TITO 1:16 - Dios Rimashcata Quillcashcami

¹⁶ Paicunaca “Diosta ricsinchicmi” nishpapish, imatapish ruhuashpaca Diosta mana ricsic cashcatami ricuchincuna. Paicunaca millana, mana cazuccuna cashpami, ima allitapish mana ruhuai pudincuna.

Nuevo Testamento en Quichua Cañar 1996

¹⁶ Paicunaca “Diosta ricsinchicmi” nishpapish, imatapish ruhuashpaca Diosta mana ricsic cashcatami ricuchincuna. Paicunaca Diospac millana mana cazuc cashpami, ima allitapish mana ruhuai pudincuna.

TITO 1:16 Iomraidhean Croise

JOB 15:16

Yacuta ubiac shina mana allita ruhuac runaca, ¿maitatac alli ricuringayari?

PROVERBIOS 30:12

Maijan huahua huahuacunaca juchacunata manarac saquishca cashpapish paicunapac yuyaillapi jucha illaccunami canchic nincunami.

ISAÍAS 29:13

Chaimantami Mandac Diosca: «Cai gentecunaca shimillahuanmi ñucataca mañan. Jahua shimillahuanmi alli nincuna. Ashtahuanpish paicunapac shunguca ñucamanta carupimi. Shinallatac runacuna yachachishcata catishcallamantami ñucataca manchan.

ISAÍAS 48:1

Israel shuti, Jacobopac huahuacuna, caita uyaichic. Cancunaca Judapac huahua huahuacunami canguichic. Mandac Diospac shutipi ari nishpapish, israelcunapac Diosta mañashpapish mana ciertota yuyaringuichicchu. Ashtahuanpish jahua shungullami canguichic.

ISAÍAS 58:2

Paicunaca cashcata ruhuashpa causac shina, ñuca mandashcacunata cazushpa causac shinami, punzhanta ñucata mashcashpa, ñucamanta yachanata munan. Paicunaca cashcata ruhuashpa ricuchichunmi mañan. Shinallatac Diospacmanmi cuchuyanata munan.

ISAÍAS 59:13

Ñucanchicta Mandac Diosta mana cazushpa, paita piñachishpami, paimanta anchurishcanchic. Pitapish llaquichinallata, Diosta mana cazunallatami rimanchic. Pandachishpa llaquipi churanallatami yuyashpa purinchic.

JEREMÍAS 12:2

Can tarpucpica, sapiyashpa huiñashpami, granota pucurca. Paicunaca shimillahuanmi cantaca alli nincuna. Ashtahuanpish shunguca canmanta carupimi.

JEREMÍAS 5:2

Maijan: “Mandac Diospac shutipimi ari nini” nishpapish yangallami ari ninga» ninmi.

JEREMÍAS 6:30

Mandac Dios mana ricusha nishpa, shitashcamantami “caica shitashca cullqui” nincuna» nirca.

EZEQUIEL 33:31

Paicunapish ñuca acllashca gentecuna shinami, can rimashcata uyangapac cambac ñaupaman shamun. Shina cashpapish mana pactachincunachu. Chai gentecunaca shimillahuanmi alli nincuna, ashtahuanpish shungupica chayucyana manaihuanmi purin.

NÚMEROS 24:16

Dios ima nishcatapish huillac, jatun Dios imata yuyacushcatapish yachac, imatapish ruhuac Dios muscuipi shina, ricuchishcata ricuc runami rimacun. Urmashca cashpapish ñahui pascashca urmac runami rimacun.

ROMANOS 1:28

Diosca, paimanta yachanata mana munacpimi, manapish caipaccunata ruhuachun, paicunapac yuyaipi millai junda cachun saquirca.

EFESIOS 5:6

Yanga parlocunahuanca pipish cancunata ama pandachichun. Chashna mana allita ruhuashcamantami Dios piñarishpa, tucui paita mana cazuccunataca llaquichinga.

1 TIMOTEO 1:9

Mandashcaca cashcata ruhuaccunata llaquichichunca mana canchu, ashtahuanpish millaita ruhuaccunata, mana cazuccunata, sinchi shungucunata, juchalliccunata, mana alli niccunata, burlaccunata, taita mamatapish shuccunatapish huañuchiccunata,

1 TIMOTEO 5:8

Maijanpish quiquin familiata, ashtahuancarin quiquin huasi ucupi caccunata mana llaquicca, crishcata saquishcami, shinallatac Jesusta mana ricsictapish yallimi can.

2 TIMOTEO 3:17

Chashna yachachishca cashpami, Diospacta ruhuaccunaca imatapish allita ruhuangapac allichirishca canga.

TITO 3:1

Criccunataca llactata mandaccunatapish, pueblota mandaccunatapish cazuchun, imata ruhuachun mandacpipish cushilla ruhuachuncuna,

TITO 3:3

Ñaupaca ñucanchicpish Diosta mana cazuc, yuyai illac, juchapi chingarishca, ñucanchic munaillata ruhuashpa cushicuna yuyaillapi huatashca shinami causacurcanchic. Chashna cashpami shuccuna ama charichun munashpa, caishuc chaishuc-huan piñanacushpa causacurcanchic.

1 JUAN 2:4

Maijanpish «ñucaca paita ricsinimi» nishpapish, Dios mandashcacunata mana pactachishpaca llullami can. Shina cacpimi paipac shungupica imatapish cashcata ruhuashpa causana yuyaica mana tiyan.

SAN JUDAS 1:4

Chaica cancunapurapimi, pacalla maijan llullac huillaccuna yaicushca. Chaicunataca ñaupa punzhacunamanta pachami Diosca jatun llaquiman rina cashcata huillashca. Chaicunaca millai runacunami. “Ñucanchic Diosca cuyacmi” nic tucushpallami, imapipish mana jarcarishpa, mana alliman pushancuna. Chashna ruhuashpami, ñucanchicta Mandac shuclla Apunchic Jesucristotapish “paica mana quishpichicchu” nincuna.

APOCALIPSIS 21:27

Chai pueblomanca juchayuccunapish, millaita ruhuaccunapish, llullaccunapish mana yaicungachu. Ashtahuanpish Pactalla Oveja charicuc, huiñaita causangapac rina libropi shutita quillcachishcacunallami yaicunga.

APOCALIPSIS 21:8

Ashtahuanpish manchaccunaca, mana criccunaca, millaicunaca, huañuchiccunaca, huainayaccunaca, brujiaccunaca, ruhuashcalla dioscunata adoraccunaca, shinallatac tucui llullaccunaca azufrehuan rupacuc nina cuchapimi shitashca canga. Chaica quipa huañuimi can» nirca.

1 SAMUEL 15:22

Shina nicpimi Samuelca: —Mandac Diosca, ¿paiman cushpa, tucui rupachicpi, paiman animalcunata cushpa huañuchicpichu cushicunga? Ashtahuanpish pai mandashcata cazunami Diosman animalta huañuchinatapish ashtahuan yalli alli can. Shinallatac ovejacunapac huirata cunapac randica pai nishcata uyanami ashtahuan alli can.

1 SAMUEL 15:24

Shina nicpimi, Saulca Samueltaca: —Shinashpaca juchatami ruhuashcani. Mandac Dios mandashcatapish, can ima nishcatapish mana cazushcanichu. Gentecunata manchashpami paicuna ima mañashcata ruhuachun saquircani. Shina cacpipish, ñuca juchata perdonai.