SOFONÍAS 3:4 - Dios Rimashcata Quillcashcami

⁴ Dios ima nishcata huillaccunaca jatun tucushca, llullashpa umaccunami. Curacunapish Diospac huasita mapayachiccunami, mandashcatapish mana cazunchu.

SOFONÍAS 3:4 Iomraidhean Croise

ISAÍAS 9:15

Umaca pushac yuyaccuna, alli nishca runacunami. Chupaca llullashpa yachachiccunami.

JEREMÍAS 23:32

Muscushcata llullashpa huillaccunahuanca piñarishcami cani. Paicunaca uyanalla shimicunata parlashpami, ñuca acllashcacunataca pandachin. Ñucaca paicunataca mana huillachun cacharcanichu. Cai gentecunamanca ima allitapish mana ruhuancunachu. Chaitaca Mandac Dios ñucami nini.

JEREMÍAS 34:19

Judá llactata mandaccunapish, Jerusalenta mandaccunapish, shuctac mandaccunapish, curacunapish, cai llactapi causac tucui gentecunapish becita huañuchishpa chaupishcatami pasarca. Paicunatapish chashnallatacmi llaquichigrini.

JEREMÍAS 5:31

Dios ima nishcata huillaccunapish llullashpami huillan. Curacunapish paicuna munashca shinami pushacun. Ñuca acllashcacunapish chaitami munancuna. Chaimanta llaqui punzhacuna chayamucpica, ¿imatatac ruhuanguichic?

JEREMÍAS 8:10

Chaimantami paicunapac huarmicunatapish, chagracunatapish cai llactata shuctac runacunaman cugrini. Uchilla huambracunapish, yuyaccunapish quiquinlla ima shinapish chayucyanatami munan. Tucui huillac runacunapish, curacunapish llullashpa umaccunami.

LAMENTACIONES 2:14

Huillaccunaca llullashpami, muscuipi shina ricushcata huillarca. Ama prezu apachunmi, juchata ruhuashcataca mana huillarca. Chaipac randica llullashpami, muscuipi shina ricunchic nishpa huillarca.

EZEQUIEL 22:26

Curacunapish, ñuca mandashcacunata mana cazushpami, ñucapaclla chicanyachishca pushtucunata mapayachin. Imami ñucapaclla cashcatapish, imami mapa cashcatapish mana yachancunachu. Imami chuya, imami mapa cashcatapish mana yachancunachu. Samana punzhatapish mana yuyarincunachu. Chashnami ñucata yangapi churancuna.

EZEQUIEL 22:6

Riquichic, Israel llacta mandaccunaca ‘mandacmi cani’ nishpami huañuchishpa, yahuarta jichancuna.

EZEQUIEL 44:23

Ñuca acllashca gentecunataca imacunalla ñucapaclla cashcata, mana ñucapaclla cashcatami yachachina can. Shinallatac imacunalla mapa cashcata, mana mapa cashcatami ricuchishpa, yachachina can.

OSEAS 9:7

¡Llaquichina punzhacunami chayamun! ¡Paicuna japina punzhacunami pactamun! ¡Chaitaca israelcunami yachanga! Chaica, cancunallatac yalli juchata ruhuashcamanta, yalli millai yuyaihuan cashcamantami Dios ima nishcata huillactaca: “Yuyai illacmi” ninguichic. Cutin Diospac Espirituta charic runataca: “Locomi” ninguichic.

MIQUEAS 2:11

Maijan llullac espirituhuan cashpaca: “Ñucaca vinopish, sidrapish tiyangami” nishpa huillacca cai llactapi causaccunapac huillacmi canga.

MIQUEAS 3:11

Juezcunaca pacalla imata japishpami, ima llaquitaca allichin. Curacunaca cullquimantami yachachin. Huillaccunapish cullquimantami yachac tucushpa huillan. Chashna ruhuacushpapish Mandac Diostami yuyarinchic nishpaca: “¿Manachu Mandac Diosca ñucanchic-huan? ¡Ima llaquipish ñucanchictaca mana japingachu!” nincunami.

MALAQUÍAS 1:6

Churica taitata cazunmi. Servicpish amota manchanmi. Ñuca cancunapac Taita cacpica, ¿ima nishpatac mana cazunguichic? Ñuca cancunapac amo cacpica, ¿ima nishpatac mana manchanguichic? Ñuca shutita yangapi churac curacunalla, cancunaca: “¿Ima shinatac cambac shutitaca yangapi churanchicyari?” ninguichicmi. Chaitaca Mandac Dios ñucami nini.

MALAQUÍAS 2:7

Paicunaca tucuita Mandac Diospac huillaccunami. Chaimantami paicunaca allillata huillancuna. Chashna huillacpimi, gentecunaca mandashcamanta yachanata munanga.

MALAQUÍAS 2:8

Ashtahuanpish cancunaca alli ñanmanta anchurishpami, ñuca mandashcacunata pandata yachachishpa, tauca runacunata mitcachic shina urmachircanguichic. Chashna ruhuashpami, levitacunahuan ari nishcatapish yangapi churarcanguichic.

SAN MATEO 7:15

Cancunapacman shamuc llulla huillaccunamanta cuidaringuichic. Paicunaca oveja carata churarishca, cutin ucu shungupica, atuc shina millaicunami.

2 CORINTIOS 11:13

Chaicunaca llullashpa huillashpa pandachiccunami, shinallatac “Cristopac apostolcunami canchic” nic tucuccunami.

1 JUAN 4:1

Cuyashca criccuna, cai pachapica taucacunami “Diosmanta huillaccunami canchic” niccuna tiyan. Shina cashcamanta ama tucuita cringuichicchu, ashtahuanpish Diospac Espirituhuan cashcata, mana cashcata ricunaracmi canguichic.

APOCALIPSIS 19:20

Chai manchana animaltapish, llullashpa huillactapish prezumi japircacuna. Chai llullashpa huillacca chai manchana animalpac ñaupapimi pi mana ruhuaipaccunata ruhuashpa ricuchic carca. Cai ruhuashcacunahuanmi chai llullashpa huillacca manchana animalpac shutita frentepi chariccunatapish, shinallatac chai animalman ricchata alli niccunatapish umashca carca. Chai ishcaicunataca causactami azufrehuan rupacuc nina cuchapi shitashca carca.

JUECES 9:4

Paicunaca Baal-berit diosta yuyarina huasi ucumantami canchis chunga cullquita japishpa curca. Chai cullquihuanmi Abimelecca imatapish mana ruhuashpa causac quilla gentecunata pusharca.

1 SAMUEL 2:22

Elica ña yuyacmi carca. Shina cashpapish, paipac churicuna israelcunata imata ruhuacucta shinallatac Dios-huan tupana huasi pungupi cuidac huarmicunahuan ima shina sueñushpa causacushcatapish tucuitami yacharca.