SOFONÍAS 3:5 - Dios Rimashcata Quillcashcami

⁵ Mandac Diosca paicunapac chaupipica cashcata ruhuacmi, ima millaitaca mana ruhuangachu. Paica cada tutamantami cashcata ruhuashpa taripan. Chaita ruhuanataca jaicapi mana cungaringachu. Ashtahuanpish mana allita ruhuac runaca mana pinganchu.

SOFONÍAS 3:5 Iomraidhean Croise

GÉNESIS 18:25

Can Diosca tucui cai pachapi allita ruhuacmi cangui. Chashna cashca jahuaca, ¿allita ruhuaccunataca Diosta mana cazuccunahuan pactachu chingachingui? Chaitaca jaicapi mana ruhuanguichu— nirca.

JOB 34:10

Chaimanta alli yuyaita chariccuna caita alli uyaichic. ¡Mana allita ruhuana munaica Diosmanta carupi cachun! ¡Millaita ruhuanapish tucuita ruhuac Diosmanta carupi cachun!

JOB 7:18

¿Imamantatac tucui tutamanta ricuc shamunguiyari? ¿Runataca ima cacpitac yuyaringuiyari?

JOB 8:3

¿Diosca allita ruhuanata paquishcachu? ¿Tucuita ruhuac Diosca cashcata ruhuanata paquishpachu, mana allita ruhuashca?

SALMOS 145:17

Mandac Diosca, tucui causaipimi cashcata ruhuan. Imata ruhuashpapish llaquic cashcatami ricuchin.

SALMOS 37:6

Achicllapi shinami canmanca cashcata ruhuanga. Chaupi punzhapi shinami can japinataca cunga. Cambac cashcata ruhuanaca achicyamucuc shinami ricuringa.

SALMOS 92:15

Chaica: «Ñucanchicta huacaichic Diosca cashcata ruhuacmi, jucha illacmi» nishpa huillangapacmi chashna canga.

ISAÍAS 12:6

Sionpi causaccunalla, yallita cushicushpa cantaichicyari. Cancunapac chaupipi causacuc israelcunapac jucha illac Diosca jatunmari» nichicyari.

ISAÍAS 28:19

Chai llaquicunami tucui tutamantacuna, chishicuna, tucui punzhacuna pasanga. Chai shamucta uyashpallami manchashpa urmanguichic.

ISAÍAS 33:2

Mandac Dioslla, ñucanchicta llaquiyari. Canllatami shuyacunchic. Tutamanta cambac rigrahuan ayudaiyari. Ñucanchic jatun llaquipi cacpipish quishpichiyari.

ISAÍAS 45:21

Imata nisha nishpaca ñucapac ñaupapi nichicyari. Chai quipaca tucui tandanacushpa tapunacuichicyari. ¿Pitac ñaupamanta pacha chaicunata huillarca? ¿Pitac utcamanta pacha ña huillarca? Mandac Dios ñucallami huillarcani. Cashcata ruhuac quishpichic Diosca ñucallami cani. Ñucamanta shuctac Diosca mana tiyanchu.

ISAÍAS 50:4

Mandac Diosmi ñucataca shaicushca causaccunata samachichun yachachirca. Tucui tutamantami pai yachachishcata tucui shunguhuan uyachun ricchachin.

JEREMÍAS 21:12

Davidpac huasi ucupurataca: Ima llaquicunataca tucui tutamanta allichichic. Llaquichishca runataca llaquichic runapac maquimanta cacharichishpa, allita ruhuaichic. Cancuna mana allita ruhuashcamanta nina japiric shina, ñuca ama piñarichunmi chashna ruhuana canguichic. Chai ninataca pipish mana huañuchi pudingachu.

JEREMÍAS 3:3

Chaimantami punta tamyapish, chagrata pucuchic quipa tamyapish mana tiyarca. Cullquimanta huainayac huarmi shinami, manatac pingarcangui.

JEREMÍAS 6:15

¿Millana juchata ruhuashcamantaca pinganchu? ¡Paicunaca mana pinganchu! ¡Ima shina pinganatapish mana yachanchu! Chaimantami paicunaca ñuca llaquichi punzhapica, urmaccunahuan pacta llaquipi urmanga. Chaitaca Mandac Dios ñucami nini» nirca.

JEREMÍAS 8:12

¿Millai juchata ruhuashcamantaca pingancunachu? ¡Paicunaca mana pinganchu! ¡Ima shina pinganatapish mana yachancunachu! Chaimantami ñuca llaquichicpica, paicunaca llaquipi urmaccunahuan pacta llaquipi urmanga. Mandac Dios ñucami chashna nini» nirca.

LAMENTACIONES 3:23

Chai cuyaica cada tutamantami mushucyan. ¡Canca tucuita pactachicmi cangui!

EZEQUIEL 18:25

Ashtahuanpish cancunaca: “Mandac Diosca mana cashcata ruhuacchu” ninguichicmi. Israelcunalla, ñuca ruhuashcacunaca, ¿manachu cashcata ruhuashca? Ashtahuanpish cancunami mana allita ruhuanguichic.

EZEQUIEL 48:35

Chai llacta muyundica iscun huaranga metromi canga. Chai punzhamanta pachami chai puebloca, ‘Mandac Diosmi cai llactapica’ nishpa shutichishca canga» nirca.

