca: «Alli huillai punzhaca chayamushcami. Diosca ñami mandagrin. ¡Chaimanta juchata saquishpa, Diosman cutirishpa, alli huillaita crichic!» nirca.

MARCOS 13:10

Cai pacha manarac tucuricpimi, cai alli huillaica tucui llactacunapi huillashca canga.

MARCOS 16:15

Shinallatac paicunataca: —Tucui pachata rishpa, alli huillaita tucui gentecunaman huillagrichic.

SAN LUCAS 1:47

Ñuca almapish ñucata Quishpichic Diosmantami cushicun.

HECHOS 10:36

Diosca Jesucristotami israelcunaman paihuan alli tucushpa, sumacta causachun, alli huillaita huillachirca. Paica tucuita mandac Jesucristomi.

HECHOS 17:26

Tucui cai pachapi causachunmi, shuclla runamanta tucui runacunata mirarirca. Paillatacmi gentecuna mashna huatacaman causanatapish, maipi causanatapish churarca.

ROMANOS 15:19

Chashnami poderyuc Diospac Espirituhuan mancharinacunatapish, milagrocunatapish ruhuashpa, Jerusalén pueblomantaca Iliria llactacaman maipipish Cristomanta alli huillaita huillarcani.

ROMANOS 16:25

Alli huillaita ñuca huillashca shina, Jesucristomanta yachachishca shina, cai pachata manarac ruhuashca punzhamanta pacha pacashcata ricuchishca shina, alli caticta ruhuangami. ¡Chaimanta Diosta alli nishunchic!

ROMANOS 16:26

Huiñaita causac Dios mandashca shinami, cunanca chai pacashcataca Dios ima nishcata huillaccuna quillcashca shina ricuchin. Cai pacashcatami tucui cai pachapi causaccuna crishpa cazuchun ricuchishca.

ROMANOS 5:6

Ñucanchic maita mana quishpiripac cacpimi, Dios acllashca punzha Cristoca juchayuccunamanta huañurca.

1 CORINTIOS 9:17

Ñuca munaillamanta huillashpaca, japina cashcataca japishami, ashtahuanpish mandashcallamanta huillashpaca, mandashcallatami ruhuacuni.

GÁLATAS 4:4

Shina cacpipish cachana punzha pactacpimi, Diosca shuc huarmimanta huacharichun paipac Churitaca cacharca. Paica Moisés mandashcacunataca tucuitami cazushpa causarca.

EFESIOS 1:10

Diosca cai cusha nishcataca pactana punzha chayacpimi pactachirca. Jahua pachapi, cai pachapi tiyac imacunatapish Cristo mandachunmi, tandachishpa chashnaca ruhuarca.

EFESIOS 2:17

Sumac apanacuita cuc alli huillaita pai apamushpami, Diosmanta carupi causac cancunamanpish, Diosmanta cuchullapi causaccunamanpish yachachirca.

FILIPENSES 1:13

Chaimantami ñuca Cristota caticushcamanta caipi prezu cactaca, jatun mandacpac soldadocunapish, tucui caipi caccunapish yachancuna.

COLOSENSES 1:23

Shina cacpimi sapiyashca shina allita crina canguichic. Chashnami alli huillaita huillashcata uyashcamanta, tucui shunguhuan japina cashcata shuyanamantaca mana anchurina canguichic. Cai alli huillaitami, tucui cai pachapi tiyac llactacunapi huillashca cashca. Chaillatatacmi ñucapish huillashpa ayudacuni.

COLOSENSES 1:6

Cai alli huillaimi alli grano pucuc shina, tucui llactacunapi mirarishpa caticun. Cancunapipish Diospac cuyaimanta parlanacucta uyashpami, Dios yallita cuyac cashcata yachashca punzhamanta pacha mirarishpa caticunguichic.

1 TESALONICENSES 2:4

Ashtahuanpish Diosllatacmi alli nishpa, alli huillaita huillachun ñucanchicman mingarca. Chai shina huillashpaca, mana gentecunatachu cushichishun ninchic, ashtahuanpish ñucanchic shungu imata yuyacushcata yachac Diostamari cushichishun ninchic.

1 TIMOTEO 1:1

Ñucanchicta Quishpichic Dios, shinallatac Apunchic Jesucristo mandashcamanta, ñucanchic shunguta churashpa shuyana Apunchic Jesucristo acllashca apóstol Pablomi,

1 TIMOTEO 1:11

Cai alli yachaicunataca quishpirinamanta sumac alli huillaimi yachachin. Chaita huillachunmi, tucui mashna alli nina Diosca ñucaman mingarca.

1 TIMOTEO 2:3

Chashna mañashpami allita ruhuanchic, shinallatac ñucanchicta Quishpichic Diostapish cushichinchic.

1 TIMOTEO 4:10

Diosca causacmi, tucui cai pachapi causaccunata Quishpichicmi, ashtahuancarin paipi shunguta churaccunatami quishpichin. Chaimantami maijancuna piñacpipish, llaquita apashpa paipactaca ruhuashpa caticunchic.

2 TIMOTEO 4:17

Chashna cacpipish Apunchic Jesusca mana ñucallata saquishpami sinchiyachirca. Chaimantami quishpirinamanta alli huillaita huillashpaca, tucui mana israelcunapish uyachun huillarcani. Chashnami Apunchic Jesusca ñucataca, piña leonpac shimimanta shina anchuchirca.

TITO 2:10

Ñucanchicta Quishpichic Diosmanta yachachishca sumac ricurichunca, ama pipac imata shuhuashpa, ashtahuanpish ima ruhuanapipish alli nishca cachun yachachingui.

TITO 2:13

shinallatac ñucanchicta Mandac Dios Quishpichic Jesucristo sumaimana cashcahuan, cutimuna cushicui punzha pactana cashcata shuyanata yachachicun.

APOCALIPSIS 14:16

Shina nicpimi chai puyu jahuapi tiyacucca paipac hocis-huan cai pachamanta granota tandarca.