OSEAS 14:9

Cai huillashcacunata alli yachangapacca, ¿pitac alli yachac canguichicyari? Caicunata entendingapacca, ¿pitac alli yuyaita charinguichicyari? Mandac Diospac ñancunaca alli ñancunami. Chai ñancunataca cashcata ruhuaccunallami puringa. Ashtahuanpish mana cazuccunaca chaillapitacmi mitcaringa.

OSEAS 6:5

Chaimantami ñuca ima nishcata huillaccunata cachashpa, cancunataca chingachircani. Ñuca rimashcahuanmi huañuchircani. Ñuca cashcata ruhuashcaca luz shinami canga.

MIQUEAS 3:11

Juezcunaca pacalla imata japishpami, ima llaquitaca allichin. Curacunaca cullquimantami yachachin. Huillaccunapish cullquimantami yachac tucushpa huillan. Chashna ruhuacushpapish Mandac Diostami yuyarinchic nishpaca: “¿Manachu Mandac Diosca ñucanchic-huan? ¡Ima llaquipish ñucanchictaca mana japingachu!” nincunami.

MIQUEAS 7:9

Ñuca juchata ruhuashcamantami Mandac Diosca piñarirca. Chaimanta cunanca, pai taripashpa, cashcata ruhuangacaman pai llaquichishcataca apacushallami. Paimi ñucataca achic luzman llucchinga. Chashna llucchicpica, pai cashcata ruhuac cashcatami ricusha.

HABACUC 1:3

¿Ima nishpatac mana allicunata ricuchingui? ¿Ima nishpatac llaquicunata ricuchun saquingui? Ñuca ñaupapica piñanacui, rimarinacui, macanacui, huañuchishpa tucuchinacuimi ricurin.

SOFONÍAS 2:1

Mana pingac gentecunalla, tandanacushpa llaquirichicyari.

SOFONÍAS 3:13

Saquirishca israelcunaca ima mana allita mana ruhuangachu, mana llullangachu. Llullashpa pita mana umangachu. Paicunata allita michicpimi, imatapish mana manchashpa, cushilla causanga» ninmi.

SOFONÍAS 3:15

Mandac Diosca cancunata mana llaquichingachu. Cancunata piñaccunatapish llucchishpa cachashcami. ¡Israelcunata jatun Mandac Diosca cancunapac chaupipimi! ¡Jaicapi ima llaquita mana manchanguichicchu!

SOFONÍAS 3:17

Mandac Diosca cancunapac chaupipimi. ¡Paica quishpichingami! ¡Paica yallita poderyuc Diosmi! Paica cancunamanta yallita cushicungami. Paica cuyacmi, cushicushpa cantangami.

ZACARÍAS 2:5

Ñucaca Jerusalén muyundi nina rupacuc pirca shinami casha. Ñucapac sumaimana achic nicuctami Jerusalén chaupipi ricuchisha. Chaitaca Mandac Dios ñucami nini” ninmi ningui» nirca.

ZACARÍAS 9:9

¡Sionpi causaccunalla, yallita cushicuichicyari! Jerusalenpi causaccunalla, cushicushpa caparichicyari. Riquichic, cancunata jatun mandacca mama burropac huahua maltón burritopimi cancunapacman shamunga. Paica cashcata ruhuac, quishpichic, cuyac shungumi canga.

SAN LUCAS 12:2

Imapish mana pacalla saquiringachu, tucuimi yacharinga. Tucui pacashcacunami ricuringa. Mana pacalla saquiringachu.

ROMANOS 2:5

Can sinchi shungu tucushpa, Diosman mana cutirishpaca, Dios yallita piñarishpa taripana punzhapacmi llaquita ashtahuan mirachicungui. Diosca cashcata ruhuashpami,

ROMANOS 3:26

Cunanmi Diosca ima shina chasquic cashcata ricuchin. Jesusta criccunata chasquishpami, pai cashcata ruhuac cashcata ricuchin.

1 CORINTIOS 4:5

Shina cacpica manarac juchanchina punzha chayamucpi, ama juchanchichicchu. Apunchic Jesús cutimunata shuyaichic. Paimi amsapi pacashcacunatapish, shungu imata yuyashcatapish achicpi shina ricuchinga. Shina ruhuacpimi, Diosca cada quiquin imata ruhuashcata ricushpa alli ninga.

DEUTERONOMIO 23:14

Mandac Diosmi cancunata ayudashpa, piñaccunata cancunapac maquipi churangapac, carpa huasi chaupipi purin. Chaimantami carpa huasica Diospaclla, shinallatac chuyaclla cana can. Mapa cacpica, Mandac Diosca anchuringami.

DEUTERONOMIO 32:4

Paica jatun Rumi shina Diosmi. Paipac ruhuashcaca tucui allimi. Pai ruhuashcaca allita ruhuashcami. Paica cashcata nic Diosmi. Paipica ima mana allica mana tiyanchu. Paica cashcata ruhuacmi.

1 PEDRO 1:17

Cancunaca shucllaman mana tucushpa imata ruhuashcata ricushpa taripac Diosta “Taita” nishpaca, tucui causaipimi cai pachapi causashcacamanca, paita manchashpa, cumurishpa causana canguichic.